Lua tosi a Petelo 2:4 - Tosi Tapu

⁴ Talie, kapau na leaise fakasao e le Atua le kau aselo leia na agasala, kae na ti e ia latou ki ifeli, leia e taofi ai mo saisai ai latou o pilisoni i ni sosoni o le fakapouli ki le aso o le fakamaau ;

Lua tosi a Petelo 2:4 ပူးပေါင်းရင်းမြစ်များ

Sopo 21:30

I le aso o le malaia, e sao le tagata agaveli ; I le aso o le sausau, e fakamauli a ia.

Sopo 4:18

Kapau e leaise fanaki le Atua ki ana tagata fakasausau, Ti kapau e maua e ia se valea i ana kau aselo,

Pesalemo 78:50

Na tuku loa e ia lona sausau ke vilo katoa, Na leaise fakamauli loa e ia olatou laumalie i le mate, Na tuku loa e ia olatou mauli ki le malaia veli ;

Esaia 14:12

Ko lena kua ke vilo mei le lagi, A koe, Lusifelo, vosa o le mafoata ! Kua ti a koe ki le kele, A koe leia na malo i atu puleaga !

Esekiele 5:11

Koia e pati le Aliki, le Eteleno : E kau mauli ! O tupu na ke fakakelekele loku fale tapu ki au taulaatua fuli mo au nea fakalialia fuli, ko au foki, e kau too loa oku mata iate koe, ti e leaise maua loa e loku fa mata se manava alofa kiate koe.

Esekiele 7:4

E leaise toe alofa loa loku mata kiate koe, Ti e leaise kau toe maua loa se ga manava alofa kiate koe ; Kae e kau fakaamo loa kiate koe ou ala, Ti e tuu loa au aga fakalialia i loto malie o ou ; Ti e kotou iloa loa ko au ko le Eteleno.

Esekiele 7:9

E leaise alofa loa loku mata kiate koe, Ti e leaise kau toe maua loa se manava alofa, E kau fakaamo loa kiate koe ou ala, Ti e tuku loa i ou mua au aga fakalialia. Ti e kotou iloa loa ko au ko le Eteleno, leia e tautea ia.

Mateo 25:41

Ti oki, ti e pati loa a ia kia latou ala e tutuu loa i lona fetuu sema : Kotou fakamamao atu iate au, kau malaia ; kotou ano ki le afi lee gato leia na teuteui ki le Tiapolo mo ana aselo.

Mateo 8:29

Ti ko leinei, na la kalaga loa kiate ia : Kolea le nea leia e ke loto kia matou, Sesu, Alo o le Atua ? Pe na ke au ki leinei o fakamamae matou i mua o le temi ?

Maleko 5:7

ti mo tagi leo lasi : Kolea au kiate koe, Sesu, Alo o le Atua taualuga ? E kau kole fakamakeke atu kiate koe i le suafa o le Atua, aua na ke fakamamae au.

Luka 10:18

Na pati loa Sesu kia latou : Na kau tio ki le vilo a Satana mei lagi ofaipe se uila.

Luka 8:31

Ti na lotou kolekole loa kia Sesu ke aua na fakatotonu ake e ia ke lotou ano ki le vanu.

Soane 8:44

E kotou tamana kia Satana, ti e kotou fia fakasoko a oli o lokoutou tamana. Na tukipo a ia talu mei le kamataaga, ti e leaise nofo a ia i le maoki, talie e leaise maoki iate ia. Ka puaki e ia le loi, e masau a ia mei lona takele totonu ; talie e loi a ia ti ko le tamana a ia o le loi.

Loma 11:21

talie kapau na leaise fakasao e le Atua a laa totonu, e leaise fakasao loa e ia a koe foki.

Loma 8:32

a ia leia na leaise saofaki ia lona Alo totonu, kae na soli e ia a ia o tupu ko tatou fuli, pe feaki ke aua na soli mai loa e ia kia tatou a nea fuli foki mo ia ?

Tetelonome 29:20

E leaise toe loto loa le Eteleno ke fakamolemole ki le tagata lena. Kae e mu loa le sausau mo le finenonofo o le Eteleno ki le tagata a ia, ti e vilo loa malaia fuli ala e tuu i le tosi leinei kiate ia, ti e soloi loa e le Eteleno lona igoa i lalo o le lagi.

Lua tosi a Petelo 2:11

kae ko le kau aselo, leia e taualuga ake i le makeke mo le mafimafi, e leaise fai ia fua se fakamaaui mo se lauveli kia latou i mua o le Aliki.

Lua tosi a Petelo 2:5

kapau na leaise fakasao e ia le malama afea, ti kapau na fakamauli fua e ia se ga toka valu o kau ai a Noe, le tagata fai akonaki lena o le faitotonu, i le temi leia na kakau mai ai e ia le lomaki ki se malama o ni tagata agasala ;

Lua tosi a Petelo 2:9

Koia, e iloa e le Aliki le fakamauli o tagata maokioki mei le asiasii, ti e iloa e ia le taofi o le kau agasala ke tautea i le aso o le fakamaau,

Uluaki tosi a Soane 3:8

Ko leia e mauli i le agasala, e au a ia mei le Tiapolo, talie e agasala le Tiapolo talu mei le kamataaga. Na sa mai le Alo o le Atua, o tupu ke maumaui a gaoi a le Tiapolo.

Suta 1:13

Ko ni galu itaita latou o le tai, ala kua laku ia le piau o olatou mauli fakakelekele ; ko ni fetuu lele latou, ala kua taofi ki ai le uli gaogao o le fakapouli lee gato.

Suta 1:6

ti na taupau e ia ki le aso lasi o le fakamaau, o sai o lee gato e le fakapouli, le kau aselo leia na leaise taupau ia olatou tulaga, kae na lotou tiaki lolatou nofoaga totonu ;

Apokalipisi 20:10

Ti ko le Tiapolo, leia na kakai ia latou, na ti loa ki le tai afi mo sulifa, ki le ganea leia e nofo ai le manu fekai mo le polofeta loi. Ti e lotou mamae loa i ai, i le ao mo le po, i sekulo mo sekulo.