Lua tosi a Samuele 1:2 - Tosi Tapu

² I le tolu o aso, na kaku mai loa se tagata mei le nofolaga tau o Saulo, kua masaesae ona teu ti kua kelekele lona fa ulu. I lana kaku ki mua o Tavite, na tutuli loa a ia ki le kele i ona mua.

Lua tosi a Samuele 1:2 ပူးပေါင်းရင်းမြစ်များ

Senesi 22:4

I le tolu o aso, na siki ake loa e Apalaamo ona mata, ti na tio loa a ia mei mamao ki le mauga.

Senesi 37:29

Na toe liliu loa Lupeni ki le sosoni ; ti ko leinei, kua puli Sosefo i le sosoni. Ti na sae loa e ia ona kofu.

Senesi 37:34

Ti na sae loa e Sakopo ona kofu, kae tui loa e ia se taga, ti na tagi loa a ia ki lona vosa i se temi fualoa ai.

Senesi 43:28

Na lotou tali loa : E malolo lau tagata fakasausau, lomatou tamana, ti koi mauli foki a ia. Ti na lotou toe punou loa o kaku ki le kele i mua o Sosefo.

Lua tosi a Samuele 1:3

Ti na pati loa Tavite kiate ia : E ke au meifea ? Ti na tali loa a ia kia Tavite : Na kau sola mai mei le nofolaga tau o Iselaele.

Lua tosi a Samuele 13:19

Na laku loa e Tamale ni mugalafu ki lona fa ulu ti na sae loa e ia lona kofu lanulanu ; na teki loa e ia ona lima ki lona fa ulu ti na ano loa a ia mo tagi leo lasi.

Lua tosi a Samuele 14:4

Na ano loa le fafine mei Tekoa, o masau ki le sau. Na punou loa ona mata ki le kele i mua o le sau, o pati : Ei sau, fakamauli au !

Lua tosi a Samuele 15:32

I le kaku a Tavite ki le tumutumu o le mauga, leia na atolasio ai loa ki le Atua, ko leinei, na au loa Usai, le tagata Aleki, ki ona mua, kua sae lona kofu ti kua pani efu lona ulu.

Lua tosi a Samuele 24:20

Na siki ake loa a mata o Alavana, ti na tio loa a ia ki le au o le sau mo ana tagata fakasausau kiate ia ; ti na ulu loa Alavana ki fafo, o punou ki le kele i mua o le sau.

Lua tosi a Samuele 4:10

Ko leia na au o fakasa mai kiate au : Ko leinei, kua mate Saulo, ti na amanaki kua fakasa mai e ia kiate au se logo malie, na kau fakatotonu ke too a ia o tamate i Tesikelake, ke soli kiate ia le totogi o lana logo ;

Esitele 4:16

Ano, o fakatasii le kau Sutea fuli leia e nonofo i Suse, ti kotou sesunio kiate au, aua na kotou kai fua pe kotou inu fua i ni aso e tolu i le pouli mo le ao. Ko au foki, e kau sesunio loa mo aku fafine fakasausau, ti oki aia, e kau ano loa ki le sau, logo ai le lao ; ti kapau e tonu ke kau mate, e kau mate loa.

Esitele 5:1

I le tolu o aso na tui loa e Esitele ona teu fakasau ti na ulu loa a ia ki le malae loto o le fale o le sau, i mua o le fale o le sau. Na nofo le sau i lona ekeekeaga fakasau i lona fale, o tautonu mo le matapa ulu.

Pesalemo 66:3

Kotou pati ki le Atua : E fakaii ai au gaoiaga ! O tupu ko le lasi o lou makeke, e fakavikiviki ou fili kiate koe.

Esekiele 27:30

E lotou tagi leo lasi loa o tupu ko koe, Ti e lotou tagi mamae loa kiate koe ; E lotou laku loa le efu ki olatou ulu, Ti e lotou fuliteka loa i le mugalafu ;

Oseo 6:2

E toe tuku loa e ia le mauli kia tatou i le sili o aso e lua ; I le tolu o aso e fakatuu loa e ia tatou ki aluga, Ti e tou mauuli loa i ona mua.

Soele 2:13

Kotou sae okoutou loto kae aua okoutou kofu, Ti kotou toe liliu mai ki le Eteleno, lokoutou Atua ; Talie e agamalie a ia mo manava alofa, E kataki fualoa a ia mo apele i le agamalie, Ti e fakasemala a ia ki tautea ala e tuku e ia.

Mateo 12:40

Talie na nofo Sonasi i aso e tolu mo po e tolu i le manava o se ika lasi, ti e nofo loa le Vosa o le tagata i aso e tolu mo po e tolu i le manava o le kele.

Mateo 16:21

Talu loa mei ai na kamata fakasa loa e Sesu ki ana tisipulo e tonu ke ano a ia ki Selusalemi, ke mamae lasi a ia mei le kau fakamatuatua, mo le kau pule faisakilifisio ti mo le kau sekelipa, ke mate a ia, ti ke toe tuuake a ia i le tolu o aso.

Sosue 7:6

Na saei loa e Sosue lona kofu, ti na tutuli loa a ia ki lalo o fakatau ona mata ki le kele i mua o le aleka o le Eteleno, o kaku ki le afiafi, a ia mo le kau fakamatuatua o Iselaele. Ti na lotou laku foki mo le efu ki olatou ulu.

Apokalipisi 3:9

Tio, e kau soli kiate koe ni iki o le sinakoka o Satana, ala e pati ko le kau Sutea, kae e leai, e lotou loi ; tio, e kau fakamakeke loa latou ke lotou au o punou i ou vae, ti ke lotou iloa kua kau alofa kiate koe.

Uluaki tosi a Samuele 20:41

I le mavae loa o le toe, na tuu mai loa Tavite mei le ganea leia na mumuni ai i le potu saute, o punou tua tolu ona mata ki le kele. Na sogi loa Sonatane mo Tavite, ti na la fetagisi loa toka lua, kae na lasi ai le maligi o loimata o Tavite.

Uluaki tosi a Samuele 25:23

I le tio a Apikaile kia Tavite, na ifo fakatavili loa a ia mei le asino, o tulolo ona mata ki le kele i mua o Tavite.

Uluaki tosi a Samuele 4:12

Na makape loa se tagata o Pesamino mei le malae tau, o kaku ki Silo i le aso lena, kua masaesae ona kofu ti kua pani kele lona ulu.

Uluaki tosi a Samuele 4:16

Na pati loa le tagata kia Eli : E kau kaku mai nei mei le malae tau, ti na kau sola mei le malae tau i le aso nei. Na pati loa a Eli : Kolea le nea kua soko, ei loku vosa ?