Lua tosi a Samuele 13:3 - Tosi Tapu

³ Kae na i ai se kaukau nea o Amone leia na igoa ko Sonatape, vosa o Simea, taina o Tavite, ti ko se tagata kaka ai a Sonatape.

Lua tosi a Samuele 13:3 ပူးပေါင်းရင်းမြစ်များ

Senesi 3:1

Na poto lasi ake le gata i manu fuli o le vao ala na fakatupu e le Eteleno Atua. Na pati loa a ia ki le fafine : Pe na pati maoki atu le Atua : E leaise kolua kai loa ki laakau fuli o le oloto ?

Senesi 38:1

I le temi lena, na mavae loa a Suta i ona fetaina, ti na ano loa a ia ki se tagata o Atulami na igoa ko Ila.

Senesi 38:20

Na kakau loa e Suta lona kaukau soa ko Atulami ke ano o ave le uviki koti, ti mo toe aumai a nea fakamaoki ala na tuku ki le fafine. Kae na leaise maua loa e ia le fafine.

Lua tosi a Samuele 13:2

Na nofo veli Amone, o soko ai mo lona masaki, o tupu ko Tamale, lona tuagaane ; ti na mata faigataa ai kia Amone ke fai kiate ia se nea, talie koi taupoou a ia.

Lua tosi a Samuele 13:32

Na masau loa Sonatape, vosa o Simea, taina o Tavite, o pati : Ke aua na manatu loa loku aliki kua tamate loa a tupulaga fuli, vosa o le sau, talie ko Amone toka tasi leia kua mate ; ti ko le nea lena na fakapapau e Apesalone talu mei le aso leia na fakamatagafua ai e Amone a Tamale, lona tuagaane.

Lua tosi a Samuele 13:4

Na pati loa Sonatape ki Amone : Ko le vosa a koe o le sau, kolea e tautuku aifai lou kala i usu fuli ? Pe leaise ke fia fakasa mai a ia kiate au ? Na tali loa Amone kiate ia : E kau mamana kia Tamale, le tuagaane o Apesalone, loku taina.

Lua tosi a Samuele 14:2

Ti na kakau loa e Soape ke aumai mei Tekoa se fafine poto, ti na pati loa a ia ki le fafine : Ke ke fai pe se fafine leia e mamae, ti ke ke kofu ofaipe se fafine leia e putu ; aua na ke fakamanogi, ti ke ke fai pe se fafine leia e tagi ki se mate talu mei fualoa.

Lua tosi a Samuele 21:21

Na vesilii loa e ia Iselaele ; ti na tamate loa a ia e Sonatane, vosa o Simea, taina o Tavite.

Uluaki tosi o Koloniko 2:13

Na tupu loa meia Isaia a Eliape, lona vosa uluaki, mo le lua ko Apinatape, mo le tolu ko Simea,

Uluaki tosi o Koloniko 27:32

Na tokoi kia Tavite a Sonatane, tuatinana o Tavite, tagata fai fakakaukau mo poto lasi ; na tokaga Seiele, vosa o Akemoni, ki le ako o vosa o le sau ;

Esitele 5:10

Kae na mafai lana taofi a ia, ti na ano loa a ia ki lona fale. Ti na kakau loa e ia ke afa mai ona kaukaunea mo Selesa, lana avaga.

Esitele 5:14

Na pati loa Selesa, lana avaga, mo ona kaukaunea fuli kiate ia : Ke teuteui se laakau ke meta kau lua tupu fitu lona taualuga, ti ke kole loa ki le sau i apogipogi ke tautau i ai a Maletoseo ; ti o ke ano loa i le fiafia ki le kai mo le sau. Na malie le manatu lena kia Amane ti na fakatotonu loa e ia ke teuteui le laakau.

Esitele 6:13

Na fakamatala loa e Amane kia Selesa, lana avaga, mo ona kaukaunea fuli, le nea katoa leia kua soko kiate ia. Ti na pati loa ana tagata popoto fuli mo Selesa, lana avaga, kiate ia : Kapau ko Maletoseo, leia kua ke kamata vilo ai i ona mua, e kau maoki ki le kau Sutea, ti e leaise ke mafai loa se nea kiate ia, kae e ke vilo loa i ona mua.

Taagapati 19:6

E toka api latou ala e vikiviki ia le tagata mauiga, Ti e fakakaukaunea tagata fuli ki le leia e solisoli.

Selemia 4:22

Kua valea maoki loku kakai, e leaise iloa e ia au ; Ko ni fanau valelea mo sala atamai latou ; E lotou popoto i le fai o le veli, Kae e leaise lotou iloa le fai o le malie.

Uluaki tosi ki le kau Kolinto 3:19

Talie ko le poto o le malama nei ko se valea a ia i mua o le Atua. Talie kua tosi : E tapo e ia le kau poto i lalatou fia poto.

Sakopo 3:15

E leaise ifo le poto lena mei aluga ; kae e fakamalamanei a ia, mo fakakanofi, mo fakatemonio.

Tuifakamaau 14:20

Na soli loa le avaga o Samisoni ki lona soa leia na fai kiate ia pe se kaukau soa maoki.

Uluaki tosi a Samuele 16:11

Ti na pati loa Samuele kia Isaia : Pe ko le gatoaga leinei o ou vosa ? Ti na tali loa Isaia : Koi toe le mulimuli, kae e taupau e ia a ovi. Ti na pati loa Samuele kia Isaia : Kakau se tasi ke ano o afa mai a ia, talie e leaise tou kamata loa le sakilifisio kae e leikiaise tau mai a ia ki leinei.

Uluaki tosi a Samuele 16:9

Na kakau loa e Isaia ke nake a Sama ; ti na pati loa Samuele : Na leaise filifili foki a ia e le Eteleno.