Lua tosi a Samuele 10:18 - Tosi Tapu

¹⁸ Kae na sosola loa le kau Silia i mua o Iselaele. Ti na tamate loa e Tavite a kau tau o saliote e kau lelau fitu ti mo ni tagata ekeosi e tino fa afe ; na tamate foki e ia le pule o lalatou solia ko Sopake.

Lua tosi a Samuele 10:18 ပူးပေါင်းရင်းမြစ်များ

Lua tosi a Samuele 10:17

Na fakasa loa le nea lena kia Tavite, leia na toe tanaki ia loa Iselaele katoa, o fakalaka i le Solotane, o ano ki Elami. Na teuteu loa le kau Silia ki le felavei mo Tavite, ti na lotou tau loa mo ia.

Lua tosi a Samuele 8:4

Na too loa e Tavite meiate ia a tagata ekeosi e tino afe tino lelau fitu, mo tagata solia saele lalo e tino lua afe ; na tuuti loa e ia a ua o vae o osi o saliote gaoi fuli, kae na tuku loa e ia a osi o saliote tau e kau lelau.

Uluaki tosi o Sau 11:24

Na fakatasii e ia ni fenua kiate ia, ti na pule a ia kia latou, i le temi leia na tamate ai e Tavite a solia a lona pule. Na lotou ano loa ki Tamaso, o nonofo i ai, ti na lotou pule loa i Tamaso.

Uluaki tosi o Koloniko 19:18

Na tamate loa e Tavite ni tagata eke saliote o saliote e afe, ti mo ni tagata saele lalo e tino fa afe, ti na tamate e ia a Sofase, le pule o le solia.

Pesalemo 18:38

E kau tuli oku fili, e kau maua latou, Ti e leaise kau toe liliu kae e leikiaise kau tamate fuli latou.

Pesalemo 46:11

Ke kotou tuku, ti ke kotou iloa ko au ko le Atua : E kau pule ki atu puleaga, ti e kau pule ki le malama nei.

Pesalemo 68:2

E tuu le Atua ki aluga, e mavetevete ona fili, Ti e sosola latou e vesia kiate ia i ona mua.

Tuifakamaau 4:2

Ti na tuku loa latou e le Eteleno ki lima o Sapini, sau o Kanaane, leia na nofo i Atesoa. Ko le pule o lana solia ko Sisela, ti na nofo a ia i Aloseti-Koimi.

Tuifakamaau 4:22

Kae ko Palaki, i lana tuli Sisela, na kaku loa ki le falela o Saele. Na ulu ake loa Saele ki fafo o fakafelavei kiate ia, o pati : Au, ti e kau fakasa atu loa kiate koe le tagata leia e ke afa ia. Na ulu loa Palaki ki le falela, o tio kia Sisela kua tuku mate i le kele, mo le pike o le falela kua ulu i lona ulu.

Tuifakamaau 5:26

Ti na kukumi loa e Saele i se tasi a lima le pike, Ti na too loa e lona lima atamai le amale a tagata tufuga ; Na taai e ia Sisela, io, na taai e ia lona ulu o mafaa, ti na ulu le pike o sa i leia fetuu ulu.