Lua tosi a Samuele 14:22 - Tosi Tapu

²² Na punou loa Soape ki le kele i mua o le sau, o fakamalo kiate ia mo pati : Ei sau, loku aliki, kua iloa e lau tagata fakasausau i le aso nei e ke taupau kiate au lou agamalie, talie kua fai loa e le sau o mulimuli ki le pati a lau tagata fakasausau.

Lua tosi a Samuele 14:22 ပူးပေါင်းရင်းမြစ်များ

Senesi 47:7

Na toe ave foki e Sosefo lona tamana ko Sakopo ke felavei mo Falaone. Ti na tapuaki loa Sakopo kia Falaone.

Senesi 6:8

Kae na tio loa le Eteleno kia Noe ti na alofa loa a ia kiate ia.

Lua tosi a Samuele 14:21

Na pati loa le sau kia Soape : Ko leinei, kua kau loto malie ke fai le nea lena ; ano, o aumai le tagata tupulaga ko Apesalone.

Lua tosi a Samuele 14:23

Na tuu ake loa Soape ki aluga, o ano ki Kesuli, ti na aumai loa e ia Apesalone ki Selusalemi.

Lua tosi a Samuele 14:4

Na ano loa le fafine mei Tekoa, o masau ki le sau. Na punou loa ona mata ki le kele i mua o le sau, o pati : Ei sau, fakamauli au !

Lua tosi a Samuele 19:39

I le oki o le fakalaka o le kakai katoa i le solotane, ti na fakalaka foki mo le sau, na sogi loa le sau kia Palesilai mo tapuaki kiate ia. Ti na toe liliu loa Palesilai ki lona kaiga.

Neemia 11:2

Na tapuaki loa le kakai kia latou fuli ala na loto malie ke ano o nofo i Selusalemi.

Sopo 29:11

Ko le taliga leia e logo ki aku masau e pati mai kiate au : Manuia a koe ! Ti ko le mata leia e tio kiate au e fakamaoki mai kiate au ;

Sopo 31:20

Ti kapau na leaise kau teki ki ola tua se kie leia na lalaga ki fulu o aku manu, Ti kapau na leaise la fakamalo mai kiate au ;

Taagapati 31:28

E tutuu ki aluga ona vosa, o fakamalo kiate ia. Ti e tuu ki aluga lona avaga, o fakavikiviki kiate ia :

Lute 2:2

Na pati loa a Lute, le fafine Moape, kia Naomi : E kau kole atu kiate koe, ke ke tuku au ke kau ano o taetae ni taulu fulumeto i le faisaga o leia e alofa loa kiate au. Na tali loa Naomi kiate ia : Ano, ei loku taine.

Uluaki tosi a Samuele 20:3

Na toe pati loa Tavite, o fakapapau : Kua iloa malie e lou tamana kua kau maua le kalasia i ou mua, ti na pati loa a ia : Ke aua na iloa e Sonatane le nea lena, talie e mamae ai loa lona loto. Kae e mauli le Eteleno ti e mauli lou laumalie ! Ko le fa sake fai e tasi e kau vasa ai mo le mate.