Loma 9:27 - Tosi Tapu

²⁷ Kae na tagi a Esaia o uiga mo Iselaele : Ka api loa a vosa o Iselaele ofaipe le one o le tai, Efakamauli loa se ga toetoega.

Loma 9:27 ပူးပေါင်းရင်းမြစ်များ

Senesi 22:17

E kau tapuaki loa kiate koe, ti e kau liuliuga loa lou sakoga ofaipe fetuu o le lagi mo le one o le mata tai ; ti e maua loa e lou sakoga le matapa o ona fili.

Esetalasi 9:14

pe motou toe kamata maumaui loa au folafola o fakatasi mo kakai fakalialia ana ? Pe leaise toe vilo loa lou sausau kia matou, o maumaui fuli matou ke aua na toe mauli se tasi ?

Esetalasi 9:8

Kae logo ai a nea ana, na alofa kia matou le Eteleno, lomatou Atua, o fakamauli ni iki o matou, ti kua soli mai e ia kia matou se mumuniaga i lona nofoaga tapu, o tupu ke fakamalamai ai omatou mata mo soli mai ai kia matou se malolo i lotolotoga o lomatou popula.

Esaia 1:1

Folafola kikite a Esaia, vosa o Amotesito, ki Suta mo Selusalemi, i le temi o Osiasi, mo Sotame, mo Akase, mo Esekiasi, sau o Suta.

Esaia 1:9

Ka na leaise tuku e le Eteleno o kau tau Se ga toetoega gaegae ia matou, Na motou liliu loa ofaipe Sotoma, Na motou tatau loa mo Komola.

Esaia 11:11

I le aso lena, e toe falo loa e le Aliki o tua lua lona lima Ke toe totogi le toetoega o lona kakai, Leia na mavetevete i Asilia mo Esipito, I Patolosi mo Etiopia, I Elame, i Sineale ti mo Amate, Ti mo atu motu o le tai.

Esaia 24:13

Talie kua tatau i le fenua mo loto malie o kakai, Pe ka oki le olive i le lu, Pe ka oki le vite i le tau, E leaise toe se nea.

Selemia 44:14

E leaise sao loa se fa toka tasi, pe sola, ia latou fuli ala na toe i Suta ti na ano o nonofo i le fenua o Esipito mo le amanaki malie ke lotou toe liliu mai ki le fenua o Suta o toe nonofo i ai ; talie e leaise lotou toe liliu loa ki ai, kae e gato loa ki se ga toka teiki leia e sao loa.

Selemia 5:10

Kotou kava ki ona paa, ti kotou soloi, Kae aua na kotou maumaui katoa ! Kotou tatai ona tafito vite Ala e leaise kau ki le Eteleno !

Esekiele 6:8

Kae e kau tuku loa ni ga toetoega ia koutou, Ala e sao loa i le seleta i lotolotoga o atu puleaga, Mo ka kotou mavetevete loa i fenua kesekese.

Soele 2:32

Ti ko leia e fetapa loa ki le suafa o le Eteleno e mauli loa ; E nofo loa le fakamauli i le mauga o Sione mo Selusalemi, Ofaipe le pati a le Eteleno, Ti mo lotolotoga o latou ala na saofaki, latou ala e kalagai loa e le Eteleno.