Lua tosi a Petelo 3:10 - Tosi Tapu

¹⁰ E au loa le aso o le toe liliu mai o le Aliki ofaipe se tagata kaia ; i le aso lena, e puli loa le atu lagi i se gugulu lasi, ti e vela loa a nea fuli i le lagi o okioki, ti e toe vela loa o okioki le kele mo gaoiaga i ai.

Lua tosi a Petelo 3:10 ပူးပေါင်းရင်းမြစ်များ

Pesalemo 102:26

Na ke fakatupu i le kamataaga le kele, Ti ko le lagi ko le gaoiaga o ou lima.

Pesalemo 46:6

E agai le Atua i loto malie o le kolo : e leaise galulu loa a ia ; E tokoi le Atua kiate ia talu mei le mafoata.

Pesalemo 97:5

E okioki a mauga ofaipe se fa silo i mua o le Eteleno, I mua o le Aliki o le malama nei katoa.

Esaia 2:12

Talie e i ai loa le aso o le Eteleno o kau tau Ki tagata fuli ala e fia taualuga mo fia nealasi, Kia latou fuli ala e fia malaga ki aluga, o tupu ke tuku latou ki lalo ;

Esaia 24:19

Kua mafaa le kele, Kua matuletule le malama nei, Kua siga a ia ki lalo.

Esaia 34:4

Kua vela o okioki le kau solia katoa o le atu lagi ; Kua takai le lagi ofaipe se tosi, Ti kua vilo lona kau solia katoa Ofaipe le vilo o le lau vite, Ofaipe le vilo o le lau fiki.

Esaia 51:6

Kotou siki okoutou mata ki le lagi, ti kotou tio ki lalo ki le kele ! Talie e puli loa a atu lagi ofaipe se afu, E maluku loa le kele ofaipe se kofu popo, Ti e mamate loa lona kakai ofaipe ni lago ; Kae e tuu loa laku fakamauli o lee gato, Ti e leaise toe gato loa laku faitotonu.

Soele 1:15

Oi, se aso fakaii ! Talie kua ofi mai le aso o le Eteleno : E au a ia ofaipe se maumau mei le Mafimafi.

Soele 2:1

Kotou pupusi le fakatagi pupusi i Sione ! Kotou fakagugulu le fakatagi pupusi i loku mauga tapu ! Ke lulu kakai fuli o le fenua ! Talie kua au le aso o le Eteleno, talie kua ofi mai a ia,

Soele 2:31

E fetogi loa le laa o fakapouli, Ti mo le masina o toto, I mua o le soko mai o le aso o le Eteleno, O le aso lasi lena mo fakaii.

Soele 3:14

Ko se kakai toka api, ko se kakai toka api, I le vaivailiua o le fakamaau. Talie kua ofi le aso o le Eteleno, I le vaivailiua o le fakamaau.

Amosi 9:13

Ko leinei, e soko mai loa a aso, e pati le Eteleno, Ala e ano loa le tagata fakamaluu kele i muli o leia e tuuti ia le fulumeto, Ti ko leia e tatau ia le fuai vite, i muli o leia e muluki ia le pulapula, Ala e sali loa le vino foou mei mauga ofaipe ni tafe, Ti e sali loa a ia mei mauga liliki fuli.

Amosi 9:5

E fafa le Aliki, le Eteleno o kau tau, ki le malama nei, ti e galulu a ia, Ti e tagi laulau loa lona kakai katoa. E malaga le kele katoa ki aluga ofaipe le vaitafe, Ti e ifo a ia ki lalo ofaipe le vaitafe o Esipito.

Mikea 1:4

I ona vae e susua a mauga, E mafaafaa a vaivailiua, Ofaipe le silo i le afi, Ofaipe le vai leia e sali mei se mauga.

Naume 1:5

E galulu a mauga i ona mua, Ti e liliu o vai a mauga liliki ; E tuu ki aluga le malama nei i ona mua, Le malama nei katoa mo latou fuli e nonofo i ai.

Malakia 4:5

Ko leinei, e kau kakau loa kia koutou Elia, le polofeta, I mua o le soko mai o le aso o le Eteleno, Le aso lasi mo fakaii lena.

Mateo 24:35

E puli loa le lagi mo le kele, kae e leaise toe puli loa aku folafola.

Maleko 13:31

E puli loa le lagi mo le kele, kae e leaise puli loa aku folafola.

Luka 12:39

Ke kotou matala malie ki le nea leinei : Kanapau na iloa e le pule o le fale le ola leia kua tonu ke au ai le tagata kaia, e alaala loa a ia talie e leaise tuku loa e ia ke ulufia lona fale.

Loma 8:20

Talie na fakataulaloi le malama nei ki le vaiga, kae na leaise loto a ia ki ai, e leia na tuku ia a ia ki ai,

Uluaki tosi ki le kau Kolinto 1:8

Ko ia foki leia e fakatuu makeke ia loa koutou o kaku ki le fakaoki, o tupu ke kotou saosaoa i le aso o lotatou Aliki ko Sesu-Kilisito.

Uluaki tosi ki le kau Kolinto 5:5

ke tuku le tagata lena kia Satana ke maumaui le tino, kae ke fakamauli le laumalie i le aso o le Aliki ko Sesu.

Lua tosi ki le kau Kolinto 1:14

I le aso nei kua kotou kamata iloa ko lokoutou kololia ko maua, kae e kotou liliu loa ko loma kololia i le aso o le Aliki Sesu.

Uluaki tosi ki le kau Tesalonika 5:2

Talie kua kotou iloa papau e koutou totonu ko le aso o le Aliki e au loa ofaipe se tagata kaia i le pouli.

Uluaki tosi ki le kau Tesalonika 5:4

Kae ko koutou, fetaina, e leaise kotou nofo i le fakapouli, ke fakamauatoka koutou e le aso lena ofaipe se tagata kaia ;

Lua tosi a Petelo 3:11

O tupu e maumaui loa a nea fuli ana, e tonu ke kotou asilisili maokioki ake i okoutou mauli ti mo lokoutou alofa ki le Atua.

Lua tosi a Petelo 3:12

Kotou talitali ti kotou gaoi ke soko vave le aso o le Atua, aso leia e maumaui ai loa e le afi le atu lagi, ti e okioki ai loa a nea o le lagi i le tutu e ula o le afi !

Lua tosi a Petelo 3:7

kae e taofi e le folafola lena le atu lagi mo le malama nei o le temi nei ke maumaui e le afi, i le aso o le fakamaau mo le maumaui o le kau agaveli.

Suta 1:6

ti na taupau e ia ki le aso lasi o le fakamaau, o sai o lee gato e le fakapouli, le kau aselo leia na leaise taupau ia olatou tulaga, kae na lotou tiaki lolatou nofoaga totonu ;

Apokalipisi 16:15

Ko leinei, e kau au ofaipe se tagata kaia. Manuia leia e alaala, ti mo taupau ia ona kofu, o tupu ke aua na saele telefua ti ke aua na tio ki lona luma !

Apokalipisi 20:11

Ti na oki a ia, na kau tio loa ki se ekeekeaga fakasau lasi tea, ti mo leia na ekeeke i ai. Ti na fesolaki loa le kele mo le lagi i ona mua, ti na leaise toe maua loa se tuuaga kia laua.

Apokalipisi 21:1

Ti na oki a ia, na kau tio loa ki se lagi foou mo se kele foou ; talie kua puli loa le uluaki lagi mo le uluaki kele, ti kua puli foki le tai.

Apokalipisi 3:3

Koia ke ke manatui ai pe na feaki lau tali mo lau logo ki le folafola, ti ke ke kukumi a ia, ti ke ke fakasemala. Kapau e leaise ke tokaga, e kau au loa ofaipe se tagata kaia, ti e leaise ke iloa loa pe ko le ola fea leia e kau au ai loa o fakamauatoka a koe.

Apokalipisi 6:14

Ti na puli loa le lagi ofaipe se tosi leia e takai ; ti na siki loa a mauga fuli mo motu fuli mei olatou tuuaga.