Lua tosi a Samuele 19:18 - Tosi Tapu

¹⁸ Na fai loa e le vaka, leia na tuku ki le sau, le feanoaki o fetuku lona famili ; ti ko leinei, i le lakaga leia na tonu ke fakalaka ai le sau i le solotane, na tutuli loa Simei, vosa o Kela, i ona mua.

Lua tosi a Samuele 19:18 ပူးပေါင်းရင်းမြစ်များ

Lua tosi a Samuele 19:17

Na ano a ia mo kau tagata e tino afe o Pesamino, mo Tesipa, tagata fakasausau o le fale o Saulo, mo vosa e tino agafulu tupu lima o Tesipa mo ana tagata fakasausau e tino lua. Na lotou fakalaka loa i le Solotane i mua o le sau.

Lua tosi a Samuele 19:19

Ti na pati loa a ia ki le sau : Ke aua na taofi e le sau laku agaveli, ke galoi e ia lona lauvelii e lau tagata fakasausau i le aso leia na mavae ai le sau loku Aliki i Selusalemi, ti ke aua na tokagai e le sau le nea lena !

Lua tosi a Samuele 19:30

Ti na pati loa Mefiposete ki le sau : Ke too fuli e ia a kele, talie kua toe ulu le sau loku aliki ki lona fale sau i le tokamalie.

Lua tosi a Samuele 9:10

E ke gaoi loa ona kele fuli, e koe, mo ou vosa, mo au tagata fakasausau, ti e ke tanaki loa a fua, o tupu ke maua e le vosa o lou pule se pane ke kai ; ti ko Mefiposete, vosa o lou pule, e kai tuumau loa a ia i loku laupapa. Ti ko leinei, na maua e Tesipa ni vosa e tino agafulu tupu lima mo ni tagata fakasausau e tino lua.

Lua tosi a Samuele 9:2

Na i ai se tagata fakasausau mei le fale o Saulo, na igoa ko Tesipa, leia na aumai loa kia Tavite. Na pati loa le sau kiate ia : Pe ko Tesipa a koe ? Ti na tali loa a ia : Ko au totonu ko lau tagata fakasausau !

Uluaki tosi o Sau 2:8

Ko leinei, e ke nofo mo Simei, vosa o Kela, tagata Pesamino, mei Pasulimi. Na lauvelii e ia au, i le aso leia na kau ano ai ki Maanaimi. Kae na ifo mai a ia, o fakafelavei kiate au i le Solotane, ti na kau fakapapau kiate ia i mua o le Eteleno : E leaise kau tamate loa a koe ki le seleta.

Pesalemo 66:3

Kotou pati ki le Atua : E fakaii ai au gaoiaga ! O tupu ko le lasi o lou makeke, e fakavikiviki ou fili kiate koe.

Pesalemo 81:15

I se kemo o le mata, e kau fakaluma ia loa olatou fili, E kau fakamaliu loa loku lima kia latou ala e vesia kia latou.

Apokalipisi 3:9

Tio, e kau soli kiate koe ni iki o le sinakoka o Satana, ala e pati ko le kau Sutea, kae e leai, e lotou loi ; tio, e kau fakamakeke loa latou ke lotou au o punou i ou vae, ti ke lotou iloa kua kau alofa kiate koe.

Uluaki tosi a Samuele 22:15

Pe ko se nea foou ke kau afa le finegalo o le Eteleno kiate ia ? Ke mamao iate au ! Ke aua na tuku e le sau se veli ki lana tagata fakasausau pe ko se tasi i le fale o loku tamana, talie e leaise iloa fua e lau tagata fakasausau se nea lasi pe ikiiki i nea fuli anei.