Lua tosi a Samuele 15:10 - Tosi Tapu

¹⁰ Na kakau loa e Apesalone ni tagata esipio i faasiga fuli o Iselaele, ke pati : Ka kotou logo loa ki le tagi o le fakatagi pupusi, e kotou pati loa : Kua sau Apesalone i Epelone.

Lua tosi a Samuele 15:10 ပူးပေါင်းရင်းမြစ်များ

Lua tosi a Samuele 13:28

Na tuku loa e Apesalone le fakatotonu leinei ki ana tagata fakasausau : Kotou tokaga i le temi leia e kona ai loa Amone ti e kau pati atu ai loa kia koutou : Kotou taai Amone ! Ti kotou tamate loa a ia, aua na kotou i ki se nea, pe leaise ko au leia kua fakatotonu ia atu a ia kia koutou ? Ke kotou loto toa ti ke kotou fakasa lokoutou loto makeke !

Lua tosi a Samuele 14:30

Na pati loa Apesalone ki ana tagata fakasausau : Ko leinei, e tuu le faisaga olese a Soape i tafa o laku faisaga ; kotou ano, o susunu a ia. Ti na susunu loa e tagata fakasausau a Apesalone le faisaga a Soape.

Lua tosi a Samuele 15:9

Na pati loa le sau kiate ia : Ano i le tokamalie. Ti na tuu ake loa Apesalone, o ano ki Epelone.

Lua tosi a Samuele 19:10

Kae ko leinei, kua mate i le tau Apesalone, leia na tou fakanofo ke pule kia tatou : Kolea e leaise kotou masasau ai ke toe fakaliliu mai le sau ?

Lua tosi a Samuele 2:1

I le oki o le nea lena, na afa loa e Tavite le finegalo o le Atua, o pati : Pe kau pale loa ki se kolo i kolo o Suta ? Na tali loa le Eteleno kiate ia : Pale. Na pati loa Tavite : E kau pale loa kifea ? Ti na tali loa le Eteleno : Ki Epelone.

Lua tosi a Samuele 2:11

Ko le fualoa o le temi na sau ai Tavite i Epelone ki le fale o Suta ko fetuu e fitu mo masina e ono.

Lua tosi a Samuele 5:5

Na sau loa a ia i Epelone ki Suta i fetuu e fitu mo masina e ono, ti na sau loa a ia i Selusalemi i fetuu e kau tolu ki Iselaele katoa mo Suta.

Uluaki tosi o Sau 1:11

Koia na pati ai loa a Natane kia Pate-Sepa, tinana o Salomone : Pe na leikiaise ke logo kua soko Atonisa, le tama o Akite ko le sau, kae e leaise iloa a ia e le sau ko Tavite ?

Uluaki tosi o Sau 1:34

I ai, e fakanofo loa a ia e le tagata faisakilifisio ko Satoke mo le polofeta ko Natane ko le sau o Iselaele. E kotou pupusi loa le fakatagi pupusi, ti e kotou kalaga loa : Ke mauli le sau ko Salomone !

Lua tosi o Sau 9:13

Ti na lotou tasi too loa lona kofu i le temi fai lena, o teki ki aluga o takakega ke tonatona ai a Seu ; ti na lotou pupusi loa le fakatagi pupusi, o pati : Kua sau a Seu !

Uluaki tosi o Koloniko 11:3

Koia na ano loa le kau matua fuli o Iselaele ki le sau i Epelone, ti na fai loa e Tavite se sai mo latou i Epelone, i mua o le Eteleno. Na lotou pani lolo loa Tavite ko le sau o Iselaele, o mulimuli ki le folafola a le Eteleno, leia na fakasa e Samuele.

Uluaki tosi o Koloniko 12:23

Ko leinei le api o tagata tau ala na ano loa kia Tavite i Epelone mo alatou masafu, o tupu ke toe fakaliliu kiate ia le pule fakasau o Saulo, o mulimuli ki le fakatotonu a le Eteleno.

Uluaki tosi o Koloniko 12:38

Ko tagata fuli ana ko tagata tau, na nofo teuteu ki le tau, na kaku mai loa ki Epelone mo le loto maoki ke fakanofo Tavite ko le sau o Iselaele katoa. Ti ko le toeaga foki o le kakai o Iselaele katoa na loto tasi fuli ke fakanofo Tavite ke sau.