Lua tosi a Samuele 14:12 - Tosi Tapu

¹² Na pati loa le fafine : Fakataga mai ki lau fafine fakasausau ke fai e ia se kupu e tasi ki loku aliki sau. Ti na pati loa le sau : Masau !

Lua tosi a Samuele 14:12 ပူးပေါင်းရင်းမြစ်များ

Senesi 18:27

Na toe masau loa Apalaamo, o pati : Ke ke fakamalie mai kiate au leinei kua toa i le masau atu kiate koe, Aliki, a au leinei ko le ga efu noa ti ko le ga mugalafu noa.

Senesi 18:32

Na toe pati loa Apalaamo : Ke aua na ita le Eteleno, ti e kau masau fakaoki loa i le faiaga nei. Ti kapau e maua loa i ai ni tagata agatonu fua e tino agafulu. Ti na pati loa le Eteleno : E leaise kau maumaui loa a ia, o tupu ko tagata agatonu ana e tino agafulu.

Senesi 44:18

Ti na fakafeofi ake loa Suta kia Sosefo, o pati : Alofa mai ei loku aliki, o fakataga ki lau tagata fakasausau ke masau ki loku aliki, ti ke aua na vilo lona ita ki lana tagata fakasausau, talie e ke tatau mo Falaone !

Lua tosi a Samuele 14:11

Na pati loa le fafine : Ke manatui e le sau le Eteleno, lou Atua, o tupu ke aua na toe fakalasi le maumau e le tagata totogi toto, ti ke aua na maumaui loku vosa ! Ti na pati loa le sau : E mauli le Eteleno ! e leaise vilo loa ki le kele se fa fului ulu e tasi o lou vosa.

Lua tosi a Samuele 14:13

Na pati loa le fafine : Kolea e ke manatu felaaki ai ki le kakai o le Atua, talie e sa mei masau totonu a le sau e sakinake kua sala le sau talie na leaise kalagai mai e ia leia e nofo i le fenua kese ?

Lua tosi a Samuele 20:17

Na fakafeofi ake loa Soape kiate ia, ti na pati loa le fafine : Ko Soape a koe ? Na tali loa a ia : Ko au. Ti na pati loa le fafine kia Soape : Fakalogo mai ki masau a lau fafine fakasausau. Na tali loa Soape : E kau fakalogo atu.

Uluaki tosi o Sau 2:14

Ti na pati loa Atonisa : E kau fia masau kiate koe. Na pati Pate-Sepa : Masau !

Selemia 12:1

Eteleno, e ke faitotonu ai, ti e leaise mafai ke kau fakavisi kiate koe ; Kae e kau loto ke kau masau atu kiate koe o uiga mo au fakamaau : Kolea e manuia ai le ala o tagata agaveli ? Kolea e fimalie ai latou ala e fai kaka lasi ?

Gaoi 26:1

Ti na pati loa Akilipa kia Paulo : Kua taga lau masau o uiga mo koe. Ti na siki loa e Paulo lona lima, o pati :

Uluaki tosi a Samuele 25:24

Ti na punou loa a ia ki vae o Tavite, o pati : A aku le sala, ei loku aliki ! Fakataga mai ki lau fafine fakasausau ke masau ki ou taliga, ti ke fakalogo mai ki masau a lau fafine fakasausau.