Lua tosi a Samuele 14:2 - Tosi Tapu

² Ti na kakau loa e Soape ke aumai mei Tekoa se fafine poto, ti na pati loa a ia ki le fafine : Ke ke fai pe se fafine leia e mamae, ti ke ke kofu ofaipe se fafine leia e putu ; aua na ke fakamanogi, ti ke ke fai pe se fafine leia e tagi ki se mate talu mei fualoa.

Lua tosi a Samuele 14:2 ပူးပေါင်းရင်းမြစ်များ

Senesi 38:19

Na toe liliu loa Tamale ki lona kaiga ; ti na tatala loa e ia lona pulou, kae na toe tui loa e ia ona teu fakalokonui.

Lua tosi a Samuele 11:26

Na logo loa le avaga a Uli kua mate lona avaga, ti na tagi loa a ia ki lona avaga.

Lua tosi a Samuele 12:20

Ti na malaga ake loa Tavite mei le kele. Na maanu loa a ia, mo takai lolo, mo fetogi ona teu ; ti na ano loa a ia ki le fale o le Eteleno, o fai lana su. I lana toe liliu mai ki lona fale, na pati loa a ia ke avake sana nea ke kai, ti na kai loa a ia.

Lua tosi a Samuele 20:16

Ti na kalaga loa se fafine poto mei le kolo : Kotou fakalogo mai, kotou fakalogo mai ! E kau kole atu kia koutou ke kotou pati kia Soape : Fakafeofi mai ki leinei, e kau fia masau mo koe !

Lua tosi a Samuele 23:26

Ko Eletesi, mei Peleti. Ko Ila, vosa o Ikese, mei Tekoa.

Uluaki tosi o Sau 14:2

Ti na pati loa Selopoamo ki lona avaga : E kau kole atu kiate koa, ke ke tuu ki aluga ti ke ke teuteu ke aua na iloa ko le avaga a koe o Selopoamo, ti ke ke ano ki Silo. Ko leinei, e nofo i le ganea lena Akisa, le polofeta ; ko ia leia na pati mai kiate au e kau soko loa ko le sau o le kakai leinei.

Uluaki tosi o Sau 14:5

Na pati loa le Eteleno kia Akisa : E au loa le avaga o Selopoamo kiate koe o uiga mo lona tama, talie e masaki. E ke masau loa kiate ia o felaaki mo felaaki. Ka kaku mai loa a ia, e tuku loa e ia ko se tasi ake fafine.

Lua tosi o Koloniko 11:6

Na laga loa e ia Peteleemi, mo Etami, mo Tekoa,

Lua tosi o Koloniko 20:20

I leia ake a aso, na lotou usuusu loa ki le toafa o Tekoa. I mua o lalatou mavae, na tuu loa Sosafate i olatou mua, o pati : Kotou fakalogo mai kiate au, Suta mo le kakai o Selusalemi ! Kotou fanaki ki le Eteleno lokoutou Atua, ti e kotou tuu makeke loa ; kotou fanaki ki ana polofeta ti e kotou manuia loa.

Neemia 3:27

Na olo mai loa kia latou le kakai o Tekoa, ala na lagai fakafoou ia loa se tasi a koga o le paa fatu, leia na tautonu mo le tule lasi i fafo, o kaku ki le paa o le mauga ikiiki.

Neemia 3:5

i olatou tafa na gaoi loa le kakai o Tekoa, kae na leaise fakalogo loa olatou pule ki le gaoi a lolatou Atua.

Pesalemo 104:15

Le vino leia e fakafiafia ia le loto o le tagata, Ti mo le lolo leia ke fakagigila ia ona mata, Ti mo le pane leia ke fakamakeke ia le mafu o le tagata.

Ekelesiasi 9:8

Ke tetea tuumau ou kofu, ti ke aua na mativa le lolo i lou fa ulu.

Selemia 6:1

Kotou sosola, fanau o Pesamino, i loto malie o Selusalemi, Kotou pupusi le fakatagi pupusi i Tekoa, Kotou toso se manumanu i Pete-Akelemi ! Talie kua sa mei le potu noleto se malaia, Ti mo se maumau lasi.

Amosi 1:1

Masau a Amosi, ko se tasi o le kau tausi manu o Tekoa, tio na maua loa e ia ki Iselaele, i le temi o Osiasi, sau o Suta, ti mo le temi o Selopoamo, vosa o Soasi, sau o Iselaele, fetuu e lua i mua o le mafuike.

Mateo 6:17

Kae kapau e ke sesunio, fakamanogi lou ulu ti fufulu ou mata,

Lute 3:3

Maanu ti ke fakamanogi, ti ke toe tui loa ou kofu, ti ke ifo loa ki le sasaaga fulumeto. Ke aua na ke fakasa loa a koe kiate ia, o kaku ki le oki o lana kai mo lana inu.