Lua tosi a Samuele 19:41 - Tosi Tapu

⁴¹ Kae ko leinei, na au loa a tagata fuli o Iselaele ki le sau, o pati kiate ia : Kolea na too ai a koe e omatou fetaina, tagata o Suta, ti na lotou fakafeao ai ki le sau ke fakalaka i le solotane, mo lona famili, mo le kakai katoa a Tavite ?

Lua tosi a Samuele 19:41 ပူးပေါင်းရင်းမြစ်များ

Lua tosi a Samuele 19:11

I lona fetuu, na kakau loa e le sau ko Tavite ke pati ki tagata faisakilifisio ko Satoke mo Apiatale : Kolua masasau ki le kau matua o Suta, ti kolua pati kia latou : Kolea e kotou muli ai loa i le toe aumai o le sau ki lona fale sau ? Talie kua kaku ki le sau le nea leia kua masaui i Iselaele katoa.

Lua tosi a Samuele 19:12

Ko oku fetaina koutou, ko oku ivi koutou mo loku kanofi, kolea ka kotou muli ai loa i le toe aumai o le sau ki lona fale sau ?

Lua tosi a Samuele 19:3

I le aso lena na ulu fakaeteete loa le kakai ki le kolo ofaipe ni kakai kua luma talie na lotou sosola mei se tau.

Tuifakamaau 12:1

Na tanaki loa a tagata o Efalaimi, ti na lotou ano loa ki le noleto, ti na lotou pati loa kia Sefete : Kolea na ke ano ai o taui a vosa o Amone, kae na leaise ke kalagai mai matou ke motou ano mo koe ? E motou loto ke tutu lou fale ti ke tutu a koe mo ia.

Tuifakamaau 8:1

Na pati loa a tagata o Efalaimi kia Seteone : Kolea na ke fai ai le nea lena kia matou ? Kolea na leaise ke kalaga mai ai kia matou i le lakaga leia na ke ano ai o taui Matiane ? Ti na lotou masau fakamakeke loa kia Seteone.