Lua tosi a Petelo 2:1 - Tosi Tapu

¹ Na i ai foki ni kau polofeta loi i le kakai, ti e toe i ai loa ia koutou ni toketa loi, ala e fakauluulu fakafufu ia loa ni magai lotu fakamalaia, ti i lalatou fakafiti ki le pule leia na totogi ia latou, e lotou aumai loa kia latou se maumau fakapunamauli.

Lua tosi a Petelo 2:1 ပူးပေါင်းရင်းမြစ်များ

Uluaki tosi o Sau 22:6

Na tanaki loa e le sau o Iselaele le kau polofeta, ko tino lelau e fa, ti na pati loa a ia kia latou : Pe kau ano loa o taui Lamoti i Kalaate, pe tonu ke kau fakafiti ki ai ? Ti na lotou tali loa : Pale, talie e tuku loa a ia e le Aliki ki lima o le sau.

Ekesote 15:16

Kua mautoka latou e le lulu mo le i ; I le makeke o lou lima, E lotou liliu loa o gutu mate ofaipe ni fatu, O kaku ki le fakalaka o lou kakai, Eteleno ! O kaku ki le fakalaka O le kakai, leia na ke totogi.

Esaia 9:15

Ko le kau takitaki o le kakai leinei e fakasese ia a ia, Ti e puli noa latou ala e fakalogo.

Selemia 29:21

E folafola le Eteleno o kau tau, le Atua o Iselaele, o pati kia Akapo, vosa o Kolasa, mo Setesiasi, vosa o Maasesa, ala e kikite kia koutou le loi i loku suafa : Ko leinei, e kau tuku loa laua ki lima o Nepukatenesale, sau o Papilone ; ti e tamate loa e ia laua i okoutou mua.

Selemia 37:19

Ti kofea okoutou kau polofeta ala na folafola atu kia koutou, o pati : E leaise pale mai loa le sau o Papilone o taui koutou mo le fenua ?

Selemia 6:13

Talie mei leia e ikiiki o kaku ki leia e lasi, E lotou manumanu fuli ki le paaga ; Mei le polofeta o kaku ki le tagata faisakilifisio, e lotou fai kaka fuli.

Tagi laulau a Selemia 2:14

Na fakasa e au polofeta kiate koe ni folafola loi mo kaka ; Na leaise lotou fakasa lau agaveli, O tupu ke tulei kese iate koe le popula ; Na lotou tuku atu kiate koe ni folafola loi mo kaka.

Oseo 9:8

Ko Efalaimi ko se tagata leo ki loku Atua ; Ko le polofeta… ko se kupega a le tagata kapu manulele e tuu i ona ala fuli. Ko se fili i le fale o lona Atua.

Mikea 2:11

Kapau e makape se tagata i muli o le matagi ti e fai ia ni loi : E kau fai loa ni kikite kiate koe o uiga mo le vino, mo kava makeke ! Ko lena loa se polofeta ki le kakai lena.

Mikea 3:11

E fakamaau ona pule ki ni nea alofa, Ona tagata faisakilifisio ki se totogi, Ti e kikite ona polofeta ki se paaga ; Ti e lotou toa i le fanaki ki le Eteleno, o pati : Pe leaise nofo le Eteleno i loto malie o tatou ? E leaise kaku mai loa le malaia kia tatou.

Mikea 3:5

Koia e folafola ai le Eteleno ki le kau polofeta ala e fakasese ia loku kakai, Ala e fakasa ia le tokamalie mo kapau e maua e olatou nifo se nea ke uuti, Ala e fakasa ia le tau mo kapau e leaise soli ake se nea ki olatou gutu :

Malakia 3:5

E kau fakafeofi loa kia koutou ki le fakamaau, Ti e kau fakatavili loa o fakamaoki ki le kau faikikite loi mo le kau tono fafine, Kia latou ala e fakapapau loi, Kia latou ala e taofi ia le totogi o le tagata gaoi, Latou ala e fakamamae ia le fafine sala avaga mo le toe sala matua, Mo latou ala e agaveli ki le matapule, ti mo latou ala e leaise i kiate au, E pati le Eteleno o kau tau.

Mateo 10:33

Kae ko leia e fakafiti loa kiate au i mua o tagata, e kau toe fakafiti loa kiate ia i mua o loku Tamana leia e nofo i le lagi.

Mateo 24:11

E mafuta loa se kau polofeta loi toka api, ti e lotou fakasesei loa ni kakai toka api ai.

Mateo 24:24

Talie e mafuta loa ni kilisito loi mo ni polofeta loi ; ti e lotou fai loa ni nea fakamanamana lalasi mo ni milakulo ke fakasesei ai, mo ka na feala, latou foki ala kua filifili.

Mateo 24:5

Talie e au loa se toka api i loku suafa, o pati : Ko au ko Kilisito. Ti e lotou fakasesei loa ni kakai toka api ai.

Mateo 7:15

Kotou tokaga ki le kau polofeta kaka. E lotou au kia koutou kua kofu ofaipe ni ovi, kae i loto ko ni lupo fekai latou.

Maleko 13:22

Talie e malaga loa ni Kilisito loi mo ni polofeta loi ; ti e lotou fai loa ni nea fakaofolele, mo ni milakulo ke kakaai ai le kau filifiliia, mo ka na feala a ia.

Luka 12:9

kae ko leia e fakafiti loa kiate au i mua o le tagata, e toe fakafiti loa le Vosa o le tagata kiate ia i mua o le kau aselo a le Atua.

Luka 21:8

Na tali loa Sesu : Kotou tokaga na kakaai koutou. Talie e au loa le toka api i loku suafa, o pati : Ko au ko Kilisito, ti, kua ofi mai le temi. Aua na kotou muli ia latou.

Luka 6:26

Malaia koutou mo ka e masau malie loa a tagata fuli kia koutou, talie na fai fenaaki olatou tamana ki le kau polofeta loi !

Loma 16:18

Talie e leaise fakasausau a faasiga tagata ana kia Kilisito lotatou Aliki, kae e lotou fakasausau ki olotou manava totonu ; ti i ni masau malulu mo fakalapulapu, e lotou fakasese a loto o latou ala e faigaofie.

Uluaki tosi ki le kau Kolinto 11:19

talie e tonu ke i ai foki ni magai lotu ia koutou, o tupu ke iloa ai latou ala kua fakamaoki ia koutou.

Uluaki tosi ki le kau Kolinto 6:20

Talie kua totogi koutou ki se totogi lasi ai. Koia ke kotou fakakololia le Atua i lokoutou tino mo lokoutou laumalie, ala e maua e le Atua.

Uluaki tosi ki le kau Kolinto 7:23

Kua totogi koutou ki se totogi lasi ; aua na kotou liliu o popula ki ni tagata.

Kalate 2:4

Ti ko le nea lena o tupu ko fetaina loi ala na ulu fakafufu mai kia matou, o lama le mauli lauatea leia kua motou maua ia Sesu-Kilisito, mo le manatu ke lotou fakapopulai matou.

Kalate 3:13

Na totogi tatou e Kilisito mei le malaia o le lao, o liliu a ia ko se malaia o tupu ko tatou - talie e tuu i le Tosi : Malaia leia e tautau i le laakau -

Kalate 4:17

Ko le alofa leia e lotou maua kia koutou e leaise mea, kae e lotou loto ke tatala koutou meia matou, o tupu ke kotou alofa kia latou.

Kalate 5:20

mo le tausi taulaatua, mo le fai nea fakatemonio, mo vesia, mo fefele, mo finenonofo, mo itaita, mo vaevaega, mo magai lotu ;

Efeso 1:7

Iate ia kua tou maua le totogi i lona toto, le fakamolemole o agasala, o mulimuli ki le lasi kese o lona kalasia,

Efeso 4:14

Talie ke aua na tou toe fai loa pe ni toe liliki, ala e fetaaki mo feaveaki e matagi o akonaki fuli ala e fakamafola e ni tagata kaka ke fakasese ai ni iki ki alatou puleaki kaka.

Tetelonome 32:6

Pe ke tuku loa le sala ki le Eteleno, Kakai ulu vale, kakai sala atamai ? Pe leaise ko lou Tamana a ia, ko lou pule ? Pe leaise ko ia leia na fakatupu ia a koe, ti na fakamakeke ia a koe ?

Filipe 3:19

Ko lolatou fakaoki ko le pulinoa ; e lotou atua ki olatou manava, ti e lotou fakakololia latou i le nea leia e tonu ke lotou luma ai, talie lotou manatu fai ki nea o le malama nei.

Kolose 2:18

Ke aua na kakai koutou e se tasi i le totogi o le makape, ki se agamalu i tafa ti mo se tausi ki le kau aselo ; talie e makita a ia i le fia nealasi vaiga i ana tio fakalaumalie, ti mo ana manatu fakakanofi,

Kolose 2:8

Kotou tokaga na fakasesei koutou e se tasi ki le filosofia ti mo se masau noa, o fanaki ki le talatisio a tagata, ti mo makeke fakalaumalie o le malama nei, kae leai kia Kilisito.

Uluaki tosi kia Timoteo 5:8

Kapau e leaise tokaga se tasi kia latou o lona fale, kae tafito latou o lona famili, kua tiaki e ia le tui, ti e veli ake a ia i se pagani.

Lua tosi kia Timoteo 4:3

Talie e soko mai loa se temi leia e leaise koi kataki loa e tagata le akonaki totonu ; kae, i lalatou maua le mageo ke logo ki ni nea malilie, e lotou fakatupu loa ni kau fai akonaki toka api o fakatatau ki olatou oli.

Tito 1:11

Ti e tonu ke tapono olatou gutu. E lotou kakai ni famili katoa, o akonaki le nea leia e leaise tonu ke akonaki o tupu ko se totogi fakalumaluma.

Tito 3:10

Ke ke fakamamao meiate koe leia e fakatupu mavaevae, i le oki o lona akonakii tua tasi pe tua lua ;

Epelo 10:29

Ti e kotou manatu e feaki ake loa le tautea fakaveli o leia e takatakafi ia loa ki ona vae le Alo o le Atua, ti mo fakanoai ia loa le toto o le sai leia na fakamea ia a ia, ti mo lauveli loa ki le Laumalie o le kalasia ?

Uluaki tosi a Petelo 1:8

E kotou alofa kiate ia, kae e leikiaise kotou tio kiate ia. E kotou tui kiate ia kae e leikiaise kotou tio kiate ia i le temi nei. Koia e kotou fiafia ai i se fiafia fakakololia leia e leaise feala ke fakasa e ni masau,

Lua tosi a Petelo 2:3

I lolatou manumanu koloa, e lotou faigai loa ke lotou maua meia koutou ni koloa ki ni masau kaka, e latou ana kua tuu fakalogo ki ai se tautea fakaii talu mei fualoa, ti e leaise moe lolatou maumaui.

Uluaki tosi a Soane 2:26

Na kau tosi atu kia koutou a nea anei, o tupu ko latou ala e fakasese ia koutou.

Uluaki tosi a Soane 4:1

Alofaaga, aua na kotou tui ki laumalie fuli ; kae kotou asiasii latou, ke iloa pe lotou au mei le Atua, talie kua api le kau polofeta loi kua taka i le malama nei.

Suta 1:18

Na lotou fakasa atu kia koutou, i temi fakamuli e i ai loa ni tagata gologolo, ala e saele o mulimuli ki olatou oli fakalialia ;

Suta 1:4

Talie kua ulu fakatolotolo mai kia koutou ni tagata, ala kua fualoa le tosi fakatomua o olatou tautea, ko ni tagata agaveveli ala kua fetogi ia le kalasia o lotatou Atua ki le mauli fakalaluvale, ti kua lotou fakafiti ki lotatou Pule e tasi mo Aliki ko Sesu-Kilisito.

Apokalipisi 13:14

Ti na kakaai e ia a kakai o le malama nei ki ana nea fakaofolele ala na soli ke fai e ia i mua o le uluaki manu fekai. Ti na pati a ia ki kakai o le malama nei ke fau se fakatata o le manu leia na lavea i le seleta ti na mauli.

Apokalipisi 2:13

E kau iloa le ganea leia e ke nofo ai, e kau iloa e tuu i ai le ekeekeaga sau o Satana. E ke taofi mau loku suafa, ti na leaise ke fakafiti ki le tui kiate au, io, i aso foki o Atipasi, ko laku tagata fakamaoki agatonu, leia na tamate ia koutou, i le ganea leia e tuu ai le nofoaga o Satana.

Apokalipisi 2:9

E kau iloa lou mamae ti mo lou mativa (logo ai e ke mou koloa), ti mo loi fakaveli a latou ala e pati ko Sutea latou kae e leaise lotou Sutea, kae ko se sinakoka latou o Satana.

Apokalipisi 3:8

E kau iloa au gaoi. Ko leinei, kua kau tuku i ou mua se matapa kua mavaa, leia e leaise mafai ke tapono e se tasi : talie e ke maua se makeke ikiiki fua, ti na ke tausi laku folafola, ti na leaise ke fakafiti ki loku igoa.

Apokalipisi 5:9

Ti na lotou sua loa se katiko foou, o pati : E gali mo koe ke too ia le tosi, ti ke fakamavaa ia ona fakamau ; talie na tamate a koe, ti na ke totogi ma le Atua ki lou toto ni tagata mei faasiga fuli, mo masau fuli, mo kakai fuli, ti mo puleaga fuli ;

Apokalipisi 6:10

Ti na lotou kalaga leo lasi loa, o pati : E kaku loa kiafea, Pule maokioki mo maoki, lau talitali ke fakamaaui mo totogi lomatou toto ki le kakai o le malama nei ?