Lua tosi a Samuele 14:26 - Tosi Tapu

²⁶ I le fakaoki o fetuu fuli, na koti lona ulu, talie na mamafa ai lona lau ulu. Na fua loa e ia lona lau ulu, ti na kilo lua lona mamafa o mulimuli ki le fua masani.

Lua tosi a Samuele 14:26 ပူးပေါင်းရင်းမြစ်များ

Senesi 23:16

Na matala loa Apalaamo kia Efelone ; ti na fua loa e Apalaamo kia Efelone le lasi o le paaga leia na fakasa e ia i mua o vosa o Eti, ko fa paaga siliva e kau lelau fa, i le paaga leia na fakaaoga e le kau.

Lua tosi a Samuele 18:9

Na fetaulaki loa Apesalone mo le kau tagata a Tavite. Na eke a ia i se osi. Na ulu loa le osi i lalo o laa kopikopi o se telepenite lasi ai, ti na pikiia loa le ulu o Apesalone i laa o le laakau ; ti na tautau loa a ia i le vasa o le lagi mo le kele, kae na fakalaka atu loa lana osi ki se tasi ganea.

Esaia 3:24

E fetogi loa le kaloni ki le namuku ; Ti e fetogi loa le kilipipi ki le maea ; E fetogi loa a lauulu ki ulu tula ; E fetogi loa le taupulupulu lasi ki se taga ikiiki ; Ti e liliu loa a mata fulumalie ko ni mata fefe.

Esekiele 44:20

E leaise lotou tele loa olatou ulu, ti e leaise lotou tuku loa olatou ulu ke loloa ; kae e tonu ke lotou koti latou.

Levitiko 19:36

E kotou maua loa ni fua totonu, mo ni kilo totonu, mo ni liti totonu, mo ni meta totonu. Ko au ko le Eteleno, ko lokoutou Atua, leia na fakamavae ia koutou mei Esipito.

Uluaki tosi ki le kau Kolinto 11:14

Pe leaise ako mai e le natula totonu kia tatou ko se luma ke lauulu le tagata,