Lua tosi a Petelo 1:21 - Tosi Tapu

²¹ talie na leaise folafola fua e tasi na tuku mei se finegalo o le tagata, kae na ekenaki e le Laumalie maokioki ni tagata ke lotou masau mei le Atua.

Lua tosi a Petelo 1:21 ပူးပေါင်းရင်းမြစ်များ

Lua tosi a Samuele 23:2

E masau le Laumalie o le Eteleno iate au, Ti e teki lana folafola i loku alelo.

Uluaki tosi o Sau 13:1

Ko leinei, na kaku mai loa se tagata a le Atua mei Suta ki Petele, o tupu ko le folafola a le Eteleno, kae na lolotoga tutu e Selopoamo i le aletale a nea fakamanogi.

Uluaki tosi o Sau 17:18

Na pati loa le fafine kia Elia : Kolea le nea kua veli i lota vasaa, tagata a le Atua ? Pe na ke au ki loku kaiga o fakamanatu laku agaveli ti mo fakamate loku tama ?

Uluaki tosi o Sau 17:24

Ti na pati loa le fafine kia Elia : E kau iloa i le lakaga nei ko se tagata a koe a le Atua, ti e maoki le folafola a le Eteleno i lou gutu.

Lua tosi o Sau 4:22

Na kalagai loa e ia lona avaga, o pati : E kau kole atu ke ke kakau mai se tasi i tagata fakasausau mo se asino ; e kau fia ano fakatavili ki le tagata a le Atua, ti e kau toe liliu mai loa.

Lua tosi o Sau 4:7

Na ano loa le fafine o fakamatala ki le tagata a le Atua, ti na pati loa Eliseo : Ano, o fakatau le lolo, ti ke ui lou maua ; ti e ke mauli loa, a koe mo au fanau, i le nea leia e toe loa.

Lua tosi o Sau 4:9

Na pati loa le fafine ki lona avaga : Ko leinei, e kau iloa ko le tagata leia e fakalaka tuumau i lota kaiga ko se tagata maokioki a le Atua.

Lua tosi o Sau 6:10

Ti na kakau loa e le sau o Iselaele ni tagata ke ano o leoleo i le ganea leia na fakasa e le tagata a le Atua. Na soko loa le nea lena o leaise tua tasi pe tua lua fua.

Lua tosi o Sau 6:15

Na ala usu ake loa le tagata fakasausau a le tagata a le Atua, o ulu ki fafo ; ti na tio loa a ia ki se solia kua a takatakai ia le kolo, mo ni osi ti mo ni saliote. Ti na pati loa le tagata fakasausau ki le tagata a le Atua : Oi ! ei loku aliki, kolea ke ta fai ?

Uluaki tosi o Koloniko 23:14

Kae na lau loa a vosa o Moisese, le tagata a le Atua, i le faasiga o Levi.

Lua tosi o Koloniko 8:14

Na fakanofo loa e ia ki olatou tuulaga, o mulimuli ki le nea leia na fakatuutuu e Tavite, lona tamana, a lakaga o le kau tagata faisakilifisio o mulimuli ki alatou kavega, mo le kau Levi o mulimuli ki alatou gaoi, ala ko le sua o fakavikiviki o le Eteleno mo fai i aso taki tasi le tausi i tafa o le kau tagata faisakilifisio, ti mo le kau tuu matapa ala na vaevae ki matapa o mulimuli ki olatou lakaga ; talie na fenaaki lona fakatotonu e Tavite, tagata a le Atua.

Selemia 23:26

E kaku loa kiafea le fia kikite e kau polofeta ana le loi, Lalatou kikite le kaka o olatou loto ?

Esekiele 1:3

Na tuku loa le folafola a le Eteleno kia Esekiele, vosa o Pusi, ko le tagata faisakilifisio, i le fenua o le kau Kaletea, o ofi ki le vaitafe o Kepale ; ti na iate ia loa le lima o le Eteleno.

Mikea 1:1

Na fakasa le folafola a le Eteleno kia Mikea, mei Moleseti, i le temi o Sotame, mo Akase, mo Esekiasi, sau o Suta, kikite ki Samalia mo Selusalemi.

Mikea 3:7

E luma loa le kau kikite, ti e kukula loa le kau polofeta, E lotou uufi fuli loa olatou kaukava ; Talie e leaise tali loa le Atua.

Numelo 16:28

Na pati loa Moisese : I le nea leinei e kotou iloa ai loa ko le Eteleno totonu leia na kakau ia mai au o fai a nea fuli anei, ti na leaise kau fai ia fua se nea e tasi i loku loto toka tasi.

Maleko 12:36

Talie na pati foki Tavite i le Laumalie Maokioki : Na pati le Aliki ki loku Aliki : Eke a koe i loku fetuu atamai, Okaku ke kau fakaliliu ou fili ko lou tekiaga vae.

Luka 1:70

Ofaipe lana fakasa i le gutu o ana polofeta maokioki i temi afea,

Gaoi 1:16

Fetaina, e tonu ke fakasoko le nea leia kua fakasa fakatomua e le Laumalie Maokioki i le Tosi tapu, i le gutu o Tavite o uiga mo Sutasi, leia na taki ia latou ala na too ia Sesu.

Gaoi 28:25

I lolatou mavete i le loto kesekese, na fai loa e paulo le masau leinei e tasi : E maoki ai le masau a le Laumalie Maokioki ki otatou tamana i le gutu o le polofeta ko Esaia, o pati :

Gaoi 3:18

Kae i le nea lena kua fakasoko e le Atua le nea leia na fakasa fakatomua e ia i le gutu o ana polofeta fuli, e tonu ke mamae lona Kilisito.

Tetelonome 33:1

Ko leinei le tapuaki na tuku e Moisese, tagata a le Atua, i le aso leia na tapuaki ai a ia ki fanau a Iselaele, i mua o lona mate.

Epelo 10:15

Kua fakamaoki foki ki ai le Laumalie Maokioki ; talie i le oki o le pati :

Epelo 3:7

Koia, o mulimuli ki le pati a le Laumalie Maokioki : I le aso nei, kapau e kotou logo ki lona leo,

Epelo 9:8

E fakasa i ai e le Laumalie Maokioki e leikiaise fakamavaa le ala ki le potu taputapu, talie koi tuu le uluaki tapenakulo.

Sosue 14:6

Na fakafeofi ake loa a vosa o Suta kia Sosue, i Kilikale ; ti na pati loa Kalepo, vosa o Sefune, tagata Kenasi, kiate ia : E ke iloa ia le nea leia na fakasa e le Eteleno kia Moisese, tagata a le Atua, o uiga mo au ti mo koe, i Katesi-Palenea.

Uluaki tosi a Petelo 1:11

Na lotou fia iloa le lakaga mo agaaga o le temi lena na masau ki ai le Laumalie o Kilisito leia na nofo ia latou, ti na fakasa fakatomua ia a mamae o Kilisito ti mo le kololia leia e muli loa i ia.

Apokalipisi 19:10

Ti na kau fakamapee loa ki lalo i ona vae ke su kiate ia ; kae na pati mai loa a ia kiate au : aua na ke fai le nea a ia ! Talie ko au ko se tagata fakasausau ofaipe koe mo ou fetaina ala e maua ia le fakamaoki o Sesu. Su ki le Atua. Talie ko le fakamaoki o Sesu ko le laumalie a ia o le folafola kikite.