Lua tosi a Samuele 14:17 - Tosi Tapu

¹⁷ Na pati lau fafine fakasausau : Ko le masau a loku aliki, le sau, e soli ia mai loa kiate au le fulufulumalie. Talie e tatau loku aliki, le sau, mo se aselo a le Atua, kua nofo teuteu a ia ke logo ki le malie mo le veli. Ti ke nofo mo koe le Eteleno, lou Atua !

Lua tosi a Samuele 14:17 ပူးပေါင်းရင်းမြစ်များ

Lua tosi a Samuele 14:18

Na tali loa le sau ki le fafine : Aua na ke fufu mai le nea leia ka kau vesili atu ki ai. Ti na pati loa le fafine : Ke masau loku aliki, le sau !

Lua tosi a Samuele 14:20

Na fai le nea lena e lau tagata fakasausau ko Soape ke fulusi ai le nea. Kae e poto loku aliki ofaipe se aselo o le Atua, e iloa e ia a nea fuli ala e soko i le kele.

Lua tosi a Samuele 19:27

Ti na loi a ia o uiga mo lau tagata fakasausau ki loku aliki le sau. Kae e fai loku aliki le sau pe se aselo a le Atua. Fai le nea leia e ke malie ia.

Lua tosi a Samuele 19:28

Talie na tonu ke mamate latou fuli o le fale o loku tamana i mua o le sau loku aliki ; kae na ke tuku lau tagata fakasausau ke kai mo latou ala e kai i lou laupapa. Kolea le nea koi mafai ke kau kole ki le sau ?

Uluaki tosi o Sau 3:28

Na logo loa Iselaele katoa ki le fakamaau leia na fai e le sau. Ti na lotou i loa ki le sau, talie na lotou tio kua nofo le poto o le Atua iate ia, o taki a ia i ana fakamaau.

Uluaki tosi o Sau 3:9

Koia ke ke soli ki lau tagata fakasausau se loto poto ke fakamaaui ai lou kakai, ke tio ai ki le nea leia e malie mo le nea leia e veli ! Talie ko ai e mafai ia loa ke fakamaaui ia lou kakai, le kakai api leinei ?

Sopo 6:30

Pe i ai se agaveli i loku alelo ? Pe leaise iloa malie e loku gutu le nea e veli ?

Taagapati 27:21

Ko le kulo saka ukamea ki le siliva, ti ko le gutuumu ki le aulo ; Kae e iloa se tagata i lona logologona.

Taagapati 29:5

Ko le tagata leia e vikiviki ia lona oloi E folasi ia se kupega i ona vae.

Epelo 5:14

Kae e tuku le magiti makeke ki tagata kua katoa, kia latou ala kua masani i le iloa kesekese o le malie mo le veli.

Sosue 1:17

E motou fakalogo atu loa kiate koe i nea fuli, ofaipe lamatou fakalogo kia Moisese. Ko leia fua ke nofo mo koe le Eteleno, lou Atua, ofaipe lana nofo mo Moisese !

Uluaki tosi a Samuele 29:9

Na tali loa Akise kia Tavite : E kau iloa le nea lena talie e ke malie ki oku mata ofaipe se aselo a le Atua ; kae e pati a pule o le kau Filisitini : Ke aua na pale loa a ia mo tatou ki le tau.