Lua tosi a Petelo 1:5 - Tosi Tapu

⁵ Koia ko koutou foki, ke kotou faiga i lokoutou makeke katoa ke maua e lakoutou tui le agamalie, e le agamalie le iloa,

Lua tosi a Petelo 1:5 ပူးပေါင်းရင်းမြစ်များ

Pesalemo 119:4

Na ke tuku au fakatotonu, Ke tokaga o tausi latou.

Taagapati 4:23

Taupau lou loto o lasi ake i nea fuli ake ala, Talie e au mei ai a matapuna o le mauli.

Esaia 55:2

Kolea e kotou maumaui ai le paaga ki le nea leia e leaise fagai ia koutou ? Kolea e kotou gaoi ai ki le nea leia e leaise kotou makona ai ? Koia kotou fakalogo mai kiate au, ti e kotou kai loa le nea leia e malie, Ti e fiafia loa okoutou laumalie i ni nea kai malilie ai.

Sakalia 6:15

E au loa mei mamao ni kakai o gaoi i le fale tapu o le Eteleno ; ti e kotou iloa loa kua kakau mai au kia koutou e le Eteleno o kau tau. E soko loa le nea lena, mo kapau e kotou fakalogo ki le leo o le Eteleno, lokoutou Atua.

Luka 16:26

Ti toe tasi foki, e i ai se vanu lasi i le vasa o matou mo koutou, o tupu ko latou ala e fia natu i leinei ki lena, pe fia au mei lena ki leinei, ke aua na mafai lalatou feanoaki.

Luka 24:21

Na motou fanaki ko ia leia ka fakamauli ia loa Iselaele ; kae mo nea fuli ana, ko le tolu leinei o aso mei le oki o nea ana.

Soane 6:27

Aua na kotou gaoi ki le nea kai leia e maumau, kae kotou gaoi ki le nea kai leia e tologa ki le mauli lee gato, le nea kai leia e soli atu loa e le Vosa o le tagata kia koutou ; talie ko ia leia na fakamailoga e le Tamana, e le Atua totonu, ki lona fakamailoga.

Uluaki tosi ki le kau Kolinto 14:20

Fetaina, aua na kotou fakatoe i le potu o le fakamaau ; kae kotou faipe ni toe liliki i le potu o le agaveli, ti kotou faipe ni tagata kua katoa i potu o le fakakaukau.

Efeso 5:17

Koia ke aua na kotou sala atamai, kae ke kotou matala ki le finegalo o le Aliki.

Filipe 1:9

Ti ko le nea leia e kau kole i aku faikole, ke tuputupua lokoutou alofa o lasi i le iloa ti mo le atamai katoa,

Filipe 2:12

Koia, ei oku alofaaga, ofaipe lakoutou patigaofie tuumau, o leaise gato fua mo ka kau nofo mo koutou, kae toe asili ake mo ka kau puli, kotou gaoi ki lokoutou saofaki i le i mo le lulu ;

Filipe 4:8

Fakaoki loa, fetaina, kotou tokaga ki nea fuli ala e malilie ti mo gali i le fakavikiviki : tafito a nea fuli ala e maoki, mo fakaapaapa, mo totonu, mo mea, mo aloalofa, ti mo mata malie.

Kolose 1:9

Koia ko maua foki, talu mei le aso leia na ma logo ai ki le nea lena, e leaise koi gato lama faikole ki le Atua o uiga mo koutou ; e ma kole ke kotou apele i le iloa o lona finegalo, i le poto katoa ti mo le atamai fakalaumalie,

Kolose 2:3

misitelio leia e fufu ai a koloa fuli o le poto ti mo le iloa.

Epelo 11:6

Io, sala mo le tui, e leaise feala ke malie se tasi ki le Atua ; e tonu ko leia e fakafeofi ki le Atua ke tui a ia e i ai se Atua, ti ko ia leia e fakapale ia latou ala e afa ia a ia.

Epelo 12:15

Ke kotou tokaga na tausala se tasi i le kalasia o le Atua, ti ke aua na i ai fua se aka kona, leia e somo ai ni uli mo fakatupu ia se mamae, ti ke kelekele ai se toka api.

Epelo 6:11

E motou loto ke kotou tasi fakasa le alofa lena o kaku ki le gatoaga, o tupu ke kotou maua katoa le nea leia e kotou amanaki malie ki ai :

Sosue 7:3

Na lotou toe liliu ake loa kia Sosue o pati kiate ia : Ke aua na pale loa le kakai katoa ! Ke pale fai ni tino afe e lua pe tolu, ti e lotou tamate loa a Ai ! Ke aua na tuku ke pale le kakai katoa, talie e toka teiki fua le fili.

Uluaki tosi a Petelo 3:7

Tagata avaga, kotou fakasa foki se poto i lokoutou mauli mo okoutou avaga, o kotou iloa ko se ipu fakaeteete lasi a ia ; kotou fakaapaapa ki ai, ofaipe se tasi leia e tonu ke mau tofiga ia mo koutou le kalasia o le mauli. Kotou fai fenaaki, o tupu ke aua na taofi akoutou faikole e se nea.

Lua tosi a Petelo 1:10

Koia loa, fetaina, ke kotou asilisili fakamalotoloto o fakamakeke lokoutou vokasio mo lokoutou filifili ; talie, i lakoutou fai le nea a ia, e leaise kotou toe tukia loa.

Lua tosi a Petelo 1:11

Talie i le nea a ia, e fakamavaa fakalaulasi atu loa kia koutou le uluaga ki le Puleaga lee gato o lotatou Aliki mo Fakamauli ko Sesu-Kilisito.

Lua tosi a Petelo 3:14

Koia loa, alofaaga, i lakoutou talitali ki nea ana, kotou faiga ke maua atu koutou e mea mo lee mele i le tokamalie.

Lua tosi a Petelo 3:18

kae ke kotou tuputupua i le kalasia mo le iloa o lotatou Aliki mo Fakamauli ko Sesu-Kilisito. Kiate ia le kololia, i le temi nei o lee gato ! Amene !