Lua tosi a Samuele 13:5 - Tosi Tapu

⁵ Na pati loa Sonatape kiate ia : Ano o moe i lou palepale o sakinake kua ke masaki. Ka au loa lou tamana o tio kiate koe, ti ke pati loa kiate ia : Fakataga kia Tamale, loku tuagaane, ke au o aumai saku nea kai ; ke teuteui e ia se nea kai i oku mua, o tupu ke kau tio ki ai ti ke kau too a ia mei lona lima.

Lua tosi a Samuele 13:5 ပူးပေါင်းရင်းမြစ်များ

Lua tosi a Samuele 13:4

Na pati loa Sonatape ki Amone : Ko le vosa a koe o le sau, kolea e tautuku aifai lou kala i usu fuli ? Pe leaise ke fia fakasa mai a ia kiate au ? Na tali loa Amone kiate ia : E kau mamana kia Tamale, le tuagaane o Apesalone, loku taina.

Lua tosi a Samuele 13:6

Na moe loa Amone, ofaipe se masaki. Na au loa le sau, o tio kiate ia, ti na pati loa Amone ki le sau : E kau kole atu kiate koe ke au mua Tamale, loku tuagaane, o fai ni fa kato e lua i oku mua, ti ke kau kai laua mei lona lima.

Lua tosi a Samuele 16:21

Ti na pati loa Asitofele kia Apesalone : Ke ke ano ki fafine tinifu o lou tamana ala na tuku e ia ke leoleo ia le fale sau ; i le nea lena e iloa loa e Iselaele katoa kua ke vesia ki lou tamana, ti e fakamakeke ai loa a lima o latou fuli ala e nonofo mo koe.

Taagapati 19:27

Ei loku vosa, tuku lau fakalogo ki le akonaki, Mo kapau ko se nea ke fakamamao ai a koe i masau o le poto.

Gaoi 23:15

Ti ko leinei, ke kotou fakatasi mo le fono lasi o kole ki le pule lasi o le solia, ke aumai Paulo ki okoutou mua, o sakinake ke kotou fia iloa maoki lona anoaga totonu ; ti ko matou, i mua o lana fakaofi, e motou teuteu o tamate a ia.