Lua tosi a Samuele 19:1 - Tosi Tapu

¹ Na au loa o fakasa kia Soape : Ko leinei, kua tagi le sau mo mamae o tupu ko Apesalone.

Lua tosi a Samuele 19:1 ပူးပေါင်းရင်းမြစ်များ

Senesi 37:35

Ti na nake loa ona vosa fuli mo ona taineliki fuli o fakapelepelei a ia, kae na leaise tali loa e ia se fakafimalie e tasi. Na pati loa a ia : E kau tagi loa ki loku vosa o kaku ki le aso leia e kau fakatasi ai loa mo loku vosa i le nofoaga o le kau mate ! Ti na tagi a ia ki lona vosa.

Lua tosi a Samuele 18:12

Kae na pati loa le tagata lena kia Soape : Kapau foki e kau too loa i loku lima ni fa sikele paaga e afe, e leaise kau fafa loa ki le vosa o le sau ; talie na tou logo fuli ki le fakatotonu leia na fai e le sau kiate koe, mo Apisai, mo Itai : Ke kotou tokaga ki loku vosa ko Apesalone !

Lua tosi a Samuele 18:14

Na pati loa Soape : E leaise kau masau fualoa mo koe ! Ti na too loa e Soape a fa tao e tolu, o sukii ki le mafu o Apesalone, leia na koi mauli malie i loto malie o laa o le telepenite.

Lua tosi a Samuele 18:20

Na pati loa Soape kiate ia : E leaise ko koe leia e tonu ke ave ia a logo i le aso nei ; koi ke ave ia loa a logo i se tasi ake aso, kae leai i le aso nei, talie kua mate le vosa o le sau.

Lua tosi a Samuele 18:33

Koia na mamae lasi ai le sau, ti na pale loa a ia ki le kogafale i aluga o le matapa, o tagi loa. Na pati a ia i lana saele : Ei loku vosa ko Apesalone ! Ei loku vosa, ei loku vosa ko Apesalone ! Kolea na leaise kau mate ai o fetogi a koe ! Apesalone, loku vosa, loku vosa !

Lua tosi a Samuele 18:5

Na tuku loa e le sau le fakatotonu leinei kia Soape, mo Apisai, mo Itai : Kapau e kotou alofa kiate au, ke aua na kotou fai loa se nea veli ki loku vosa ko Apesalone ! Ti na logo loa le kakai katoa ki le fakatotonu a le sau ki pule tau fuli o uiga mo Apesalone.

Lua tosi a Samuele 19:2

Ti na liliu loa le malo, i le aso lena, ko se putu ki le kakai katoa, talie na logo le kakai i le aso lena ki le mamae o le sau, o tupu ko lona vosa.

Taagapati 17:25

Ko se vosa valea e fakatupu ia le mamae o lona tamana, Ti mo le fakasemala o leia na fanaui ia a ia.

Sakalia 12:10

Ti e kau liligi loa ki le fale o Tavite ti mo le kakai o Selusalemi Se laumalie o le alofa ti mo le tagi, Ti e lotou tagaki loa olatou mata kiate au, leia na lotou sokai ki le tao. E lotou tagi mamae loa kiate ia ofaipe le tagi ki se vosa fuatasi, E lotou tagi mamae loa kiate ia ofaipe le tagi ki se vosa uluaki.