Lua tosi a Petelo 1:8 - Tosi Tapu

⁸ Talie kapau e kotou maua a nea ana o lasi ia koutou, e leaise lotou tuku loa koutou ke nonofo noa mo sala fua i le iloa o lotatou Aliki ko Sesu-Kilisito.

Lua tosi a Petelo 1:8 ပူးပေါင်းရင်းမြစ်များ

Taagapati 19:15

Ko le gasueveli e fakavilo ia ki tulemoe, Ti ko le laumalie leia e gasueveli e mamae loa i le fia kai.

Mateo 13:22

Ko leia na tali ia le fakaili i vao talatala, ko leia e logo ki le folafola, kae ko tuania o le mauli ti mo olioli noa ki koloa fakamalama e tapono ia le folafola iate ia ke aua na fua iate ia.

Mateo 20:3

Na toe ano loa a ia i le ola iva usu, ti na tio loa a ia ki ni iki ala na nonofo noa i le lapalasi.

Mateo 20:6

I le fakaoki na toe ano loa a ia i le ola lima afiafi, ti na maua loa e ia ni iki ala e nonofo i le lapalasi, ti na pati loa a ia kia latou : Kolea e kotou nonofo noa ai i leinei i le aso katoa ?

Mateo 25:26

Na tali loa lona pule kiate ia : Tagata fakasausau agaveli mo gasueveli, na ke iloa malie e kau utu i le ganea leia na leaise kau faisaga ai, ti e kau tanaki i le ganea leia na leaise kau sasa fulumeto ai ;

Soane 15:2

Ko laa fuli iate au e leaise fua, e tuuti e ia ; ti ko laa fuli e fua, e muto e ia, o tupu ke toe asilisili fua a ia o lasi ake.

Soane 17:3

Ti ko leinei le mauli lee gato, ke lotou iloa a koe, leia ko le Atua maoki fai e tasi, ti mo leia na ke kakau ia mai, Sesu-Kilisito.

Soane 5:42

Kae e kau iloa e leaise koi maua ia koutou le alofa ki le Atua.

Loma 12:11

Ke kotou mafi, kae aua na kotou gasueveli. Ke kotou loto vevela. Ke kotou tausi ki le Aliki.

Uluaki tosi ki le kau Kolinto 15:58

Koia, ei oku fetaina alofaina, ke kotou tuu makeke, lee taugaoi, o gaoi ke asilisili malie ki le Aliki, o kotou iloa e leaise ano noa akoutou gaoi i le Aliki.

Lua tosi ki le kau Kolinto 13:5

Ke kotou fakatiotio kia koutou totonu, ke iloa pe kotou nonofo i le tui ; kotou asiasii koutou totonu. Pe leaise kotou iloa e nofo Sesu-Kilisito ia koutou ? Kae na saga e leaise kotou maua ia ni fakamaoki o lakoutou tui.

Lua tosi ki le kau Kolinto 8:2

Talie i le asiasii lasi i olatou mamae, ko lolatou fiafia lasi mo lolatou mativa lasi na fakatupu ia o lasi ai ni soli o nea alofa ia latou.

Lua tosi ki le kau Kolinto 8:7

Koia, ofaipe koutou, na kotou malie tukupau i nea fuli, i le tui, i le masau, i le iloa, i le faa fai i nea fuli, ti mo le alofa kia maua, kotou fai ke kotou toe malie tukupau foki i le gaoi alofa lena.

Lua tosi ki le kau Kolinto 9:14

e lotou ulufaki koutou, talie e lotou alofa kia koutou o tupu ko le kalasia mauiga leia kua fai e le Atua kia koutou.

Filipe 1:9

Ti ko le nea leia e kau kole i aku faikole, ke tuputupua lokoutou alofa o lasi i le iloa ti mo le atamai katoa,

Filipe 2:5

Kotou maua a manatu loto ala na maua e Sesu-Kilisito :

Filipe 3:8

Ti kua kau tio foki ki nea fuli ofaipe ni nea ke tiaki, o tupu ko le malie tukupau o le iloa o Sesu-Kilisito loku Aliki, leia kua kau fakafiti ai ki nea fuli ; ti e kau tio ki nea ana ofaipe se pela, o tupu ke maua Kilisito ;

Kolose 1:10

o tupu ke kotou saele o gali mo le Aliki, ti ke kotou malilie kiate ia i nea fuli, ti ke kotou maua ia ni fua o lasi i gaoi malilie kesekese, ti ke kotou tupu o lasi i le iloa o le Atua,

Kolose 2:7

o tauaka mo fakatafito iate ia, mo tuu makeke i le tui, o mulimuli ki akonaki ala kua tuku atu kia koutou, ti mo tuputupua i le fakafetai.

Kolose 3:16

Ke nofo mau ia koutou le folafola a Kilisito i lona mou koloa katoa ; ke kotou feakonakiaki ti mo fetokoiaki i le poto katoa, ki ni pesalemo, mo ni imi, ti mo ni katiko fakalaumalie, o sua ki le Atua i lokoutou loto o tupu ko le kalasia.

Uluaki tosi ki le kau Tesalonika 3:12

Ti ke fakatuputupua mo fakaapele e ia le alofa leia e kotou maua i okoutou vasaa, ti ki tagata fuli, o faifaitaki ki le alofa leia e motou maua kia koutou ;

Uluaki tosi ki le kau Tesalonika 4:1

Koia, fetaina, talie kua kotou ako meia matou le mauli leia e tonu ke kotou maua o tupu ke kotou mata malie ai ki le Atua, ti e kotou fai le nea lena, e motou kole atu kia koutou, ti e motou kole mamae atu a ia kia koutou i le suafa o le Aliki ko Sesu, ke kotou saele i le nea lena o lakalaka ki mua.

Lua tosi ki le kau Tesalonika 1:3

E tonu, fetaina, ke motou fakafetai tuumau ki le Atua o tupu ko koutou, ti e totonu le nea lena, talie e saele lasi ki mua lakotou tui, ti e tuputupua lokoutou fealofani fakatautaina.

Uluaki tosi kia Timoteo 5:13

Toe tasi ake, e lotou fakamasani loa i le fakapuli noa o lolatou temi i le ulu saele ki fale ; ti e leaise gato fua i le nofo noa, kae toe veli ake talie e lotou gutu pati mo fia ilo, o masau ki nea ala e leaise tonu ke masau ki ai.

Tito 3:14

E tonu ke ako e latou foki ala o tatou, ke lotou fai a gaoi malilie ala e aoga ki nea fakavilivili, o tupu ke lotou mauli aoga.

Filemo 1:6

E kau kole kiate ia ke fakatupu e le komunio leia e sai ia akoe kia maua i le tui, se iloa lasi o nea malilie fuli ala e tou maua i lotatou mauli ia Kilisito.

Epelo 6:12

Ke aua na kotou fakagasueveli, kae ke kotou faifaitaki kia latou ala na tui mo kataki fualoa, ti kua maua ia a nea ala na fakapapau e le Atua.

Lua tosi a Petelo 1:2

Ke liuliuga atu kia koutou le kalasia mo le tokamalie i le iloa o le Atua mo Sesu ko lotatou Aliki !

Lua tosi a Petelo 1:3

Ko lona mafimafi fakaatua na soli ia mai kia tatou a nea fuli ala e aoga ki le mauli mo le tausi ki le Atua, i le iloa o leia kua kalagai ia tatou ke tou kau ki lona kololia totonu mo lona agamalie.

Lua tosi a Petelo 2:20

Koia, kapau i le oki o lolatou mavae mei nea kelekele o le malama nei, o tupu kua lotou iloa le Aliki mo le Fakamauli ko Sesu-Kilisito, e lotou toe tuku loa a nea ana ke toe too ia latou, ti ke toe malo ia latou, e toe veli ake loa lolatou mauli fakamuli i le uluaki.

Lua tosi a Petelo 3:18

kae ke kotou tuputupua i le kalasia mo le iloa o lotatou Aliki mo Fakamauli ko Sesu-Kilisito. Kiate ia le kololia, i le temi nei o lee gato ! Amene !