Lua tosi a Petelo 1:12 - Tosi Tapu

¹² Ko le tupuaga a ia o laku tokaga o fakamanatu tuumau atu kia koutou a nea ana, logo ai kua kotou iloa latou, ti kua kotou tuu mau i le maoki leia kua kotou tali.

Lua tosi a Petelo 1:12 ပူးပေါင်းရင်းမြစ်များ

Gaoi 16:5

Ti na asilisili makeke a Ekelesia i le tui, ti na lotou toe asilisili api i aso taki tasi.

Filipe 3:1

Fakatoetoe, ei oku fetaina, kotou fiafia i le Aliki. E leaise kau kaekae fua i le tosi atu kia koutou o nea masani, talie e aoga a ia kia koutou.

Kolose 1:5

o tupu ko le amanaki malie leia kua taofi atu ma koutou i le atu lagi, ti kua fakasa atu kia koutou i mua e le folafola o le maoki, le folafola o le Evaselio.

Kolose 2:7

o tauaka mo fakatafito iate ia, mo tuu makeke i le tui, o mulimuli ki akonaki ala kua tuku atu kia koutou, ti mo tuputupua i le fakafetai.

Uluaki tosi kia Timoteo 4:6

I lau fakasa a nea ana ki fetaina, e ke liliu loa ko se tagata gaoi malie a Sesu-Kilisito, leia e fagai e folafola o le tui ti mo le akonaki malie leia kua ke mulimuli totonu ki ai.

Lua tosi kia Timoteo 1:6

Koia, e kau kole atu ai kiate koe, ke ke toe fakaula le nea alofa o le Atua, leia na ke tali i le teki o oku lima.

Epelo 10:32

Kotou manatui a uluaki aso i mua, i le oki o lokoutou fakamalamai, na kotou kataki se tau lasi i loto malie o mamae.

Epelo 13:9

Aua na kotou muli i ni akonaki foou mo sala. Talie e malie ke fakafoou okoutou loto e le kalasia, kae e leai e ni lekula o uiga mo ni nea kai ; e leai sona ga aoga fua kia latou ala e muli i ai.

Uluaki tosi a Petelo 5:10

Ko le Atua o kalasia fuli, leia na kalagai ia koutou ia Sesu-Kilisito ki lona kololia lee gato, mo ka oki loa lakotou tali ni mamae i se ga temi ikiiki fua, e fakasaosaoa loa e ia totonu koutou, mo fakafefeka loa koutou i le tui, mo fakamakeke koutou i le alofa, ti mo fakatuu mau koutou i le amanaki malie.

Uluaki tosi a Petelo 5:12

Kua kau tosi atu kia koutou a ga kupu teiki anei ia Silivano, leia ko se taina agatonu kiate au, ke ekenaki ai koutou ti mo fakasa kia koutou le kalasia maoki leinei o le Atua, leia e kotou pipiki ki ai.

Lua tosi a Petelo 1:13

Ti e kau tio ofaipe soku maua i le temi katoa leia koi kau nofo ai i le falela leinei, ke fakaalaala koutou ki ni valoki,

Lua tosi a Petelo 1:15

Kae e kau tokaga loa, o tupu ke kotou mafai ia le manatui tuumau o nea ana mo ka oki loa loku mate.

Lua tosi a Petelo 3:1

Ei oku alofaaga, ko le lua loa leinei o tosi e kau fai atu kia koutou. I le uluaki mo leinei e kau faiga i ni valoki ke fafagu lokoutou atamai mea,

Lua tosi a Petelo 3:17

Kae kia koutou, alofaaga, ala kua iloa ia le maoki i le temi nei, kotou tokaga, ke aua na ave koutou e le sese o le kau agaveli, ti ke kotou vilo loa mei lokoutou tuuaga makeke ;

Uluaki tosi a Soane 2:21

Na kau fai tosi atu kia koutou, o leaise tupu e leaise kotou iloa le maoki, kae tupu na kotou iloa a ia ; ti e kotou iloa foki e leaise feala ke au se loi mei le maoki.

Lua tosi a Soane 1:2

o tupu ko le maoki leia e nofo ia tatou, ti e nofo loa mo tatou o lee gato.

Suta 1:17

Kae ko koutou, alofaina, ke kotou manatui a nea ala na fakasa fakatomua atu kia koutou e le kau apositolo o lotatou Aliki ko Sesu-Kilisito.

Suta 1:3

Alofaina, na kau oli lasi ke fai tosi atu kia koutou o uiga mo lotatou saofaki fakatasi, kae na kau logoi se fakamaua ke kau fai atu kia koutou le tosi leinei ke ekenaki ai koutou ke tau ki le tui leia kua tuku tua tasi ki le kau sagato.

Suta 1:5

E kau loto ke kau toe fakamanatu atu kia koutou, kia koutou ala e iloa ia a nea fuli ana, ko le Aliki, i le oki o lana saofaki le kakai ti mo lana fakamavae latou mei le fenua o Esipito, na tamate ia le kau tui gataa ;