Lua tosi a Samuele 13:1 - Tosi Tapu

¹ I le sili o nea ana, na soko loa le nea leinei. Na i ai se tuagaane o Apesalone, vosa o Tavite, na tupulaga ai ti na igoa ko Tamale ; ti na mamana loa kiate ia Amone, vosa o Tavite.

Lua tosi a Samuele 13:1 ပူးပေါင်းရင်းမြစ်များ

Senesi 29:18

Na mamana Sakopo kia Lasele, ti na pati loa a ia : E kau fakasausau loa kiate koe i fetuu e fitu ki le lua o ou taine, ko Lasele.

Senesi 29:20

Ti na gaoi loa Sakopo i fetuu e fitu kia Lasele ; kae na fai loa a fetuu ana kiate ia pe ni ga aso teiki fua, i le lasi o lona alofa kia Lasele.

Senesi 34:3

Ti na pipiki loa lona loto ki le taine o Sakopo ko Tina. Na mamana loa a ia ki le taine, ti na poto loa a ia i le masau ki lona loto.

Senesi 6:2

ti na tio loa a vosa o le Atua na fulumalilie ai a taineliki o tagata, ti na lotou filifili loa ni iki o latou ko alatou avaga.

Lua tosi a Samuele 11:2

I se afiafi, na malaga ake loa Tavite i lona moeaga ; ti na evaeva loa a ia i aluga o le ato o le fale sau, ti na tio loa a ia mei ai ki se fafine na maanu, ti na fulumalie ai le fafine.

Lua tosi a Samuele 13:15

Ti na fakalialia loa Amone kia Tamale, o lasi ake i le alofa leia na maua e ia kiate ia. Na pati loa a ia kia Tamale : Tuu, o ano !

Lua tosi a Samuele 13:2

Na nofo veli Amone, o soko ai mo lona masaki, o tupu ko Tamale, lona tuagaane ; ti na mata faigataa ai kia Amone ke fai kiate ia se nea, talie koi taupoou a ia.

Lua tosi a Samuele 14:27

Na tupu loa kia Apesalone ni vosa e toka tolu, mo se taine na igoa ko Tamale, leia na fulumalie ai.

Uluaki tosi o Sau 11:1

Kae na alofa loa le sau ko Salomone ki ni fafine toka lasi o ni puleaga kese, o fakatasi mo le taine o Falaone : ko ni fafine mei Moape, mo Amone, mo Etome, mo Sitone, ti mo Eti,

Uluaki tosi o Koloniko 3:2

ko le tolu ko Apesalone kia Maaka, taine o Talemai, sau o Kesuli ; ko le fa ko Atonisa kia Akite ;

Uluaki tosi o Koloniko 3:9

Ko vosa fuli ana o Tavite, kae e leaise lau a vosa o lana kau tinifu. Ti ko lolatou tuagaane ko Tamale.

Taagapati 31:30

E kaka le mata katakata, ti e vaiga le fulumalie ; Kae ko le fafine leia e i ki le Eteleno, ko ia leia e gali mo le fakavikiviki.

Taagapati 6:25

Aua na ke manumanu i lou loto ki lona fulumalie, Ti aua na ke tuku ke sese lou loto i ona laumata.