Loma 9:3 - Tosi Tapu

³ Talie e kau fakaamu ake ke kau malaia mo kau motusi meia Kilisito o tupu ko oku fetaina, mo oku matua i le kanofi,

Loma 9:3 ပူးပေါင်းရင်းမြစ်များ

Senesi 29:14

Ti na pati loa Lapane kiate ia : E maoki ko koe ko loku ivi ti ko loku kanofi. Na nofo loa Sakopo i le masina e tasi i le fale o Lapane.

Lua tosi a Samuele 18:33

Koia na mamae lasi ai le sau, ti na pale loa a ia ki le kogafale i aluga o le matapa, o tagi loa. Na pati a ia i lana saele : Ei loku vosa ko Apesalone ! Ei loku vosa, ei loku vosa ko Apesalone ! Kolea na leaise kau mate ai o fetogi a koe ! Apesalone, loku vosa, loku vosa !

Esitele 8:6

Talie e feaki loa laku tio ki le malaia leia ka soko loa ki loku kakai, ti e feaki loa laku tio ki le maumaui o loku lanu ?

Ekesote 32:32

Fakamolemole i le aso nei lalatou agasala ! Ti kapau e leai, soloi au i lau tosi leia kua ke tosi.

Gaoi 13:26

Tagata fetaina, vosa o le sakoga o Apalaamo, ti mo koutou fuli ala e i ki le Atua, kua kakau mai kia koutou le folafola leinei o le mauli.

Gaoi 22:5

E fakamaoki kiate au le pule faisakilifisio mo le fono o le kau fakamatuatua. Na kau maua foki meia latou ni tosi ki fetaina i Tamaso, ganea leia na kau ano ki ai, o tupu ke saisai latou ala na nonofo i ai, o aumai ki Selusalemi ke fakatuaa.

Gaoi 28:21

Ti na lotou tali loa kiate ia : Na leikiaise motou maua se tosi mei Sutea o uiga mo koe, ti na leaise au se tasi fua i fetaina, o lauveli mai kiate koe.

Loma 1:3

Evaselio leia e masau ki lona Alo, leia na au mei le sakoga o Tavite, i le kanofi,

Loma 11:1

E kau pati loa : Pe kua tiaki e le Atua lona kakai ? E leai ai ! Talie ko au foki, e kau Iselaele, mei le sakoga o Apalaamo, mei le faasiga o Pesamino.

Loma 11:14

E kau fakaamu ke fakatupu i ai, mo kapau e feala, le finenonofo o latou o loku lanu, ti ke saofaki ai ni iki.

Loma 16:11

Avake oku alofa kia Elotione, loku kaiga. Avake oku alofa kia latou o le fale o Nalesise ala e nofo i le Aliki.

Loma 16:21

E fakaalofa atu kia koutou a Timoteo, loku kaukau nea i le gaoi, mo Lusiusi, mo Sasone ti mo Sosipatele, ko oku kaiga.

Loma 16:7

Avake oku alofa kia Atoloniko mo Suniasi, ko oku kaiga ti ko oku kaukau nea i le pilisoni, ala na alofainai lasi i le kau apositolo ti na uluaki tafoki iate au kia Kilisito.

Loma 9:2

E kau mafaia lasi ai ti e kau mamae tuumau i loku loto.

Uluaki tosi ki le kau Kolinto 12:3

Koia e kau fakasa atu kia koutou e leaise pati se tasi, mo ka masau a ia i le Laumalie o le Atua : e malaia Sesu ! Ti e leaise feala ke pati se tasi, mo ka e leaise masau a ia i le Laumalie Maokioki : e Aliki Sesu.

Uluaki tosi ki le kau Kolinto 16:22

Kapau e leaise alofa se tasi ki le Aliki ko Sesu-Kilisito, ke anateme a ia ! Malanata, au la Aliki.

Lua tosi ki le kau Kolinto 12:15

Kiate au, e kau fiafia lasi loa i le soli o nea fuli ala e kau maua mo loku mauli totonu o tupu ko okoutou laumalie. Pe kotou alofa ikiiki loa kiate au, mo kapau e kau alofa lasi kia koutou ?

Kalate 1:8

Kapau ko matou totonu, kapau na fakasa e se aselo mei lagi se evaselio kae e leaise ko leia na motou akonaki atu kia koutou, ke anateme a ia !

Kalate 1:9

Kua motou fakasa a ia i mua, ti e kau toe liuga atu a ia i le ola leinei : Kapau e fakasa atu e se tasi se Evaselio kese kia koutou kae e leaise ko leia kua kotou tali, ke anateme a ia !

Kalate 3:10

Talie ko latou fuli ala e pipiki ki gaoi o le lao e nonofo i le malaia ; talie e tosi : Malaia leia e leaise tausi ia a nea fuli ala e tosi i le tosi o le lao, ti e leaise fai ia latou.

Kalate 3:13

Na totogi tatou e Kilisito mei le malaia o le lao, o liliu a ia ko se malaia o tupu ko tatou - talie e tuu i le Tosi : Malaia leia e tautau i le laakau -

Efeso 6:5

Tagata fakasausau, kotou patigaofie ki okoutou pule fakamalama, i le i mo le lulu, i le loto faigaofie, ofaipe kia Kilisito,

Tetelonome 21:23

e leaise ke tuku loa le mate ke tau i le laakau i le pouli ki le ao. Kae e ke tanu loa a ia i le aso lena, talie ko leia e tau i le laakau ko se malaia a ia i mua o le Atua, ti e leaise ke fakakelekele loa le fenua leia e tuku atu loa kiate koe e le Eteleno, lou Atua, ke ke maua tofiga.

Uluaki tosi a Samuele 14:24

I le aso lena, na veli ai le gagae o tagata o Iselaele. Na fai loa e Saulo ki le kakai le fakapapau leinei : Malaia le tagata leia e kai ia loa se nea i mua o le afiafi, i mua o laku totogi ki oku fili ! Ti na leaise kai loa se tasi fua.

Uluaki tosi a Samuele 14:44

Ti na pati loa Saulo : Ke tautea au e le Atua i lona makeke katoa, mo kapau e leaise ke mate loa, Sonatane !