Lua tosi a Samuele 10:12 - Tosi Tapu

¹² Ke ke loto toa, ti ke ta fia tagata, o tupu ko lotatou kakai mo kolo o lotatou Atua, ti ke fai loa e le Eteleno le nea leia e malie kiate ia !

Lua tosi a Samuele 10:12 ပူးပေါင်းရင်းမြစ်များ

Lua tosi a Samuele 10:11

Na pati loa Soape : Kapau e makeke ake loa le kau Silia iate au, e ke au loa o tokoi mai kiate au ; ti kapau e makeke ake loa a vosa o Amone iate koe, e kau natu loa o tokoi atu kiate koe.

Lua tosi a Samuele 15:26

Kae kapau e pati a ia : E leaise kau maua loku fiafia iate koe ! ko leinei au, ke fai e ia kiate au le nea leia e malie kiate ia.

Uluaki tosi o Koloniko 19:13

Ke ke loto toa, ti ke tou tau fakamakeke o tupu ko lotatou kakai ti mo kolo o lotatou Atua, ti ke fai e le Eteleno le nea leia e malie loa kiate ia !

Lua tosi o Koloniko 32:7

Kotou fakamakeke ti kotou loto makeke ! Aua na kotou tuania ia fua se nea ti aua na kotou i fua ki le sau o Asilia mo lana solia toka api leia e nofo mo ia ; talie e lasi ake le makeke ia tatou i leia ia latou.

Neemia 4:14

Na kau tio loa kia latou, ti na kau pati loa ki le kau lalasi, mo le kau pule, ti mo le toega o le kakai : Aua na kotou i kia latou ! Kotou manatui le Aliki lasi mo fakaii, ti kotou tau o tupu ko okoutou fetaina, mo okoutou vosa, mo okoutou taineliki, mo okoutou avaga, ti mo okoutou fale !

Neemia 4:8

Na lotou fono fakatasi fuli loa ke lotou au o taui Selusalemi, o tupu ke taofi lona toe lagai.

Esitele 4:16

Ano, o fakatasii le kau Sutea fuli leia e nonofo i Suse, ti kotou sesunio kiate au, aua na kotou kai fua pe kotou inu fua i ni aso e tolu i le pouli mo le ao. Ko au foki, e kau sesunio loa mo aku fafine fakasausau, ti oki aia, e kau ano loa ki le sau, logo ai le lao ; ti kapau e tonu ke kau mate, e kau mate loa.

Sopo 1:21

O pati : Na kau au telefua mei le manava o loku tinana, ti e kau toe liliu telefua loa ki le manava o le kele. Na soli e le Eteleno, ti kua toe too e le Eteleno ; ke fakafetai ki le suafa o le Eteleno !

Numelo 13:20

Pe feaki le kele, pe malie pe veli, pe mauli ai ni laakau pe leai. Kotou loto toa. Kotou too loa ni fua o le fenua o aumai. Ko le temi lena o uluaki fua o le vite.

Uluaki tosi ki le kau Kolinto 16:13

Kotou alaala, kotou tuu makeke i le tui, kotou faipe ni tagata, kotou makeke.

Tetelonome 31:6

Ke kotou fakamakeke ti ke kotou loto makeke ! Ke aua na kotou i ti ke aua na kotou lulu i olatou mua, talie e saele loa le Eteleno, lou Atua, mo koe ; e leaise mavae loa a ia meiate koe, e leaise tiaki loa e ia a koe.

Tetelonome 31:7

Na kalagai loa e Moisese a Sosue, o pati kiate ia i mua o Iselaele katoa : Ke ke fakamakeke ti ke ke loto makeke, talie e ke ulu loa mo le kakai leinei ki le fenua leia na fakapapau e le Eteleno ki olatou tamana ke tuku kia latou, ti ko koe leia e tufa ia loa kia latou olatou tofiga.

Epelo 11:33

I le tui, na lotou malo loa i ni puleaga, mo fai loa ni fakamaau, mo maua loa ni fakapapau, mo tapono loa le gutu o laione,

Epelo 13:6

Koia e mafai ai ke tou pati makeke ai : Ko le Aliki ko loku tokoi, e leaise kau i loa ki se nea ; Kolea e mafai e se tagata kiate au ?

Sosue 1:18

E tautea loa ki le mate a tagata fuli e fakatutuu loa ki lau lagiaki, ti e leaise fakalogo loa ki nea fuli e ke fakatotonu loa ki ai. Ko leia fua ke ke fakamakeke, ti mo ke loto toa !

Sosue 1:9

Pe na leaise kau tuku atu kiate koe le fakatotonu leinei : Ke ke fakamakeke mo ke loto toa ? Ke aua na ke i, ti ke aua na ke loto gaegae, talie ko le Eteleno, lou Atua, e nofo mo koe i ganea fuli ala e ke ano loa ki ai.

Tuifakamaau 10:15

Na pati loa fanau a Iselaele ki le Eteleno : kua motou agasala loa ; fai kia matou lou finegalo. Ko leia fua, saofaki matou i le aso nei !

Uluaki tosi a Samuele 14:12

Ti na pati loa a tagata o le nofolaga tau kia Sonatane mo lana tagata too masafu : Kolua pale mai kia matou, ti e motou fakasa loa kia kolua se nea. Na pati loa Sonatane ki leia na too ia ana masafu : Pale mai i oku muli, talie kua tuku latou e le Eteleno ki lima o Iselaele.

Uluaki tosi a Samuele 14:6

Na pati loa Sonatane ki le tupulaga leia na amo ia ana masafu : Au, ke ta ano o kaku ki le nofolaga tau o le kau Filisitini pagani leinei. Na saga e gaoi loa le Eteleno kia taua, talie e leaise nea leia e taofi ia le Eteleno ke saofaki ki se ga toka teiki ofaipe se toka api.

Uluaki tosi a Samuele 17:32

Na pati loa Tavite kia Saulo : Ke aua na loto gaegae se tasi, o tupu ko le Filisitini leinei ! E ano loa lau tagata fakasausau, o tau mo ia.

Uluaki tosi a Samuele 3:18

Na fakamatala loa e Samuele kia Eli a nea fuli, o leaise fufu e ia se nea fua e tasi. Ti na pati loa a Eli : Ko le Eteleno a ia, ke fai e ia le nea leia e malie kiate ia !

Uluaki tosi a Samuele 4:9

Ke kotou fakamakeke ti ke kotou faipe ni tagata, kau Filisitini, o tupu ke aua na kotou popula ki le kau Epeleo ofaipe lolatou popula kia koutou ; ke kotou faipe ni tagata ti ke kotou tau !