Loma 9:30 - Tosi Tapu

³⁰ Kolea loa ke tou pati ? Ko le kau pagani, ala na leaise afa ia le faitotonu, kua maua ia le faitotonu, le faitotonu leia e au mei le tui,

Loma 9:30 ပူးပေါင်းရင်းမြစ်များ

Taagapati 15:9

E fakalialia le Eteleno ki le ala o le tagata agaveli, Kae e alofa a ia ki le tagata leia e muli i le maokioki.

Taagapati 21:21

Ko leia e afa fakamalotoloto ia le faitotonu mo le agamalie E maua ia le mauli, mo le faitotonu, mo le kololia.

Esaia 51:1

Kotou fakalogo mai kiate au, koutou ala e mulimuli i le faitotonu, Ala e afa ia le Eteleno ! Kotou tio ki le utu leia na ta koutou mei ai, Ki le mavaa o le popoko leia na too koutou mei ai.

Loma 10:10

Talie i le tui i le loto e kaku ai ki le faitotonu, ti i le fakasa i le gutu e kaku ai ki le mauli, ofaipe lona fakasa e le Tosi :

Loma 10:20

Ti na toa Esaia, o fakasa : Kua maua au e latou ala na leaise afa ia au, Kua fakasa au kia latou ala na leaise vesili kiate au.

Loma 10:6

Kae ko leinei le masau a le faitotonu leia e au mei le tui : Aua na ke pati i lou loto : Ko ai ka pale loa ki lagi ? Ko le fakaifo mai a ia o Kilisito ;

Loma 3:5

Kae kapau e sa i latatou lee faitotonu le faitotonu a le Atua, kolea loa latatou pati ? Pe leaise faitotonu le Atua mo ka liligi e ia lona sausau ? (E kau masau ofaipe masau a tagata).

Loma 4:11

Ti na tali loa e ia le fakamailoga o le silikosisio, ofaipe se fakamaoki o le faitotonu leia na maua e ia i le tui kae koi lee silikosisio a ia, o tupu ke liliu a ia ko le tamana o le kau lee silikosisio fuli ala e tui, ti ke lau foki le faitotonu kia latou,

Loma 4:13

Talie na leaise fai le fakapapau ke tuku le tofiga o le malama nei kia Apalaamo pe ki lona sakoga, i le lao, kae i le faitotonu o le tui.

Loma 4:22

Koia na lau ai le nea lena kiate ia ko se faitotonu.

Loma 4:9

Pe gato fai le manuia lena i le kau silikosisio, pe toe kau foki ki ai le kau lee silikosisio ? Talie e tou pati kua lau le tui a Apalaamo ko se faitotonu kiate ia.

Loma 5:1

Koia i lotatou fakamatatonu i le tui, e tou maua ai le tokamalie mo le Atua i lotatou Aliki ko Sesu-Kilisito,

Loma 9:14

Kolea loa ka tou pati ? Pe leaise faitotonu le Atua ? E leai ai !

Loma 9:31

kae ko Iselaele, leia na afa ia se lao o le faitotonu, na leaise kaku ki le lao lena.

Kalate 2:16

Kae, i le iloa e leaise fakamatatonu le tagata i mua o le Atua ki gaoi o le lao, kae ki le tui kia Sesu-Kilisito, ko tatou foki kua tou tui kia Sesu-Kilisito, o tupu ke fakamatatonu tatou ki le tui kia Kilisito kae leai ki gaoi o le lao, talie e leaise fakamatatonu loa se tasi ki a gaoi o le lao.

Kalate 3:24

Ti na fai le lao pe se tagata fai sekola ke takitaki ia tatou o kaku kia Kilisito, o tupu ke fakamatatonu tatou e le tui.

Kalate 3:8

Koia i le iloa fakatomua e le Tosi e fakamatatonu loa e le Atua le kau pagani ki le tui, na fakasa fakatomua e ia kia Apalaamo le logo malie leinei : E tapuakina loa a puleaga fuli iate koe !

Kalate 5:5

Kia tatou, e tou talitali i le Laumalie ki le amanaki malie o le faitotonu leia e maua i le tui.

Efeso 2:12

kotou manatui i le temi lena, na kotou sala Kilisito, mo sala kolo i Iselaele, mo matapule ki sai o le fakapapau, mo sala amanaki malie, ti mo sala Atua i le malama nei.

Filipe 3:9

ti ke maua au iate ia, o leai i laku faitotonu, leia e au mei le lao, kae i le faitotonu leia e maua i le tui kia Kilisito, le faitotonu leia e au mei le Atua i le tui.

Uluaki tosi kia Timoteo 6:11

Kiate koe, tagata a le Atua, sola mei nea ana, ti ke ke afa le faitotonu, mo le aga fakaatua, mo le tui, mo le alofa, mo le kataki fualoa, ti mo le agamalu.

Epelo 11:7

Ko le tui leia na fakalogo ai a Noe ki valoki a le Atua o uiga mo nea ala ka soko kae na leaise tio ki ai, ti na i loa a ia ki le Atua, o fau loa se aleka ke fakamauli ai lona famili ; ko le tui lena na fakasa ia loa e ia le veli o le malama nei, ti na liliu loa a ia ko le tagata maua tofiga o le faitotonu leia e maua i le tui.

Uluaki tosi a Petelo 4:3

Talie kua lasi le temi leia i mua na koutou fai ai le finegalo o le kau pagani, o saele i le mauli fakalialia, mo oli veveli, mo le inu fakavale, mo le kai fakavale, ti mo le fakalialia o tausi ki taulaatua.