Lua tosi a Petelo 1:1 - Tosi Tapu

¹ Ko au Simone Petelo, ko le tagata fakasausau ti mo le apositolo a Sesu-Kilisito, kia latou ala kua kau mo matou ki se tui mauiga e tasi i le faitotonu o lotatou Atua mo lotatou Aliki ko Sesu !

Lua tosi a Petelo 1:1 ပူးပေါင်းရင်းမြစ်များ

Esaia 12:2

Ko leinei, ko le Atua ko loku fakamauli, E kau apele loa i le fanaki, ti e leaise kau tuania loa se nea ; Talie ko le Eteleno, ko le Eteleno ko loku makeke ti ko le tupuaga o aku sua fakafetai ; Ko ia leia na saofaki ia au.

Selemia 33:16

I aso ana, e fakamauli loa a Suta, E maua loa e Selusalemi le fimalie i lona nofoaga ; Ti e tuku loa kiate ia le igoa leinei : Le Eteleno lomatou faitotonu.

Mateo 10:2

Ko nei igoa o le kau apositolo e tino agafulu tupu lua. Ko le uluaki, ko Simone, na igoa ko Petelo, ti mo Atelea, lona taina ; mo Sakopo, vosa o Sepeteo, ti mo Soane, lona taina ;

Mateo 4:18

I lana saele i le mata tai o Kalilea, na tio loa a ia ki se tautaina, ko Simone, leia na igoa ko Petelo, mo Atelea, lona taina, ala na fola ia se kupega i le tai ; talie ko ni tagata tautai laua.

Luka 1:47

Ti e fiafia loku loto i le Atua, loku Fakamauli.

Luka 11:49

Koia na fakasa ai e le Atua i lona poto : E kau kakau loa kia latou ni polofeta mo ni apositolo ; ti e lotou tamate loa a iki kae e lotou fakavelivelii loa a iki.

Soane 1:42

Ti na taki loa e ia a ia kia Sesu. I le tio a Sesu kiate ia, na pati loa a ia : Ko koe ko Simone, vosa o Sonasi, e fakaigoa loa a koe ko Kefasi (ko lona uiga ko Petelo, fa fatu).

Soane 12:26

Kapau e tausi se tasi kiate au, ke muli mai a ia iate au ; ti ko le ganea leia e kau nofo ai, e toe nofo ai foki laku tagata fakasausau. Kapau e tausi se tasi kiate au, e fakakololia loa a ia e le Tamana.

Soane 20:21

Na toe pati loa Sesu kia latou : Ke nofo ia koutou le tokamalie ! Ofaipe loku kakau mai e le Tamana, ko au foki e kau kakau koutou.

Gaoi 15:14

Kua fakamatala e Simone le uluaki tuku e le Atua ona mata ki puleaga, o filifili meia latou se kakai ke amo ia lona suafa.

Loma 1:1

Paulo, tagata fakasausau a Sesu-Kilisito, kua filifili ke apositolo, ti kua vaei kese ki le fakasa o le Evaselio a le Atua -

Loma 1:12

ti ke fakapelepelei ai tatou fakatasi i loto malie o koutou i le tui leia e tou fakatasi ai, koutou mo au.

Loma 1:17

talie i le Evaselio e fakasa ai le faitotonu o le Atua i le tui ti ki le tui, o mulimuli ki le nea leia e tuu i le Tosi : E mauli loa le tagata agatonu i le tui.

Uluaki tosi ki le kau Kolinto 1:30

Kae kua fakapipiki koutou kia Sesu-Kilisito, leia i le finegalo o le Atua, kua liliu kia tatou ko le poto, mo le faitotonu, mo le maokioki, ti mo le totogi,

Uluaki tosi ki le kau Kolinto 15:9

talie e kau ikiiki oki i le kau apositolo, ti e leaise tonu ke fakaigoa au ko le apositolo, talie na kau fakavelivelii le Ekelesia o le Atua.

Uluaki tosi ki le kau Kolinto 9:1

Pe leaise kau lauatea ? Pe leaise ko se apositolo au ? Pe na leaise kau tio kia Sesu lotatou Aliki ? Pe leaise ko laku gaoiaga koutou i le Aliki ?

Lua tosi ki le kau Kolinto 4:13

Ti e tupu e tou maua foki le Laumalie e tasi o le tui leia na fakasa i kupu anei o le Tosi : Na kau tui, koia kua kau masau ai ! Kua ma tui foki, ti koia kua ma masau ai,

Lua tosi ki le kau Kolinto 5:21

Ko leia na leaise iloa ia le agasala, na fakaliliu a ia e le Atua ko le agasala kia tatou, o tupu ke tou liliu iate ia ko le faitotonu a le Atua.

Kalate 2:8

talie ko leia na fakanofo ia Petelo ko le apositolo ki le kau silikosisio na toe fakanofo ia foki au ko le apositolo ki le kau pagani -

Efeso 3:5

Na leaise fakasa a ia ki vosa o tagata i tautupu mua, ofaipe lona fakasa i le temi nei e le Laumalie ki le kau apositolo maokioki mo le kau polofeta a Kilisito.

Efeso 4:11

Ti na soli e ia ni iki ko le kau apositolo, mo ni iki ko le kau polofeta, mo ni iki ko le kau evaselisita, mo ni iki ko le kau tausi ovi mo le kau toketa,

Efeso 4:5

e i ai se Aliki e tasi, mo se tui e tasi, mo se papitema e tasi,

Filipe 1:1

Paulo mo Timoteo, ko tagata fakasausau a Sesu-Kilisito, ki le kau sagato fuli ia Sesu-Kilisito ala i Filipe, ki le kau epikopo, ti mo le kau tiakono :

Filipe 1:29

ti e au le nea lena mei le Atua, talie kua tuku atu kia koutou le kalasia, o tupu ko Kilisito, ke aua na gato fua i lakotou tui kiate ia, kae ke kotou toe mamae foki o tupu ko ia,

Filipe 3:9

ti ke maua au iate ia, o leai i laku faitotonu, leia e au mei le lao, kae i le faitotonu leia e maua i le tui kia Kilisito, le faitotonu leia e au mei le Atua i le tui.

Lua tosi kia Timoteo 1:5

talie e kau taupau foki le tausi alofa malie o le tui maoki leia iate koe, leia na uluaki nofo i lou tupuna ko Loisa ti mo lou tinana ko Eunise, leia, e kau iloa papau, e toe nofo foki iate koe.

Tito 1:1

Ko au Paulo, tagata fakasausau a le Atua, ti ko le apositolo a Sesu-Kilisito ki le tui a le kau filifiliia a le Atua, ti mo le iloa o le maoki leia e mulimuli ki le aga fakaatua,

Tito 1:4

kia Tito, ko laku fanau totonu i le tui leia e ta fakatasi ai : Ko le kalasia mo le tokamalie ke soli atu kiate koe e le Atua ko le Tamana ti mo Sesu-Kilisito ko lotatou Fakamauli !

Tito 2:13

o talitali ki le amanaki malie manuia, ti mo le fakasa o le kololia o lotatou Atua lasi ti mo lotatou Fakamauli ko Sesu-Kilisito.

Sakopo 1:1

Ko au Sakopo, ko le tagata fakasausau a le Atua ti mo le Aliki ko Sesu-Kilisito, ki faasiga e kau agafulu tupu lua ala e mavetevete mamao, alofa atu !

Uluaki tosi a Petelo 1:1

Petelo, ko le apositolo a Sesu-Kilisito, kia latou ala e matapule mo mavetevete i Ponito, mo Kalatia, mo Kapatose, mo Asia, ti mo Pitinia,

Uluaki tosi a Petelo 1:7

o tupu ke asiasii lakoutou tui, leia e mauiga ake i le aulo popo (leia foki e tonu ke asiasii e le afi), ti ke kotou maua loa le fakavikiviki, mo le kololia, ti mo le fakamauiga mo ka sa loa Sesu-Kilisito.

Uluaki tosi a Petelo 2:7

Koia, kua mauiga a ia kia koutou, ala kua tui. Kae, kia latou ala e leaise tui, Ko le fatu leia na tiaki e latou ala na fau fale Na liliu ko le fatu tafito o le agele, Ti ko se fatu fakatupu tukia, Ti mo se utu fakatupu siga ;

Uluaki tosi a Petelo 5:1

Ko nei a ekenaki ala e kau fai ki le kau fakamatuatua ala e nonofo ia koutou, ko au, ko se tagata fakamatuatua ofaipe latou, ti ko se tagata fakamaoki ki mamae o Kilisito, ti ko se tasi foki kua kau ki le kololia leia e tonu ke fakasa :

Lua tosi a Petelo 1:4

Koia kua soli ai e ia kia tatou ni fakapapau mauiga mo lalasi ai, o tupu ke tou kau ki le natula fakaatua, o sola mei le aga fakalialia leia e maua i le malama nei i le oli veli.

Suta 1:1

Suta, ko le tagata fakasausau a Sesu-Kilisito, ti ko le taina o Sakopo, kia latou ala kua kalagai, ala kua alofaina i le Atua ko le Tamana, ti kua taupau kia Sesu-Kilisito :