Lua tosi a Samuele 17:20 - Tosi Tapu

²⁰ Na ulu loa tagata fakasausau a Apesalone ki le fale o le fafine lena, o pati : Kofea Asimaate mo Sonatane ? Na tali loa le fafine kia latou : Kua la fakalaka i le liua. Na lotou afa loa laua, kae na leaise lotou maua loa laua, ti na lotou toe liliu loa ki Selusalemi.

Lua tosi a Samuele 17:20 ပူးပေါင်းရင်းမြစ်များ

Lua tosi a Samuele 15:34

Kae kapau e ke toe liliu ki le kolo, e ke fakanoai loa a tokoi a Asitofele o uiga mo au, o ke pati loa kia Apesalone : Ei sau, e kau liliu loa ko lau tagata fakasausau ; i le temi kua sili na kau fakasausau ki lou tamana, kae i le lakaga nei ko lau tagata fakasausau au.

Ekesote 1:19

Na tali loa a fafine faifanau kia Falaone : E tupu e leaise tatau a fafine a le kau Epeleo mo fafine a le kau Esipito ; e lotou makeke ti e lotou fanau i mua o le kaku atu a le fafine faifanau.

Levitiko 19:11

Aua na kotou kaia loa, ti aua na kotou fai fakakaka loa, pe feloiaki loa leia ki leia.

Tuifakamaau 4:20

Na toe pati loa Sisela kia Saele : Ke ke tuu loa i mua o le falela ; ti kapau e au loa se tasi o vesili atu kiate koe : Pe i ai se tasi i leinei ? Ke ke tali loa kiate ia : leai !

Uluaki tosi a Samuele 21:2

Na tali loa Tavite ki le tagata faisakilifisio ko Asimeleke : Kua tuku mai e le sau kiate au se fakatotonu, o pati : Ke aua na iloa e se tasi le nea leia e kau kakau a koe ki ai ti mo le fakatotonu leia na kau tuku atu kiate koe. Kua kau fakatuutuu se felavei ki loku kakai.