Lua tosi a Petelo 3:16 - Tosi Tapu

¹⁶ E fai e ia le nea lena i ana tosi fuli, ala e masau ai a ia ki ai ; i ana tosi ana, e i ai ni koga faigataa ke matala ki ai, ti e pikoi lolatou uiga e ni tagata fakapouli mo tui gagae, ofaipe la ake foki a koga o le Tosi, ke lotou malaia totonu ai.

Lua tosi a Petelo 3:16 ပူးပေါင်းရင်းမြစ်များ

Senesi 49:4

Ko se tafe makeke a koe, kae e leaise ke maua loa le tuulaga o le uluaki, Talie na ke pale ki le moeaga o lou tamana, Ti na ke fakakelekele loku moeaga i lau pale ki ai.

Uluaki tosi o Sau 10:1

Na logo loa le fafine sau o Sepa ki le logologona o Salomone mo le kololia o le Eteleno, ti na au loa a ia ke asiasii a ia ki ni vesili faigataa.

Pesalemo 56:5

E kau fakamalo loa ki le Atua, ki lana folafola ; E kau fanaki ki le Atua, e leaise kau tuania ia loa se nea : Kolea e mafai mai e se tagata kiate au ?

Ekesote 23:2

Aua na ke muli loa i le toka api, o fai se nea leia e veli ; ti aua na ke fakamaoki loa i se fakamaauaga kia latou ala e toka api o agatuu ki le maoki.

Ekesote 23:6

Aua na ke fakalakasala loa le tagata mativa i le fakamaauaga, i se nea leia e tonu ke maua e ia.

Selemia 23:36

Kae e leaise kotou toe pati loa : Ko le kavega mamafa a le Eteleno ! Talie e liliu loa le masau a le tagata ko se kavega mamafa kiate ia totonu ; Talie kua kotou pikoi a folafola a le Atua mauli, A le Eteleno o kau tau, lotatou Atua.

Apakuki 1:4

Koia e leaise koi mauli ai le lao, E leaise koi makeke ai le faitotonu : Talie kua malo le tagata agaveli i le tagata faitotonu, Ti kua salasala a fakamaau.

Mateo 15:3

Na tali loa Sesu kia latou : Ti ko koutou, kolea e kotou maumaui ai le fakatotonu a le Atua, o tupu ko lakoutou talatisio ?

Mateo 15:6

E kotou fakanoai i ai le folafola a le Atua, o tupu ko lakoutou talatisio.

Mateo 22:29

Na tali loa Sesu kia latou : E kotou nofo i le faisala, talie e leaise kotou matala fua ki le tosi ti mo le mafimafi o le Atua.

Tetelonome 16:19

Ke aua na ke fakasala ia loa le fakamaau, ke aua na ke tio loa ki le tagata, ti ke aua na ke tali loa se moliga, talie e fakakivi e moliga a mata o le kau poto ti e lotou fakasalasala ia loa a masau a le kau agatonu.

Filipe 3:19

Ko lolatou fakaoki ko le pulinoa ; e lotou atua ki olatou manava, ti e lotou fakakololia latou i le nea leia e tonu ke lotou luma ai, talie lotou manatu fai ki nea o le malama nei.

Epelo 5:11

E lasi ai a nea ala e motou fia masau ki ai i le potu lena, ti ko ni nea e faigataa ke fakamatala, talie kua kotou liliu o gasueveli i le fia matala.

Sakopo 1:8

talie ko se tagata loto noa a ia mo mou loto i ona ala fuli.

Uluaki tosi a Petelo 1:1

Petelo, ko le apositolo a Sesu-Kilisito, kia latou ala e matapule mo mavetevete i Ponito, mo Kalatia, mo Kapatose, mo Asia, ti mo Pitinia,

Uluaki tosi a Petelo 2:8

E lotou tukia i ai talie na leaise lotou tui ki le folafola, ti kua fakatuutuu latou ki le nea foki lena.

Lua tosi a Petelo 2:1

Na i ai foki ni kau polofeta loi i le kakai, ti e toe i ai loa ia koutou ni toketa loi, ala e fakauluulu fakafufu ia loa ni magai lotu fakamalaia, ti i lalatou fakafiti ki le pule leia na totogi ia latou, e lotou aumai loa kia latou se maumau fakapunamauli.

Lua tosi a Petelo 2:14

E apele olatou mata i le tono fafine, ti e leaise lotou makona i le agasala ; e lotou maselei a laumalie ala koi gagae ; ti kua poto olatou loto i le manumanu ki le paaga ; ko ni fanau latou o le malaia.

Lua tosi a Petelo 3:14

Koia loa, alofaaga, i lakoutou talitali ki nea ana, kotou faiga ke maua atu koutou e mea mo lee mele i le tokamalie.

Lua tosi a Petelo 3:2

o tupu ke kotou manatui a nea ala na fakasa fakatomua e le kau polofeta maokioki, ti mo le fakatotonu o lotatou Aliki mo Fakamauli, leia na akonaki ki ai le kau apositolo.

Suta 1:4

Talie kua ulu fakatolotolo mai kia koutou ni tagata, ala kua fualoa le tosi fakatomua o olatou tautea, ko ni tagata agaveveli ala kua fetogi ia le kalasia o lotatou Atua ki le mauli fakalaluvale, ti kua lotou fakafiti ki lotatou Pule e tasi mo Aliki ko Sesu-Kilisito.