Lua tosi a Samuele 14:11 - Tosi Tapu

¹¹ Na pati loa le fafine : Ke manatui e le sau le Eteleno, lou Atua, o tupu ke aua na toe fakalasi le maumau e le tagata totogi toto, ti ke aua na maumaui loku vosa ! Ti na pati loa le sau : E mauli le Eteleno ! e leaise vilo loa ki le kele se fa fului ulu e tasi o lou vosa.

Lua tosi a Samuele 14:11 ပူးပေါင်းရင်းမြစ်များ

Senesi 14:22

Na tali loa Apalamo ki le sau o Sotoma : E kau siki loku lima ki le Eteleno, ko le Atua Taualuga, ko le pule o le lagi mo le kele :

Senesi 31:50

Kapau e ke fakavelivelii loa oku taineliki, kapau e ke toe avaga loa mo ni iki ake fafine, tokaga ai talie e leaise ko se tagata leia e fakamaoki ia taua, kae ko le Atua totonu.

Lua tosi a Samuele 14:10

Na pati loa le sau : Kapau e masau fakaveli loa se tasi kiate koe, aumai a ia ki leinei, ti e leaise toe fafa loa a ia kiate koe.

Lua tosi a Samuele 14:12

Na pati loa le fafine : Fakataga mai ki lau fafine fakasausau ke fai e ia se kupu e tasi ki loku aliki sau. Ti na pati loa le sau : Masau !

Lua tosi a Samuele 14:21

Na pati loa le sau kia Soape : Ko leinei, kua kau loto malie ke fai le nea lena ; ano, o aumai le tagata tupulaga ko Apesalone.

Uluaki tosi o Sau 1:52

Na pati loa Salomone : Kapau e agatonu loa a ia, ti e leaise vilo loa ki le kele sona fa fului ulu e tasi ; kae kapau e maua loa iate ia se nea veli, ti e mate loa a ia.

Selemia 4:2

Kapau e ke fakapapau : E mauli le Eteleno ! I le maoki, mo le loto sako ti mo le faitotonu, Ti e tapuakina loa a atu puleaga iate ia, Ti e lotou fakakololia loa iate ia.

Numelo 35:19

E tamate loa e le tagata totogi toto le tagata tukipo ; mo ka maua loa e ia a ia.

Numelo 35:21

pe taai loa e ia ki lona lima i lona vesia, o tupu ai le mate, e fakatuaa loa le tagata tukipo ki le mate, talie ko se tukipo a ia. E tamate loa a ia e le tagata totogi toto mo ka maua loa e ia a ia.

Numelo 35:27

ti kapau e felavei loa a ia mo le tagata totogi toto i fafo o le kolo ulufaga, ti e aga loa le tagata totogi toto o tamate le tagata tukipo, e leaise agasala loa le tagata totogi toto i le nea lena.

Mateo 10:30

Ti kua lau fuli okoutou fului ulu.

Gaoi 27:34

Koia, e kau kole atu kia koutou ke kotou kai, talie e aoga ki lokoutou mauli, ti e leaise puli loa se fa fului ulu o se tasi fua ia koutou.

Uluaki tosi a Samuele 14:45

Na pati loa le kakai kia Saulo : Kolea ! Ke mate loa Sonatane, leia na fai ia le saofaki lasi leinei i Iselaele ! Ke mamao le nea lena ! E mauli le Eteleno ! E leaise vilo loa ki le kele sona fa fului ulu e tasi, talie na gaoi a ia mo le Atua i le aso nei. Ti na saofaki loa e le kakai a Sonatane, o leaise mate loa a ia.

Uluaki tosi a Samuele 20:42

Na pati loa Sonatane kia Tavite : Ano i le tokamalie, ko leinei, kua ta fakapapau i mua o le Eteleno, o pati : Ke nofo tuumau le Eteleno i ota vasaa, i le vasa o loku sakoga mo lou sakoga !

Uluaki tosi a Samuele 28:10

Ti na fakapapau loa Saulo kiate ia i le suafa o le Eteleno, o pati : E mauli le Eteleno ! E leaise soko loa kiate koe se nea veli e tasi.