Lua tosi a Petelo 1:13 - Tosi Tapu

¹³ Ti e kau tio ofaipe soku maua i le temi katoa leia koi kau nofo ai i le falela leinei, ke fakaalaala koutou ki ni valoki,

Lua tosi a Petelo 1:13 ပူးပေါင်းရင်းမြစ်များ

Esaia 38:12

Kua too loku nofoaga, o ave ke mamao iate au, Ofaipe se falela o se tagata tausi manu ; Kua kau logo kua motu le va o loku mauli ofaipe le kotii e le tagata fai kie A filo o le kie leia kua oki i lana lalaga. I le ao ki le pouli kua ke fakaoki loa au !

Akeseo 1:14

Na fafagu loa e le Eteleno le laumalie o Solopapele, vosa o Saletiele, kovana o Suta, ti mo le laumalie o Sosue, vosa o Sotesatake, le tagata faisakilifisio lasi, ti mo le laumalie o le toega katoa o le kakai. Na lotou au loa, ti na lotou kamata loa le gaoi i le fale o le Eteleno o kau tau, lolatou Atua,

Lua tosi ki le kau Kolinto 5:8

e ma apele i le fanaki, ti e ma malie ia ake lama mavae i le tino leinei, o nonofo mo le Aliki.

Filipe 1:7

E totonu ke kau manatu fenaaki kia koutou fuli, talie e kau amo koutou i loku loto, pe i oku tini, pe i le taofi ti mo le fakamaoki o le Evaselio, koutou ala e kau fuli mo au ki le kalasia e tasi.

Filipe 3:10

Ti e kau iloa loa Kilisito, ti mo le makeke o lona toe tuuake, ti mo le komunio o ona mamae, i le fakatatau kiate ia i lona mate, ke kau kaku ai,

Lua tosi kia Timoteo 1:6

Koia, e kau kole atu ai kiate koe, ke ke toe fakaula le nea alofa o le Atua, leia na ke tali i le teki o oku lima.

Epelo 13:3

Kotou manatui le kau pilisoni, o sakinake e kotou pilisoni foki ; kotou manatui latou ala e fakavelivelii o sakinake e kotou tino tasi mo latou.

Lua tosi a Petelo 1:12

Ko le tupuaga a ia o laku tokaga o fakamanatu tuumau atu kia koutou a nea ana, logo ai kua kotou iloa latou, ti kua kotou tuu mau i le maoki leia kua kotou tali.

Lua tosi a Petelo 1:14

talie e kau iloa e kau mavae fakapunamauli loa i le falela leinei, ofaipe lona fakasa mai kiate au e lotatou Aliki ko Sesu-Kilisito.

Lua tosi a Petelo 3:1

Ei oku alofaaga, ko le lua loa leinei o tosi e kau fai atu kia koutou. I le uluaki mo leinei e kau faiga i ni valoki ke fafagu lokoutou atamai mea,