Loma 9:23 - Tosi Tapu

²³ ti kapau kua loto a ia ke fakasa a koloa o lona kololia ki ni ipu o le manavaalofa ala na teuteui fakatomua ki le kololia : Ko ai loa ke toe pati kiate ia ?

Loma 9:23 ပူးပေါင်းရင်းမြစ်များ

Uluaki tosi o Koloniko 29:18

Eteleno, Atua o Apalaamo, mo Isaake, mo Iselaele, omatou tamana, ke ke taupau o tuumau a manatu malilie anei i loto o lou kakai, ti ke fakamakeke lona loto ke tuu mau kiate koe.

Luka 1:17

E saele loa a ia i mua o le Atua mo le laumalie ti mo le makeke o Elia, ke toe taki mai ai a loto o tamana ki fanau, ti mo le kau patigataa ki le poto o le kau agatonu, o tupu ke teuteui se kakai ke malie ki le Aliki.

Gaoi 9:15

Kae na pati loa le Aliki kiate ia : Ano, talie ko le tagata lena ko se nea gaoi kua kau filifili, ke ave ia loku suafa ki mua o puleaga, mo mua o sau, ti mo mua o vosa o Iselaele ;

Loma 2:4

Pe ke fakanoai loa a koloa o lona agamalie, mo lona kataki fualoa ti mo lona manavaalofa faifualoa, o leaise ke iloa e ekenaki a koe e le agamalie o le Atua ki le fakasemala ?

Loma 8:29

Talie ko latou ala na iloa fakatomua e ia, na fakatuutuu fakatomua foki e ia latou ke tatau mo le paaki o lona Alo, o tupu ke liliu lona Alo ko le uluaki tupu o ni fetaina toka api.

Loma 8:30

Ti ko latou ala na fakatuutuu fakatomua e ia, na kalagai foki e ia latou ; ti ko latou ala na kalagai e ia, na fakamatatonu foki e ia latou ; ti ko latou ala na fakamatatonu e ia, na fakakololia foki e ia latou.

Efeso 1:18

ti ke fakamalamai e ia a mata o okoutou loto, o tupu ke kotou iloa le lasi o le amanaki malie leia e pipiki ki lana kalaga, mo le lasi o koloa o lona tofiga leia e taofi e ia ki le kau sagato,

Efeso 2:10

Talie ko tatou ko lana gaoiaga, leia na fakatupu ia Sesu-Kilisito ki ni gaoi malilie, ala na teuteui fakatomua e le Atua, o tupu ke tou fai latou.

Efeso 2:7

o tupu ke fakasa i sekulo ka au le mou koloa lee gato o lona kalasia i lona agamalie kia tatou ia Sesu-Kilisito.

Efeso 3:16

o tupu ke soli atu e ia kia koutou, o mulimuli ki le mou koloa o lona kololia, ke fakamakeke koutou e lona Laumalie i le tagata loto,

Efeso 3:8

Kiate au, leia e ikiiki oki i le kau sagato katoa, kua tuku ki ai le kalasia lena ke kau fakasa ia ki le kau pagani a koloa loloto o Kilisito,

Kolose 1:12

Kotou fakafetai ki le Tamana, leia kua mafai ai ke kotou kau i le tofiga o le kau sagato i le malama ;

Kolose 1:27

Na finegalo le Atua ke fakasa kia latou le koloa fakakololia o le misitelio a ia i lotolotoga o le kau pagani, ke iloa : Kilisito ia koutou, ko le amanaki malie o le kololia.

Uluaki tosi ki le kau Tesalonika 5:9

Talie na leaise fakatuutuu tatou e le Atua ki le sausau, kae ki le maua o le fakamauli i lotatou Aliki ko Sesu-Kilisito,

Lua tosi kia Timoteo 2:21

Koia kapau e fakamea se tasi mei nea ana, e liliu loa a ia ko se ipu mauiga, mo maokioki, mo aoga ki lona pule, ti kua teuteu a ia ki gaoi malilie fuli.