Lua tosi a Petelo 2:20 - Tosi Tapu

²⁰ Koia, kapau i le oki o lolatou mavae mei nea kelekele o le malama nei, o tupu kua lotou iloa le Aliki mo le Fakamauli ko Sesu-Kilisito, e lotou toe tuku loa a nea ana ke toe too ia latou, ti ke toe malo ia latou, e toe veli ake loa lolatou mauli fakamuli i le uluaki.

Lua tosi a Petelo 2:20 ပူးပေါင်းရင်းမြစ်များ

Esekiele 33:13

Ti kapau e kau pati ki le tagata agatonu : E ke mauli loa, - kae kapau e fanaki loa a ia ki lana faitotonu ti fai loa e ia le agaveli, e galoi loa lona faitotonu katoa, ti e mate loa a ia o tupu ko le agaveli leia kua fai e ia.

Levitiko 13:20

Ti e tioi loa e le tagata faisakilifisio le koga masaki : ti kapau e maua loa e ia se pu i le kili ti kapau kua tea a fulu, e fakasa loa e le tagata faisakilifisio e kelekele le tagata lena ; ko le kilia lena kua sa i le tuuaga o le fagafoa.

Levitiko 13:55

E toe tioi loa e le tagata faisakilifisio le nea lena i le oki o lona fo. Kapau na leaise fetogi le pulepule, ti na leaise mafola a ia, e kelekele loa le nea lena ; e tutu loa le nea lena, talie kua ulu loloto le masaki, ti kua kai e ia le alo mo le tua.

Levitiko 14:43

Ti kapau e toe sa loa le sekaseka lena i le fale, i le oki o le too o fatu veveli, mo le ali, ti mo le fakafoou o le fakamomole o paa o le fale,

Numelo 24:20

Na tio loa Palaame kia Amaleke. Na fai loa e ia lana folafola fakatata, o pati : Ko Amaleke ko le uluaki a ia o atu puleaga, Kae e maumaui loa a ia i se aso.

Tetelonome 32:29

Ka na lotou popoto, e lotou matala loa ki le nea leinei, E lotou manatu loa ki le nea leia e soko loa kia latou ki muli.

Filipe 3:19

Ko lolatou fakaoki ko le pulinoa ; e lotou atua ki olatou manava, ti e lotou fakakololia latou i le nea leia e tonu ke lotou luma ai, talie lotou manatu fai ki nea o le malama nei.

Lua tosi kia Timoteo 2:4

E leaise tagata solia leia e fakavisia ia a ia i nea o le mauli nei, mo kapau e loto a ia ke mata malie a ia ki leia na filifili ia a ia ki lana kau tau ;

Sakopo 1:27

Ko le lotu leia e mea mo lee mele i mua o le Atua ko le Tamana, ko le fakatele ki fanau sala matua mo lokonui i olatou mamae, ti mo le fakamamao mei nea kelekele fuli o le malama nei.

Lua tosi a Petelo 1:11

Talie i le nea a ia, e fakamavaa fakalaulasi atu loa kia koutou le uluaga ki le Puleaga lee gato o lotatou Aliki mo Fakamauli ko Sesu-Kilisito.

Lua tosi a Petelo 1:2

Ke liuliuga atu kia koutou le kalasia mo le tokamalie i le iloa o le Atua mo Sesu ko lotatou Aliki !

Lua tosi a Petelo 1:3

Ko lona mafimafi fakaatua na soli ia mai kia tatou a nea fuli ala e aoga ki le mauli mo le tausi ki le Atua, i le iloa o leia kua kalagai ia tatou ke tou kau ki lona kololia totonu mo lona agamalie.

Lua tosi a Petelo 1:4

Koia kua soli ai e ia kia tatou ni fakapapau mauiga mo lalasi ai, o tupu ke tou kau ki le natula fakaatua, o sola mei le aga fakalialia leia e maua i le malama nei i le oli veli.

Lua tosi a Petelo 1:8

Talie kapau e kotou maua a nea ana o lasi ia koutou, e leaise lotou tuku loa koutou ke nonofo noa mo sala fua i le iloa o lotatou Aliki ko Sesu-Kilisito.

Lua tosi a Petelo 2:18

I ni masau fia nealasi mo loi, e lotou maselei ki a oli o le kanofi mo aga fakalialia latou ala nao mavae fua mei tagata ala e mauli sese ;

Lua tosi a Petelo 3:18

kae ke kotou tuputupua i le kalasia mo le iloa o lotatou Aliki mo Fakamauli ko Sesu-Kilisito. Kiate ia le kololia, i le temi nei o lee gato ! Amene !