Lua tosi a Samuele 14:6 - Tosi Tapu

⁶ Na maua e lau fafine fakasausau ni tama e toka lua, ala na fefele loa i faisaga, ti ko leinei, na tamate loa e se tasi lona taina, talie na leaise tasi leia ke veteki ia laua.

Lua tosi a Samuele 14:6 ပူးပေါင်းရင်းမြစ်များ

Senesi 4:8

Kae na pati loa Kaino ki lona taina ko Apele ke la ano ki fafo. I lala kaku ki faisaga, na oso loa Kaino ki lona taina ko Apele, o tamate a ia.

Lua tosi a Samuele 13:28

Na tuku loa e Apesalone le fakatotonu leinei ki ana tagata fakasausau : Kotou tokaga i le temi leia e kona ai loa Amone ti e kau pati atu ai loa kia koutou : Kotou taai Amone ! Ti kotou tamate loa a ia, aua na kotou i ki se nea, pe leaise ko au leia kua fakatotonu ia atu a ia kia koutou ? Ke kotou loto toa ti ke kotou fakasa lokoutou loto makeke !

Lua tosi a Samuele 13:29

Ti na fai loa e tagata fakasausau a Apesalone kia Amone o mulimuli ki le nea leia na fakatotonu e Apesalone. Ti na tutuu ake loa a vosa fuli o le sau ki aluga, o tasi sopo loa ki lana osi, o sosola.

Lua tosi a Samuele 14:5

Na pati loa le sau kiate ia : Kolea le nea leia kua soko kiate koe ? Na tali loa a ia : Ko leinei, ko se lokonui au, kua mate loku avaga !

Lua tosi a Samuele 14:7

Ti ko leinei, kua malaga mai le famili katoa ki lau fafine fakasausau, o pati : Tuku mai nei leia na tukipo ia lona taina ! E motou loto ke tamate a ia ke taui ai le mauli o lona taina leia na tamate e ia ; e motou loto ke maumaui foki mo lona sakoga ! E lotou tamate ai loa le ga malala leia koi kaka iate au, ti e leaise toe maua loa se sakoga o loku avaga i aluga o le kele.

Ekesote 2:13

Na toe ano loa a ia i leia ake a aso, ti ko leinei na fefele ni tagata Epeleo e toka lua. Ti na pati loa a ia ki leia na sala : Kolea e ke tamate ai lou taina ?