Lua tosi a Petelo 2:21 - Tosi Tapu

²¹ Talie na malie ake kia latou ke aua na lotou iloa le ala o le faitotonu, i lona iloa kae lotou titua ki le folafola maokioki leia na tuku kia latou.

Lua tosi a Petelo 2:21 ပူးပေါင်းရင်းမြစ်များ

Pesalemo 125:5

Kae ko latou ala e saele i ala pikopiko, Ke maumaui latou e le Eteleno o fakatasi mo latou ala e fai ia le veli ! Ke nofo le tokamalie i Iselaele !

Pesalemo 85:8

Eteleno ! ke ke fakatio matou ki lou agamalie, Ti ke ke tuku mai kia matou lou mauli !

Taagapati 12:28

E maua le mauli i le ala o le faitotonu, Ti e leaise nofo le mate i le ala e tofa e ia.

Taagapati 16:31

Ko le ulu sina ko se pala o le mauiga ; E maua a ia i le ala o le maokioki.

Esekiele 18:24

Kapau e maliu le tagata agatonu i lona agatonu o fai le agasala, ti kapau e fai e ia a nea fakalialia fuli a le tagata agasala, pe mauli loa a ia ? Leai, e galoi loa lona faitotonu katoa, talie na fai e ia le agaveli mo le agasala ; ti e mate loa a ia, o tupu ko le nea lena.

Esekiele 23:13

Na kau tio loa kua kelekele a ia, Kua mulimuli a ia ofaipe lona taina i le ala e tasi.

Esekiele 3:20

Kapau e tafoki se tagata faitotonu i lana faitotonu o fai le nea leia e veli, e kau fakatuu loa se masele i ona mua, ti e mate loa a ia ; talie na leaise ke valoki a ia, e mate loa a ia i lana agasala, e leaise toe masau loa ki le faitotonu leia na fai e ia i mua, ti e kau toe afa atu loa kiate koe lona toto.

Esekiele 33:13

Ti kapau e kau pati ki le tagata agatonu : E ke mauli loa, - kae kapau e fanaki loa a ia ki lana faitotonu ti fai loa e ia le agaveli, e galoi loa lona faitotonu katoa, ti e mate loa a ia o tupu ko le agaveli leia kua fai e ia.

Sofoni 1:6

Mo latou ala na maliu kese i le Eteleno, Ti mo latou ala e leaise afa ia le Eteleno, Latou ala e leaise afa ia lona finegalo.

Mateo 21:32

Talie na au Soane kia koutou i le ala o le faitotonu, ti na leaise kotou tui kiate ia. Kae na tui kiate ia le kau popelikano mo fafine faiaga ; ti ko koutou, ala na tio ki le nea lena, na leaise kotou fakasemala o tui kiate ia.

Luka 12:47

Ko le tagata fakasausau leia e iloa ia le finegalo o lona pule, kae na leaise teuteui e ia se nea, ti na leaise gaoi a ia o mulimuli ki lona finegalo, e tamate loa a ia ki ni fa ta mauke.

Soane 15:22

Kanapau na leaise kau au ti kanapau na leaise kau masau kia latou, na leaise lotou maua loa se agasala ; kae i le lakaga nei e leaise lotou maua fua se nea ke kofu ai lalatou agasala.

Soane 9:41

Na tali loa Sesu kia latou : Kanapau na kotou kivi, e leaise kotou maua loa se agasala. Kae i le lakaga nei e kotou pati : E motou tio, koia e tuumau ai lakoutou agasala.

Loma 7:12

Koia e maokioki ai le lao, ti e maokioki le fakatotonu, mo totonu, ti mo malie.

Kalate 6:2

Kotou feamoaki a koutou kavega, ti e kotou fakasoko loa i ai le lao a Kilisito.

Uluaki tosi ki le kau Tesalonika 4:2

Talie e kotou iloa foki a fakatotonu ala na motou tuku atu kia koutou mei le Aliki Sesu.

Uluaki tosi kia Timoteo 6:14

Ke ke taupau le fakatotonu o lee mele, mo lee valoki, o kaku ki le sa o lotatou Aliki ko Sesu-Kilisito,

Epelo 10:26

Talie kapau e tou agasala i lotatou loto faifaitalisa kae kua tou maua le iloa o le maoki, e leaise koi toe loa se tasi ake failaulau ki le agasala,

Sakopo 4:17

Koia ko leia e iloa ia le fai o le nea leia e malie, kae e leaise fai e ia a ia, e fai e ia se agasala.

Lua tosi a Petelo 3:2

o tupu ke kotou manatui a nea ala na fakasa fakatomua e le kau polofeta maokioki, ti mo le fakatotonu o lotatou Aliki mo Fakamauli, leia na akonaki ki ai le kau apositolo.

Suta 1:3

Alofaina, na kau oli lasi ke fai tosi atu kia koutou o uiga mo lotatou saofaki fakatasi, kae na kau logoi se fakamaua ke kau fai atu kia koutou le tosi leinei ke ekenaki ai koutou ke tau ki le tui leia kua tuku tua tasi ki le kau sagato.