Lua tosi a Petelo 3:7 - Tosi Tapu

⁷ kae e taofi e le folafola lena le atu lagi mo le malama nei o le temi nei ke maumaui e le afi, i le aso o le fakamaau mo le maumaui o le kau agaveli.

Lua tosi a Petelo 3:7 ပူးပေါင်းရင်းမြစ်များ

Pesalemo 102:26

Na ke fakatupu i le kamataaga le kele, Ti ko le lagi ko le gaoiaga o ou lima.

Pesalemo 50:3

E au lotatou Atua, e leaise nofo fakalologo a ia ; E ano se afi kaka i ona mua, E takatakai a ia e se afa makeke.

Esaia 51:6

Kotou siki okoutou mata ki le lagi, ti kotou tio ki lalo ki le kele ! Talie e puli loa a atu lagi ofaipe se afu, E maluku loa le kele ofaipe se kofu popo, Ti e mamate loa lona kakai ofaipe ni lago ; Kae e tuu loa laku fakamauli o lee gato, Ti e leaise toe gato loa laku faitotonu.

Esaia 66:15

Talie ko leinei, e au le Eteleno i se afi, Ti e fai ana saliote pe se sasataki ; E fakaliliu e ia lona sausau ko se vela, Ti mo ana valoki ko ni ulai afi.

Taniela 7:9

Na kau tio, ti ko leinei, na fakatuu ni ekeekeaga fakasau. Ti na ekeeke loa le Matua o aso. Na tea lona kofu ofaipe le nive, ti na fai ona fului ulu pe se fului ovi mea ; na fai lona ekeekeaga fakasau pe ni ulai afi, ti na fai a teka o le ekeekeaga pe se afi kaka.

Sofoni 3:8

Koia e pati ai le Eteleno : Kotou talitali mai la kiate au ! I le aso leia e kau tuu ake ai loa o tanaki le koloa o le tau, Talie kua kau fakapapau ke fakatasi a atu puleaga, Ke fakatasi a atu puleaga sau, O tupu ke kau liligi kia latou loku sausau, Le mamafa katoa o loku ita ; Talie e tutu loa le fenua katoa e le afi o loku finenonofo.

Malakia 4:1

Talie ko leinei, e au le aso, Kaka ofaipe se gutuumu. Ko le kau fia nea lasi fuli mo le kau agaveli fuli e fai loa pe le penu ; E tutu loa latou e le aso leia e au, E pati le Eteleno o kau tau. E leaise toe loa ia latou se aka pe ko se taulu.

Mateo 10:15

E kau pati maoki atu kia koutou : I le aso o le fakamaau, e tautea loa le fenua o Sotoma mo Komola o maamaa ake i le kolo lena.

Mateo 11:22

Koia, e kau pati atu ai kia koutou : I le aso o le fakamaau e tautea loa a Tile mo Sitone, o maamaa ake ia koutou.

Mateo 11:24

Koia, e kau pati atu ai kia koutou : I le aso o le fakamaau, e tautea loa le fenua o Sotoma, o maamaa ake iate koe.

Mateo 12:36

E kau pati atu kia koutou : I le aso o le fakamaau, e tio loa a tagata ki fua o masau vaiga fuli ala na lotou fai.

Mateo 24:35

E puli loa le lagi mo le kele, kae e leaise toe puli loa aku folafola.

Mateo 25:41

Ti oki, ti e pati loa a ia kia latou ala e tutuu loa i lona fetuu sema : Kotou fakamamao atu iate au, kau malaia ; kotou ano ki le afi lee gato leia na teuteui ki le Tiapolo mo ana aselo.

Maleko 6:11

Ti kapau e i ai i se ganea ni kakai ala e leaise tali ia koutou pe leaise fia logo kia koutou, kotou mavae i ai, ti kotou tutuui le efu i okoutou vae, o tupu ke liliu le nea lena ko se fakamaoki kia latou.

Soane 12:48

Ko leia e tiaki ia au ti e leaise tali ia aku folafola e maua e ia lona tui fakamaau ; ko le folafola leia na kau fakasa, ko ia leia e fakamaaui ia loa a ia i le aso fakamuli.

Loma 2:5

Kae, i lau fakafefeka ti mo lou loto lee fakasemala, e ke tanaki ai kiate koe se koloa o le sausau ki le aso o le sausau ti mo le fakasa o le fakamaau totonu a le Atua,

Uluaki tosi ki le kau Kolinto 3:13

Talie e fakasa loa a ia i le aso, talie e fakasa loa a ia e le afi ; ti e asiasii loa e le afi le anoaga o le gaoi a le tagata taki toka tasi.

Filipe 1:28

ti ke aua na kotou i ki nea ala e au mei okoutou fili, talie ko se fakamaoki a ia o le malaia kia latou, kae o le mauli kia koutou ;

Lua tosi ki le kau Tesalonika 2:3

Ke aua na kakai koutou e se tasi i se nea fua ; talie e tonu ke soko le aposetasia i mua ti ke fakasa le tagata o le agasala, ko le vosa o le malaia,

Uluaki tosi kia Timoteo 6:9

Kae ko latou ala e fia mou koloa, e vivilo ki le fakasala, mo le masele, ti mo ni oli fakavale mo fakamamae, ala e fakauku ia a tagata ki le maumau mo le pulinoa.

Epelo 12:29

talie ko lotatou Atua ko se afi maumau foki a ia.

Lua tosi a Petelo 2:9

Koia, e iloa e le Aliki le fakamauli o tagata maokioki mei le asiasii, ti e iloa e ia le taofi o le kau agasala ke tautea i le aso o le fakamaau,

Lua tosi a Petelo 3:10

E au loa le aso o le toe liliu mai o le Aliki ofaipe se tagata kaia ; i le aso lena, e puli loa le atu lagi i se gugulu lasi, ti e vela loa a nea fuli i le lagi o okioki, ti e toe vela loa o okioki le kele mo gaoiaga i ai.

Lua tosi a Petelo 3:12

Kotou talitali ti kotou gaoi ke soko vave le aso o le Atua, aso leia e maumaui ai loa e le afi le atu lagi, ti e okioki ai loa a nea o le lagi i le tutu e ula o le afi !

Uluaki tosi a Soane 4:17

Kapau e malie tukupau le alofa ia tatou, ti e tou apele loa i le loto toa i le aso o le fakamaau, talie e tatau lotatou mauli i le malama nei mo le mauli o Sesu-Kilisito.

Suta 1:7

ti na tautea e ia ki le afi lee gato a Sotoma mo Komola ti mo kolo i tafatafa, ala na fai feauaki mo fai ia ni nea ala e fakafesagai ki le natula ofaipe laua.

Apokalipisi 17:11

Ti ko le manu leia na mauli i mua, ti e puli nei, ko se tasi foki a ia a sau, ko lona valu, ti e kau foki a ia ki le toka fitu, ti e ano a ia ki le pulinoa.

Apokalipisi 17:8

Ko le manu leia na ke tio ki ai na mauli ti kua puli. E tonu ke pale a ia mei le vanu, o ano ki le pulinoa. Ti ko kakai o le kele, latou ala na leaise tosi olatou igoa i le tosi o le mauli talu mei le kamataaga o le malama nei, e punamauli loa i le toe tio ki le manu fekai, talie na mauli a ia, ti e leaise koi mauli nei, ti e toe sa loa a ia.

Apokalipisi 20:11

Ti na oki a ia, na kau tio loa ki se ekeekeaga fakasau lasi tea, ti mo leia na ekeeke i ai. Ti na fesolaki loa le kele mo le lagi i ona mua, ti na leaise toe maua loa se tuuaga kia laua.

Apokalipisi 21:1

Ti na oki a ia, na kau tio loa ki se lagi foou mo se kele foou ; talie kua puli loa le uluaki lagi mo le uluaki kele, ti kua puli foki le tai.