Lua tosi a Samuele 1:12 - Tosi Tapu

¹² Na lotou putu loa, mo fetagisi, ti mo sesunio o kaku ki le afiafi, o tupu ko Saulo mo Sonatane, lona vosa, mo le kakai o le Eteleno, mo le fale o Iselaele, talie kua lotou mamate i le seleta.

Lua tosi a Samuele 1:12 ပူးပေါင်းရင်းမြစ်များ

Lua tosi a Samuele 3:35

Ti na toe fetagisi loa le kakai katoa kia Apenele. Na fakafeofi ake loa le kakai katoa kia Tavite o fakakolekole kiate ia ke kai e ia se nea kai koi ao ; kae na fakapapau loa Tavite, o pati : Ke tautea au e le Atua i lona makeke katoa, mo kapau e kau kai se pane pe ko se nea fua i mua o le galo o le laa !

Taagapati 24:17

Aua na ke fakafiafia mo ka vilo lou fili, Ti aua na nekenekea lou loto mo ka seke a ia,

Selemia 9:1

Oi ! ka na apele loku ulu i le vai, Ka na fai oku mata pe se matapuna loimata, E kau tagi loa i le ao mo le po Ki mate o le taine o loku kakai !

Amosi 6:6

E lotou inu le vino i ni ipu lalasi, E lotou pani le lolo malie, Ti e leaise lotou mamae fua i le maumau o Sosefo !

Mateo 5:44

Kae ko au, e kau pati atu kia koutou : Kotou alofa ki okoutou fili, kotou tapuaki kia latou ala e tutuku ia koutou, kotou fai le nea leia e malie kia latou ala e vesia mai kia koutou, ti kotou ulufaki latou ala e fai nea veli mai kia koutou ti mo fakaveliveli mai kia koutou,

Lua tosi ki le kau Kolinto 11:29

Kapau e gaegae se tasi, e kau logoi foki se gaegae ? Kapau e vilo ki le agasala se tasi, e kau logoi se mamae lasi ?

Uluaki tosi a Petelo 3:8

Tie fakaoki loa, ke kotou maua fuli ni manatu tatau, mo ni manatu loto tatau ; ke kotou apele i le alofa fakatautaina, mo le loto alofa, ti mo le fakataulalo.

Uluaki tosi a Samuele 31:13

Na lotou too loa olatou ivi, ti na lotou tanu loa latou i lalo o le tamalisi i Sapesi. Ti na lotou sesunio loa i aso e fitu.

Uluaki tosi a Samuele 31:6

Koia na mamate fakatasi ai loa, i le aso e tasi, a Saulo, mo ona vosa e tolu, mo leia na amo ia ana masafu, ti mo ana tagata fuli.