Lua tosi a Samuele 15:6 - Tosi Tapu

⁶ Na fai fenaaki Apesalone kia latou fuli o Iselaele, ala na ano ke fakamaaui e le sau. Ti na afei e Apesalone le loto o le kakai o Iselaele kiate ia.

Lua tosi a Samuele 15:6 ပူးပေါင်းရင်းမြစ်များ

Lua tosi a Samuele 15:13

Na au loa se tasi o fakasa le nea lena kia Tavite, o pati kiate ia : Kua afe le loto o le kakai o Iselaele kia Apesalone.

Taagapati 11:9

E fakamalaia e le tagata kaka lona oloi ki lona gutu, Kae e saofaki le tagata agatonu e lona poto.

Ekelesiasi 4:15

Na kau tio ki le kakai mauli fuli leia e saele i le lalo laa na takatakai ia le toe leia e tonu ke fetogi ia le sau.

Taniela 11:21

E too loa lona tuulaga e se tagata noa, kae na leaise kau a ia ki le tuulaga fakasau. E sa loa a ia i loto malie o le tokamalie, o too le puleaga ki ni puleaki kaka.

Loma 16:18

Talie e leaise fakasausau a faasiga tagata ana kia Kilisito lotatou Aliki, kae e lotou fakasausau ki olotou manava totonu ; ti i ni masau malulu mo fakalapulapu, e lotou fakasese a loto o latou ala e faigaofie.

Lua tosi a Petelo 2:3

I lolatou manumanu koloa, e lotou faigai loa ke lotou maua meia koutou ni koloa ki ni masau kaka, e latou ana kua tuu fakalogo ki ai se tautea fakaii talu mei fualoa, ti e leaise moe lolatou maumaui.