Lua tosi a Samuele 12:16 - Tosi Tapu

¹⁶ Na kole loa e Tavite ki le Atua ti mo sesunio o uiga mo le fanau ; ti ka ulu loa a ia ki lona fale, na moe loa a ia i le kele, i le po katoa.

Lua tosi a Samuele 12:16 ပူးပေါင်းရင်းမြစ်များ

Lua tosi a Samuele 12:15

Ti na ano loa Natane ki lona fale. Na taai loa e le Eteleno le toe leia na fanaui e le avaga o Uli kia Tavite, ti na masaki loa a ia o veli ai.

Lua tosi a Samuele 12:22

Na tali loa a ia : I le koi mauli o le toe, na kau sesunio ti na kau tagi, talie na kau pati : Ko ai na iloa ia, na saga e alofa loa le Eteleno kiate au o soli mai le mauli o le fanau ?

Lua tosi a Samuele 13:31

Na tuu ake loa le sau ki aluga, o sae ona kofu, ti na moe loa a ia ki le kele ; ti na nonofo loa ana tagata fakasausau fuli mo ia, ti na lotou sae foki olatou teu.

Uluaki tosi o Sau 21:27

I le oki o le logo a Akapo ki folafola a Elia, na sae loa e ia ona kofu, kae na tui loa e ia se taga ki lona tino, ti na sesunio loa a ia : na moe a ia mo le taga lena, ti na saele tolotolo fua a ia.

Neemia 1:4

I laku logo ki nea ana, na kau tonatona loa ki le kele o tagi, ti na kau nofo loa i ni aso mauke ai i le mamae. Na kau sesunio loa ti na kau faikole loa ki le Atua o le atu lagi, o pati :

Esitele 4:16

Ano, o fakatasii le kau Sutea fuli leia e nonofo i Suse, ti kotou sesunio kiate au, aua na kotou kai fua pe kotou inu fua i ni aso e tolu i le pouli mo le ao. Ko au foki, e kau sesunio loa mo aku fafine fakasausau, ti oki aia, e kau ano loa ki le sau, logo ai le lao ; ti kapau e tonu ke kau mate, e kau mate loa.

Pesalemo 50:15

Ti ke ke fetapa mai kiate au i le aso o le mamae ; Ti e kau saofaki loa a koe, ti e ke fakakololia loa kiate au.

Pesalemo 69:10

Talie kua tutu au e le mafi ki lou fale, Ti ko nukinuki a latou ala e lauveli kiate koe e vilo mai kiate au.

Esaia 22:12

I le aso nei e kalaga atu kia koutou le Aliki, le Eteleno o kau tau, Ke kotou fetagisi mo pa okoutou fatafata, Ke kotou tele okoutou ulu ti mo tui le taga.

Esaia 26:16

Eteleno, na lotou afa a koe, i le aso leia na lotou nofo ai i le mamae ; Na lotou liligi alotou kole, i le aso leia na ke tautea ai latou.

Taniela 6:18

Ti na ano loa le sau ki lona fale sau ; ti na sesunio loa a ia i le pouli, ti na leaise kalagai loa e ia se fafine ke au kiate ia, ti na leaise mafai ke moe mate loa a ia.

Taniela 9:3

Na fakamaliu loa oku mata ki le Aliki Atua, o tupu ke afa i le faikole mo le tagi, ti na kau sesunio loa o tui le taga mo pani le mugalafu.

Sonasi 3:9

Ko ai e iloa ia, pe leaise toe tafoki loa le Atua o fakasemala, ti mo fakafiti loa a ia ki lona sausau lasi, ti e feala loa ke aua na tou mamate ?

Gaoi 9:9

Na nofo loa a ia i aso e tolu na leaise tio, ti na leaise kai, ti na leaise inu.

Sosue 7:6

Na saei loa e Sosue lona kofu, ti na tutuli loa a ia ki lalo o fakatau ona mata ki le kele i mua o le aleka o le Eteleno, o kaku ki le afiafi, a ia mo le kau fakamatuatua o Iselaele. Ti na lotou laku foki mo le efu ki olatou ulu.