Lua tosi a Petelo 1:14 - Tosi Tapu

¹⁴ talie e kau iloa e kau mavae fakapunamauli loa i le falela leinei, ofaipe lona fakasa mai kiate au e lotatou Aliki ko Sesu-Kilisito.

Lua tosi a Petelo 1:14 ပူးပေါင်းရင်းမြစ်များ

Esaia 38:12

Kua too loku nofoaga, o ave ke mamao iate au, Ofaipe se falela o se tagata tausi manu ; Kua kau logo kua motu le va o loku mauli ofaipe le kotii e le tagata fai kie A filo o le kie leia kua oki i lana lalaga. I le ao ki le pouli kua ke fakaoki loa au !

Soane 13:36

Na pati loa Simone Petelo kiate ia : Aliki, e ke ano kifea ? Na tali loa Sesu : E leaise mafai i le lakaga nei ke ke muli mai iate au i le ganea leia e kau ano ki ai, kae koi ke muli mai loa i se lakaga ki muli.

Gaoi 20:25

Ti ko leinei, e kau iloa e leaise kotou toe tio loa ki oku mata, koutou fuli ala na kau fakasa ki ai le Puleaga o le Atua.

Lua tosi ki le kau Kolinto 5:1

Talie e ma iloa, ka maumaui loa le falela leinei leia e ma nonofo ai i le malama nei, e ma maua ia loa i le lagi se fale leia na fai e le Atua, ko se nofoaga lee gato leia na leaise fai e le lima o tagata.

Tetelonome 31:14

Na pati loa le Eteleno kia Moisese : ko leinei kua ofi loa le aso leia e ke mate ai loa. Ke ke kalagai loa Sosue, ti kolua ano loa o tuu i le falela tapu. Na ano loa Moisese mo Sosue o tuu i le falela tapu.

Lua tosi kia Timoteo 4:6

Talie kiate au, kua tatae le lakaga ke momoli ai au ofaipe se lipasio (sakilifisio vino), ti kua ofi fua le lakaga o loku mavae.

Sosue 23:14

Kiate au, kua vave fua loku mate. I le aso nei ke kotou fakamaoki i lokoutou loto katoa mo lokoutou laumalie katoa e leaise folafola fua e tasi i folafola malilie ala na fai kia koutou e le Eteleno, lokoutou Atua, na leaise fua : kua soko a folafola fuli kia koutou, ti na leai fua se folafola e tasi na tuku noa.

Lua tosi a Petelo 1:13

Ti e kau tio ofaipe soku maua i le temi katoa leia koi kau nofo ai i le falela leinei, ke fakaalaala koutou ki ni valoki,