Lua tosi a Samuele 15:25 - Tosi Tapu

²⁵ Na pati loa le sau kia Satoke : Toe ave le Aleka o le Atua ki le kolo. Kapau e finegalo alofa loa le Eteleno kiate au, e toe aumai loa e ia au, ti e toe fakatio loa e ia au ki le aleka mo lona fale tapu.

Lua tosi a Samuele 15:25 ပူးပေါင်းရင်းမြစ်များ

Lua tosi a Samuele 6:17

Na teki loa le aleka o le Eteleno ki lona tuuaga i loto malie o le falela leia na fakatuu e Tavite ki le aleka ; ti na momoli loa e Tavite ki le Eteleno ni failaulau mo ni sakilifisio fakafetai.

Lua tosi a Samuele 7:2

na pati loa Tavite ki le polofeta ko Natane : Tio ! E kau nofo nei i se fale kua fau ki le laakau ko le sete, kae e nofo nei le aleka o le Atua i se falela.

Pesalemo 122:1

Katiko o le fanoga tapu. A Tavite. E kau nofo i le fiafia mo ka pati mai kiate au : Tou ano ki le fale o le Eteleno !

Pesalemo 122:9

O tupu ko le fale o le Eteleno, lotatou Atua, E kau fai ni fakaamu ki lou manuia.

Pesalemo 26:8

Eteleno, e kau alofa ki le fale leia e ke nofo ai, Ki le ganea leia e agai ai lou kololia.

Pesalemo 84:10

Ei Atua, ko koe ko lomatou paletau, Tio mai ki mata o lau filifiliia !

Ekesote 15:13

Na ke saofaki lou kakai ! Ti na ke taki a ia i lou manava alofa, Na ke taki a ia i lou makeke, Ki le nofolaga o lou maokioki.

Ekesote 33:12

Na pati loa Moisese ki le Eteleno : Ko leinei, e ke pati mai kiate au : Taki le kakai leinei ! Ti e leaise ke fakasa mai kiate au pe ko ai leia e ke kakau loa mo au. Kae kua ke pati : E kau iloa a koe i lou igoa totonu, ti kua ke alofa kiate au.

Ekesote 33:13

I le temi nei, kapau kua kau maua lou alofa, fakasa mai kiate au ou ala ; ti e kau iloa maoki loa a koe, ti e kau toe maua loa lou alofa. Ke aua na galo kiate koe ko le kakai leinei ko lou kakai totonu.

Esaia 38:22

Ti na pati loa Esekiasi : Kolea le fakamailoga e kau iloa ai loa e kau toe pale loa ki le fale o le Eteleno ?

Selemia 25:30

Ti ko koe, e ke kikite loa kia latou a nea fuli ana, Ti e ke pati loa kia latou : E gugulu loa le Eteleno mei aluga ; E fakagugulu loa e ia lona leo mei lona nofoaga maokioki ; E gugulu loa a ia ki le ganea leia e tuu ai lona nofoaga ; E kalaga loa a ia ofaipe latou ala e takatakafi ia le fua o le vite i le ganea tatau vite, Ki kakai fuli o le malama nei.

Selemia 7:4

Aua na kotou fanaki ki ni amanaki kaka, o pati : Ko leinei le fale tapu o le Eteleno, le fale tapu o le Eteleno, Le fale tapu o le Eteleno !