Lua tosi a Samuele 19:24 - Tosi Tapu

²⁴ Na ifo mai foki mo Mefiposete, makopuna o Saulo, o fakafelavei ki le sau. Na leaise fufulu fua e ia ona vae, pe tele lona kaukava, pe fo ona nea lava, talu mei le aso leia na ano ai le sau o kaku ki lana toe liliu mai i le tokamalie.

Lua tosi a Samuele 19:24 ပူးပေါင်းရင်းမြစ်များ

Lua tosi a Samuele 12:20

Ti na malaga ake loa Tavite mei le kele. Na maanu loa a ia, mo takai lolo, mo fetogi ona teu ; ti na ano loa a ia ki le fale o le Eteleno, o fai lana su. I lana toe liliu mai ki lona fale, na pati loa a ia ke avake sana nea ke kai, ti na kai loa a ia.

Lua tosi a Samuele 15:30

Na pale loa Tavite ki le mauga o oliveto. Na pale tagi a ia, ti na pulou lona fa ulu, ti na saele kilii vae a ia ; ti na pulou foki a ulu o latou fuli ala na nonofo mo ia, ti na lotou pale fetagisi.

Lua tosi a Samuele 16:3

Na pati loa le sau : Kofea le vosa o lou pule ? Ti na tali loa Tesipa ki le sau : Ko leinei, na nofo a ia i Selusalemi talie e pati a ia : I le aso nei e liufaki loa kiate au e le fale o Iselaele le puleaga o loku tamana.

Lua tosi a Samuele 9:11

Na pati loa a ia ki le sau : E fai loa e lau tagata fakasausau a nea fuli ala e fakatotonu e le sau loku aliki ki lana tagata fakasausau. Ti na kai loa Mefiposete i le laupapa o Tavite, ofaipe se tasi o vosa o le sau.

Uluaki tosi o Sau 2:8

Ko leinei, e ke nofo mo Simei, vosa o Kela, tagata Pesamino, mei Pasulimi. Na lauvelii e ia au, i le aso leia na kau ano ai ki Maanaimi. Kae na ifo mai a ia, o fakafelavei kiate au i le Solotane, ti na kau fakapapau kiate ia i mua o le Eteleno : E leaise kau tamate loa a koe ki le seleta.

Ekesote 19:10

Ti na pati loa le Eteleno kia Moisese : Toe liliu ki le kakai, ti ke pati kia latou ke lotou fakamea i le aso nei mo apogipogi, ti ke lotou fakamea olatou teu.

Esaia 15:2

Kua pale le kakai o Tiponi ki le fale tapu mo ganea taualuga, o tagi i ai. Kua fai e Moape ni tagi vale ki Nepo mo Metepa : Kua tele a ulu fuli, ti kua koti a kaukava fuli.

Selemia 41:5

Na kaku mai loa mei Siseme, mo Silo, mo Samalia ni kau tagata e toka valu ala kua tele olatou kaukava, ti kua masaesae olatou kofu, ti kua mavakuvaku olatou mata. Na lotou aumai loa ni moliga mo se iseso ke momoli i le fale o le Eteleno.

Mateo 6:16

Ka kotou sesunio, aua na kotou mata mamae, ofaipe le kau malualoi, ala e fetogi olatou mata talie ke fakasa ai ki tagata e lotou sesunio. E kau pati maoki atu kia koutou, kua lotou maua lolatou fakapale.

Loma 12:15

Ke kotou fakafiafia mo latou e fiafia ; ke kotou tagi mo latou e tagi.

Epelo 13:3

Kotou manatui le kau pilisoni, o sakinake e kotou pilisoni foki ; kotou manatui latou ala e fakavelivelii o sakinake e kotou tino tasi mo latou.