Lua tosi a Samuele 17:10 - Tosi Tapu

¹⁰ Ti ko le tagata leia e loto toa ofaipe se laione, e gaegae loa ; talie e iloa e Iselaele ko se toa lou tamana ti e nofo a ia mo ni tagata toa.

Lua tosi a Samuele 17:10 ပူးပေါင်းရင်းမြစ်များ

Senesi 49:9

Ko Suta ko loku vosa, e ke faipe se laione muli. E ke au mei le tamatea, ei loku vosa ! E peluki e ia ona vae o moe pe se laione tagata, Ofaipe se laione fafine : Ko ai e toe lagai ia a ia ki aluga ?

Lua tosi a Samuele 1:23

Na fealofani Saulo mo Sonatane i lola mauli katoa, Na leaise la mavete foki i lola mamate ; Na la maamaa ake i akuila, ti na la makeke ake i laione.

Lua tosi a Samuele 17:9

Ko leinei, kua lagi mumuni a ia i se popoko pe ko se tasi ake ganea. Ti kapau i le kamataaga e vivilo loa ni iki i lau solia ia latou, e leaise tuvai loa le mafola o le logo lena, ti e pati loa : Kua lava le kakai leia e muli ia Apesalone !

Lua tosi a Samuele 23:20

Ko Penasa, vosa o Seosata, vosa o se tagata mei Kapiteseele, na mauiga mo logologona i ana nea lalasi. Na tamate loa e ia a laione e lua o Moape. Na ifo loa a ia ki loto o se fa tane, ti na tamate loa e ia i ai se laione, i se aso nive.

Pesalemo 89:19

Talie ko le Eteleno ko lomatou paletau, Ko le Sagato o Iselaele ko lomatou sau a ia.

Ekesote 15:15

Kua sevaia a pule o Etome ; Kua lulu tagata tau o Moape ; Kua manava veli kakai fuli o Kanaane.

Taagapati 28:1

E sola le tagata agaveli kae e leaise tuli a ia e se tasi, Kae e loto toa le tagata agatonu ofaipe se laione muli.

Katiko o Katiko 3:7

Koleinei le palepale fata o Salomone ; E takatakai a ia e ni kau tagata toa e tino ono, I le kau toa lalasi o Iselaele.

Esaia 13:7

Koia kua gaegae ai a lima fuli, Ti kua i ai a loto fuli o tagata.

Esaia 19:1

Folafola ki Esipito. Ko leinei, kua eke le Eteleno i se ao gasolo, o au ki Esipito ; Ti kua lulu a taulaatua o Esipito i ona mua, Ti kua gaegae le loto o le kau Esipito.

Esekiele 21:15

Kua fakakakai a ia ke tamate, Kua gigila a ia ke ula. Pe tou fiafia loa ? E vesia le tokotoko o loku vosa ki laakau fuli…

Tetelonome 1:28

E tou ano loa kifea ? Kua fakagaegae otatou loto e otatou fetaina, o pati : Ko se kakai leia e makeke ake ti e lalasi ake ia tatou ; ko ni kolo ala e lalasi ti e a takatakai o kaku ki le lagi. Na lotou tio foki i ai ki ni fanau a Anake !

Epelo 11:34

mo tamate loa le makeke o le afi, mo sao loa mei le mata o le seleta, mo mauli loa i ni masaki, mo toa loa i le tau, mo tuli loa ni kau tau matapule.

Uluaki tosi a Samuele 16:18

Na pati loa le tasi o tagata fakasausau : Ko leinei, na kau tio ki se vosa o Isaia, tagata Peteleemi, leia e poto i le fai musika ; ko se tagata makeke mo toa foki a ia, ko se tagata tau, leia e masau malie mo tupulaga, ti e nofo le Eteleno mo ia.

Uluaki tosi a Samuele 18:17

Na pati loa Saulo kia Tavite : Ko leinei, e kau soli atu loa ke avaga mo koe loku taine uluaki ko Melape : ko leia fua ke ke tausi kiate au mo le loto toa, o fai a tau a le Eteleno. Kae na pati Saulo i lona loto : E leaise kau loto ke kau fafa loku lima kiate ia, kae ke tamate a ia e le lima o le kau Filisitini.