Lua tosi a Samuele 19:27 - Tosi Tapu

²⁷ Ti na loi a ia o uiga mo lau tagata fakasausau ki loku aliki le sau. Kae e fai loku aliki le sau pe se aselo a le Atua. Fai le nea leia e ke malie ia.

Lua tosi a Samuele 19:27 ပူးပေါင်းရင်းမြစ်များ

Lua tosi a Samuele 14:17

Na pati lau fafine fakasausau : Ko le masau a loku aliki, le sau, e soli ia mai loa kiate au le fulufulumalie. Talie e tatau loku aliki, le sau, mo se aselo a le Atua, kua nofo teuteu a ia ke logo ki le malie mo le veli. Ti ke nofo mo koe le Eteleno, lou Atua !

Lua tosi a Samuele 14:20

Na fai le nea lena e lau tagata fakasausau ko Soape ke fulusi ai le nea. Kae e poto loku aliki ofaipe se aselo o le Atua, e iloa e ia a nea fuli ala e soko i le kele.

Lua tosi a Samuele 16:3

Na pati loa le sau : Kofea le vosa o lou pule ? Ti na tali loa Tesipa ki le sau : Ko leinei, na nofo a ia i Selusalemi talie e pati a ia : I le aso nei e liufaki loa kiate au e le fale o Iselaele le puleaga o loku tamana.

Lua tosi a Samuele 16:4

Na pati loa le sau kia Tesipa : Ko leinei, kua ke maua a nea fuli a Mefiposete. Ti na punou loa Tesipa ki le kele, o pati : Ke finegalo alofa mai kiate au loku aliki le sau !

Lua tosi a Samuele 19:17

Na ano a ia mo kau tagata e tino afe o Pesamino, mo Tesipa, tagata fakasausau o le fale o Saulo, mo vosa e tino agafulu tupu lima o Tesipa mo ana tagata fakasausau e tino lua. Na lotou fakalaka loa i le Solotane i mua o le sau.

Lua tosi a Samuele 9:13

Koia na nofo ai Mefiposete i Selusalemi, talie na kai tuumau a ia i le laupapa o le sau. Na kito ona vae lualua.

Lua tosi a Samuele 9:3

Na pati loa le sau : Pe leaise koi toe se tasi i le fale o Saulo, o tupu ke kau fakasa kiate ia le agamalie o le Atua kiate au ? Ti na tali loa Tesipa ki le sau : Koi toe le vosa o Sonatane, kae e maimoa ona vae.

Pesalemo 101:5

Ko leia e lauveli fakafufu ki lona oloi, E kau tapono ia loa lona gutu. Ko leia e maua ia ni mata matasoka mo se loto fia nealasi, e leaise kau kataki loa kiate ia.

Pesalemo 15:3

E leaise lau e ia ni veli ki lona oloi, E leaise fai e ia se nea veli ki lona oloi, Ti e leaise fai e ia se nea fakalumaluma ki lona oloi.

Ekesote 20:16

Aua na ke fakamaoki loi ki lou oloi.

Selemia 9:4

Ke tasi nofo tokaga ki lona kaukau nea, Ti ke aua na fanaki ki se tasi o ona fetaina ; Talie e afa e fetaina fuli ke kaka, Ti e fakamafola e kaukau nea fuli ni fatufatu.

Uluaki tosi a Samuele 29:9

Na tali loa Akise kia Tavite : E kau iloa le nea lena talie e ke malie ki oku mata ofaipe se aselo a le Atua ; kae e pati a pule o le kau Filisitini : Ke aua na pale loa a ia mo tatou ki le tau.