Lua tosi a Samuele 14:28 - Tosi Tapu

²⁸ Na nofo loa Apesalone i Selusalemi i fetuu e lua, kae na leaise tio a ia ki le sau.

Lua tosi a Samuele 14:28 ပူးပေါင်းရင်းမြစ်များ

Senesi 33:10

Ti na tali loa Sakopo : Leai, e kau kole atu kiate koe, kapau kua ke alofa kiate au, tali le moliga kua kau fai kiate koe. Talie kua kau tio ki ou mata ofaipe laku tio ki mata o le Atua, talie kua ke tali au i le loto malie.

Senesi 43:3

Na tali loa Suta kiate ia : Na fakapapau mai le tagata Esipito kia matou ke aua na motou toe sa ake ki ona mua, mo kapau e leaise motou nake loa mo lomatou taina muli.

Lua tosi a Samuele 14:24

Kae na pati loa le sau : Ke liliu a ia ki lona fale ! Kae ke aua na tio a ia ki oku mata. Ti na ano loa Apesalone ki lona fale, ti na leaise tio loa a ia ki mata o le sau.

Lua tosi a Samuele 14:29

Na kalagai loa e ia Soape ke kakau ki le sau, kae na fakafiti loa Soape, ti na leaise au loa a ia kiate ia. Ti na toe kakau loa e Apesalone ke afa Soape ke au kiate ia, kae na toe fakafiti foki a Soape.

Uluaki tosi o Sau 1:53

Ti na kakau loa e le sau ko Salomone ni fenua ke ano o fakaifo a ia mei le aletale. Na au loa a ia, o punou i mua o le sau ko Salomone, ti na pati loa Salomone kiate ia : Ano ki lou kaiga.

Uluaki tosi o Sau 2:36

Na kalagai loa e le sau a Simei, o pati kiate ia : Ke ke fakatuu sou fale i Selusalemi ; e ke nofo loa i ai ti e leaise ke toe mavae loa mei le kolo, o ano ki se tasi ake ganea fua.

Mateo 18:10

Kotou tokaga na kotou nukinuki ki se tasi fua o toe liliki anei ; talie e kau pati atu kia koutou e tio tuumau olatou aselo i le atu lagi ki mata o loku Tamana leia e nofo i le atu lagi.