Lua tosi a Samuele 13:12 - Tosi Tapu

¹² Na tali loa Tamale kiate ia : Leai, ei loku tuagaane, aua na ke fakamatagafua au, talie e leaise fai se nea feneeki i Iselaele ; aua na ke fakasoko le nea fakalialia lena.

Lua tosi a Samuele 13:12 ပူးပေါင်းရင်းမြစ်များ

Senesi 34:2

Ti na tio loa kiate ia Siseme, vosa o Amole, ko le sau o le fenua. Ti na too loa e ia le taine, o momoe mo ia, ti na fakamatagafua loa e ia a ia.

Senesi 34:7

Ti na toe liliu ake loa a vosa o Sakopo i faisaga, o logo ki le nea leia kua soko. Ti na mamae lasi ai a tagata ana, ti na lotou itaita veli ai, talie kua fai e Siseme se nea fakalumaluma i Iselaele, i lana momoe mo le taine o Sakopo. Talie na leaise tonu ke fai le nea lena i Iselaele.

Taagapati 7:7

Na kau tio loa i le kau valelea, Na kau fakatokagai loa i le kau tupulaga se tama sala atamai.

Selemia 29:23

Ti e soko loa le nea lena, o tupu kua la fai se nea fakalialia i Iselaele, o la tono mo avaga o ola oloi, ti mo la fakasa ni loi i loku suafa, kae na leaise kau tuku fua kia laua se fakatotonu. E kau iloa a nea ana, ti e kau fakamaoki ki ai, e pati le Eteleno.

Levitiko 18:11

Aua na ke sufegi loa le telefua o le taine o le avaga o lou tamana, leia na tupu mei lou tamana. Ko lou tuagaane a ia.

Levitiko 18:9

Aua na ke sufegi loa le telefua o lou tuagaane, taine o lou tamana pe taine o lou tinana, leia na tupu i le fale pe i fafo o le fale.

Levitiko 20:17

Kapau e momoe loa se tagata mo lona tuagaane totonu, le taine totonu o lona tamana pe o lona tinana, ko le nea fakalumaluma a ia ; e tuuti loa laua i mata o fanau o lola kakai : kua momoe le tagata lena mo lona tuagaane, e amo loa e ia lana agasala.

Tetelonome 22:21

ti e ave loa le fafine ki mua o le matapa o le fale o lona tama ; ti e tuki fatui loa a ia e le kakai o lona kolo. E mate loa a ia, talie na fai e ia se nea fakalumaluma i Iselaele, o momoe a ia mo se tagata i le fale o lona tamana. E ke too loa i ai le veli i loto malie o Iselaele.

Tetelonome 22:29

e soli loa e le tagata leia na momoe mo le taine ki le tamana o le taine ni fa sikele paaga e kau lima ; talie na maumaui e ia le matagafua o le taine, e avaga loa a ia mo le taine, ti e leaise feala loa ke kakau e ia le fafine ki lona kaiga i lona mauli katoa.

Tuifakamaau 19:23

Na ulu loa le matua ki fafo, o pati kia latou : Ei oku fetaina, e kau kolekole atu kia koutou, ke aua na kotou fai loa le agasala fakalialia lena ! Ke aua na kotou fai loa le aga fakavalea lena ki le tagata leinei, talie kua ulu mai a ia ki loku loto fale.

Tuifakamaau 20:6

Na kau too loa loku avaga, ti na kau tuutuu loa a ia o fakamomoli ki faasiga fuli o Iselaele. Talie kua lotou fai se nea fakalialia mo fakalumaluma i Iselaele.