Lua tosi a Petelo 2:10 - Tosi Tapu

¹⁰ tafito latou ala e makape i muli o le kanofi i se oli fakakelekele, ti e nukinuki ki le pule a le Atua. E lotou agamakeke mo loto fefeka, e leaise lotou i fuai i le lauveli ki le kau pule fakakololia o le lagi,

Lua tosi a Petelo 2:10 ပူးပေါင်းရင်းမြစ်များ

Senesi 49:6

Ke aua na kau loku laumalie ki ala fono fakafufu. Ke aua na fakatasi loku laumalie ki ala fakatasiga, talie na la tamate ni tagata i lola ita, Ti na la tutuuti a vae o pipi i lola agaveli.

Lua tosi a Samuele 20:1

Na nofo i lena se tagata agaveli, na igoa ko Sepa, vosa o Pikili, ko se tagata o Pesamino. Na pupusi loa e ia le fakatagi pupusi, o pati : E leaise motou kau loa kia Tavite, e leaise nea fua leia e motou fakatasi ai mo le vosa o Isaia ! Ke kotou tasi ano ki lona falela, kakai o Iselaele !

Uluaki tosi o Sau 12:16

I le tio loa a le kakai o Iselaele katoa na leaise fakalogo ake loa le sau kia latou, na lotou tali loa ki le sau : Kolea leia e tou fakatasi ai mo Tavite ? E leai fua sotatou tofiga mo le vosa o Isaia ! Ki ou falela, Iselaele ! I le lakaga nei, ke ke fagai lou fale Tavite ! Ti na toe liliu loa Iselaele ki ona falela.

Pesalemo 12:4

Ke fakapuli e le Eteleno a laugutu fakalapulapu fuli, Mo le alelo leia e masau matasoka,

Ekesote 22:28

Aua na ke lauveli loa ki le Atua, ti e leaise ke lauveli loa ki le pule o lou kakai.

Ekelesiasi 10:20

Kae aua na ke lauveli ki le sau, tatau aifai i lou loto, ti aua na ke lauveli ki le tagata mou koloa i le kogafale leia e ke moe ai ; talie e ave loa lou leo e se ga manu lele o le lagi, ti e fakasa loa au masau e leia e maua ni ona kapakau.

Selemia 2:31

Tagata o le tautupu leinei, kotou tokaga mua ki le folafola a le Eteleno ! Pe na kau liliu ko se toafa ki Iselaele, Pe ko se fenua leia e matotolu ai le fakapouli ? Kolea e pati ai loku kakai : E motou lauatea, E leaise motou fia liliu kiate koe ?

Numelo 15:30

Kae kapau e fai loa e se tagata Iselaele pe ko se tagata matapule se agasala i lona loto faitalisa, e nukinuki loa a ia ki le Eteleno, ti e tuuti loa a ia mei loto malie o lona kakai.

Luka 11:25

ti e ka kaku a ia ki ai, e maua e ia le fale kua seu mo teuteui.

Luka 19:14

Kae na vesia le kakai o lona fenua kiate ia, ti na lotou kakau loa ni fakafofoga i ona muli ke ano, o pati : E leaise motou loto ke sau le tagata lena kia matou.

Gaoi 23:5

Ti na pati loa Paulo : Na leaise kau iloa, fetaina, ko le pule faisakilifisio a ia ; talie e tuu i le tosi : E leaise ke masau veli loa ki le pule o lou kakai.

Loma 8:1

Koia i le temi nei, e leaise tautea fua e tasi kia latou ala e nonofo ia Sesu-Kilisito.

Uluaki tosi ki le kau Kolinto 6:9

Pe leaise kotou iloa e leaise maua loa le puleaga o le Atua e le kau lee agatonu ? Aua na kotou fai sala i le nea lena : Ko le kau fai feauaki, mo le kau tausi taulaatua, mo le kau tono,

Lua tosi ki le kau Kolinto 10:3

Kapau e ma saele i le kanofi, kae e leaise ma tau i le kanofi.

Efeso 4:19

Kua puli ia latou le luma, kua lotou tuku latou ki le fakavalevale, o fai a nea fakakelekele kesekese i le faifaitalisa.

Efeso 5:5

Talie, ke kotou iloa, e leaise tagata fai feauaki, mo se tagata fakakelekele, mo se tagata manumanu, (ko lona uiga e tausi taulaatua) e maua ia le puleaga o Kilisito mo le Atua.

Kolose 3:5

Koia ke kotou tamate le nea leia, i okoutou koga tino, e kau ki le malama nei, le fai feauaki, mo le aga fakakelekele, mo oli fakavale, mo oli veveli, ti mo le manumanu, leia ko se tausi taulaatua.

Uluaki tosi ki le kau Tesalonika 4:7

Talie na leaise kalagai tatou e le Atua ki le mauli fakalialia, kae ki le maokioki.

Lua tosi kia Timoteo 3:2

Talie e alofa loa a tagata kia latou fuai, o kaukau nea mo le paaga, mo fia sa, mo laukau, mo fatituu, mo patigataa ki matua, mo lee fakafetai, mo lee tausi lotu,

Tito 1:7

Talie e tonu ke lee sala le epikopo, ofaipe se tagata taupau koloa a le Atua ; ke aua na fia nealasi a ia, mo itaita, mo inu kava, mo agamakeke, mo manumanu ki koloa fakalumaluma,

Epelo 13:4

Kotou fakaapaapa fuli ki le nofo avaga, ti ke agatonu le taumatua, talie e fakamaaui loa e le Atua latou ala e fai feauaki mo tono.

Lua tosi a Petelo 3:3

Kotou iloa mua, i aso fakamuli, e au loa ni kau gologolo, ala e saele loa o mulimuli ki olatou oli veveli totonu.

Suta 1:10

Kae ko latou ana, e lotou masau veli ki le nea leia e leaise lotou matala ki ai ; ti ko le nea leia e lotou iloa fakakanofi, ofaipe ni manu kaikivao, e fakakelekele ia latou.

Suta 1:16

Ko ni kakai gugu latou mo lauga, ala e leaise fiafia fua i se nea, ala e saele o fakalogo ki olatou oli fakavale, ala e maua ia i olatou gutu ni masau fia nealasi, ala e vikiviki ki tagata o tupu ke lotou maua ai se nea.

Suta 1:18

Na lotou fakasa atu kia koutou, i temi fakamuli e i ai loa ni tagata gologolo, ala e saele o mulimuli ki olatou oli fakalialia ;

Suta 1:4

Talie kua ulu fakatolotolo mai kia koutou ni tagata, ala kua fualoa le tosi fakatomua o olatou tautea, ko ni tagata agaveveli ala kua fetogi ia le kalasia o lotatou Atua ki le mauli fakalaluvale, ti kua lotou fakafiti ki lotatou Pule e tasi mo Aliki ko Sesu-Kilisito.

Uluaki tosi a Samuele 10:27

Kae na i ai foki mo ni tagata agaveveli, ala na pati : Ea koia ! Ko ia loa leinei ka saofaki ia tatou ! Ti na lotou nukinuki loa kiate ia, ti na leaise lotou ave loa se nea alofa kiate ia. Kae na nea noa a ia kia Saulo.