Lua tosi a Samuele 15:20 - Tosi Tapu

²⁰ Na ke kaku mai fua nanafi, ti e leaise malie ke kau fakaeva a koe mo matou i le aso nei, kae e leaise kau iloa totonu pe kau ano kifea ! Toe liliu, ti ke ave ou fetaina mo koe. Ke tuku e le Eteleno lona agamalie mo lona agatonu kiate koe !

Lua tosi a Samuele 15:20 ပူးပေါင်းရင်းမြစ်များ

Lua tosi a Samuele 2:5

Ti na kakau loa e Tavite ni tagata avelogo ki le kakai o Sapesi i Kalaate, ke pati kia latou : Ke tapuaki le Eteleno kia koutou, talie na kotou fakasa lokoutou agamalie kia Saulo, lokoutou pule, ti na kotou tanu a ia.

Lua tosi a Samuele 2:6

Koia ke alofa le Eteleno o fakasa lona agamalie mo lona agatonu kia koutou, i le aso nei. Ko au foki, e kau fai loa kia koutou le nea e malie, talie kua kotou fai le nea e malie.

Pesalemo 25:10

Ko ala fuli o le Eteleno e manava alofa ti e agatonu Kia latou ala e tausi ia lana sai mo ana folafola.

Pesalemo 56:8

I le lasi o lalatou agaveli, e lotou manatu e lotou sao loa : I lou sausau, ei Atua, ke ke laku latou ki le kele !

Pesalemo 57:3

E kau tagi ki le Atua taualuga, Ki le Atua leia e gaoi ki loku malie.

Pesalemo 59:15

E lotou au i afiafi fuli, e lotou ko ofaipe ni kuli, E lotou foli takai i le kolo.

Pesalemo 61:7

Ke ke fakalasi a aso o le sau ; Ke tologa ona fetuu i tautupu mo tautupu !

Pesalemo 61:8

Ke eke a ia i le ekeekeaga fakasau o lee gato i mua o le Atua ! Ke ke tuku ke tokaga lou agamalie mo lou agatonu kiate ia !

Pesalemo 85:10

Io, e ofi lona fakamauli kia latou ala e i kiate ia, O tupu ke nofo le kololia i lotatou fenua.

Pesalemo 89:14

E mafimafi lou lima, E makeke lou alofi lima, e taualuga lou lima atamai.

Taagapati 14:22

Pe leaise sese latou ala e fakakaukau ki le veli ? Kae ko latou ala e fakakaukau ki le malie e agamalie mo agatonu.

Taagapati 3:3

Ke aua na mavae iate koe le agamalie mo le agatonu ; Sai laua ki lou ua, tosi laua i le laupapa o lou loto.

Amosi 8:12

E lotou feanoaki loa mei le tasi a tai ki le tasi a tai, Mei le noleto ki le esite, E lotou ano saele loa o afa le folafola a le Eteleno, Kae e leaise lotou maua loa a ia.

Soane 1:17

talie na soli mai le lao e Moisese, kae na au le kalasia mo le maoki ia Sesu-Kilisito.

Uluaki tosi a Samuele 23:13

Ti na tuu ake loa Tavite mo lana kakai, ko kau tagata e tino lelau ono, ti na lotou mavae loa mei Keila, o ano ki se ganea leia na mafai ke lotou ano ki ai. Na logo loa Saulo kua sola Tavite mei Keila, ti na fakatuu loa e ia lana saele.