Lua tosi a Samuele 13:29 - Tosi Tapu

²⁹ Ti na fai loa e tagata fakasausau a Apesalone kia Amone o mulimuli ki le nea leia na fakatotonu e Apesalone. Ti na tutuu ake loa a vosa fuli o le sau ki aluga, o tasi sopo loa ki lana osi, o sosola.

Lua tosi a Samuele 13:29 ပူးပေါင်းရင်းမြစ်များ

Senesi 36:24

Ko nei a vosa o Sipeoni : ko Asa mo Ana. Ko le Ana lena leia na maua ia a matapuna vai vevela i le toafa, i lana tausi a asino o lona tamana ko Sipeoni.

Lua tosi a Samuele 12:10

I le lakaga nei, e leaise toe mamao loa le seleta mei lou fale, talie na ke fakanoai au, ti na ke too le avaga a Uli, le tagata Eti, ko lau avaga.

Lua tosi a Samuele 13:30

Koi lotou lolotoga natu i le ala, kae kua kaku loa le logo kia Tavite kua tamate e Apesalone a vosa fuli o le sau, ti na leaise sao loa se fa toka tasi.

Lua tosi a Samuele 14:6

Na maua e lau fafine fakasausau ni tama e toka lua, ala na fefele loa i faisaga, ti ko leinei, na tamate loa e se tasi lona taina, talie na leaise tasi leia ke veteki ia laua.

Lua tosi a Samuele 18:9

Na fetaulaki loa Apesalone mo le kau tagata a Tavite. Na eke a ia i se osi. Na ulu loa le osi i lalo o laa kopikopi o se telepenite lasi ai, ti na pikiia loa le ulu o Apesalone i laa o le laakau ; ti na tautau loa a ia i le vasa o le lagi mo le kele, kae na fakalaka atu loa lana osi ki se tasi ganea.

Uluaki tosi o Sau 1:33

Ti na pati loa le sau kia latou : Kotou too tagata fakasausau a lokoutou pule, ti kotou fakaeke Salomone, loku vosa, ki laku osi, ti kotou fakaifo a ia ki Kioni.

Uluaki tosi o Sau 1:38

Ti na ifo loa le tagata faisakilifisio ko Satoke mo Natane, le polofeta, mo Penasa, vosa o Seosata, mo le kau Keleti, ti mo le kau Peleti ; ti na lotou fakaeke loa Salomone ki le osi a le sau ko Tavite, ti na lotou ave loa a ia ki Kioni.

Taagapati 29:12

Kapau e tau tokaga leia e pule ki masau loi, E liliu o agaveli ana tagata fakasausau fuli.

Levitiko 19:19

Kotou tausi loa aku lao : Aua na ke fakaavaga loa ni manu o ni faasiga kesekese e lua. Aua na kotou to loa akoutou faisaga ki ni faasiga pulapula e lua. Aua na kotou tui loa ni kofu ki ni faasiga filo e lua.

Mikea 7:3

Kua poto olatou lima i le fai o le veli : Kua fakamakeke e le aliki ni nea alofa, Kua fakamaua e le tui fakamaau se totogi, Kua fakasa e le tagata lasi lona manumanu, Ti kua lotou kau fakatasi fuli latou ana.