Loma 9:22 - Tosi Tapu

²² Ti kapau kua loto le Atua ke fakasa lona sausau, ti mo fakailo lona mafimafi, na katakii e ia i se kataki fualoa lasi ni ipu o le sausau ala na fau ki le malaia,

Loma 9:22 ပူးပေါင်းရင်းမြစ်များ

Senesi 15:16

I le fa o tautupu, e lotou toe liliu mai loa ki leinei ; talie e leikiaise kaku le agasala o le kakai Amole ki lona apele malie.

Pesalemo 90:11

Ko ai e tokaga ki le makeke o lou ita, Ti mo lau tautea, o mulimuli ki le i leia e tonu ke maua kiate koe ?

Ekesote 9:16

Kae na kau fakamauli a koe, o tupu ke fakasa iate koe loku makeke, ti ke fakamafola loku suafa i le malama nei katoa.

Taagapati 16:4

Na fai e le Eteleno a nea fuli ki se tauaga, Ti mo le tagata agaveli foki ki le aso o le malaia.

Tagi laulau a Selemia 3:22

E leaise oki agamalie o le Eteleno, E leaise gato ona manava alofa ;

Numelo 14:11

Ti na pati loa le Eteleno kia Moisese : E kaku loa kiafea le fakamamae o loku loto e le kakai leinei ? E oki loa afea lana tuigataa kiate au, logo ai a fakamailoga fuli o loku mafimafi ala kua kau fakatio a ia ki ai ?

Numelo 14:18

E kataki fualoa le Eteleno, ti e apele a ia i le manava alofa, ti e fakamolemole e ia a agasala mo patigataa ; kae e leaise fakatonuia e ia le tagata agasala, ti e tautea e ia a agasala o tamana ki vosa o kaku ki le tolu mo le fa o tautupu.

Loma 1:18

E fakasa mei le lagi le sausau o le Atua ki agasala fuli mo veli fuli a tagata ala e taofi ia le gaoi a le maoki,

Loma 9:17

Talie na pati le Tosi kia Falaone : Na kau fakatupu ia fua a koe ke fakasa iate koe loku mafimafi, ti ke fakasa ia loku suafa i le malama nei katoa.

Loma 9:20

Ei tagata, ko ai a koe, ke ke fakavisi ki le Atua ? Pe pati loa le ipu kele ki leia na fau ia a ia : Kolea na ke fau ai au ke kau feneeki ?

Loma 9:21

Pe leaise pule le tagata fai ipu ki le kele, ke fau e ia, mei se kele e tasi, se ipu mauiga ti mo se ipu masani ?

Uluaki tosi ki le kau Tesalonika 2:16

Ti e lotou ponopono matou ke aua na motou fakasa ki le kau pagani le folafola leia e fakamauli ai latou. O tupu ke fakakatoa ai alatou agasala. Kae e maua loa latou e le sausau o le Atua.

Uluaki tosi ki le kau Tesalonika 5:9

Talie na leaise fakatuutuu tatou e le Atua ki le sausau, kae ki le maua o le fakamauli i lotatou Aliki ko Sesu-Kilisito,

Lua tosi kia Timoteo 2:20

Kae i se fale lasi, e leaise gato fai ki ni ipu aulo mo ni ipu siliva, kae e toe maua foki i ai ni ipu laakau mo ni ipu kele ; ko ni iki ko ni ipu mauiga, kae ko ni iki ko ni ipu masani.

Uluaki tosi a Petelo 2:8

E lotou tukia i ai talie na leaise lotou tui ki le folafola, ti kua fakatuutuu latou ki le nea foki lena.

Uluaki tosi a Petelo 3:20

ala na tui gataa i mua, i le talitali mo le kataki fualoa a le Atua i aso o Noe, i le lolotoga fau o le aleka, leia na saofaki ia se ga toka teiki, ko le toka valu, mei le vai.

Lua tosi a Petelo 2:3

I lolatou manumanu koloa, e lotou faigai loa ke lotou maua meia koutou ni koloa ki ni masau kaka, e latou ana kua tuu fakalogo ki ai se tautea fakaii talu mei fualoa, ti e leaise moe lolatou maumaui.

Lua tosi a Petelo 2:9

Koia, e iloa e le Aliki le fakamauli o tagata maokioki mei le asiasii, ti e iloa e ia le taofi o le kau agasala ke tautea i le aso o le fakamaau,

Lua tosi a Petelo 3:15

Kotou tui ko le kataki fualoa o lotatou Aliki ko lokoutou fakamauli a ia ofaipe lona tosi atu foki kia koutou e lotatou taina alofaina ko Paulo, o mulimuli ki le poto leia kua tuku kiate ia.

Suta 1:4

Talie kua ulu fakatolotolo mai kia koutou ni tagata, ala kua fualoa le tosi fakatomua o olatou tautea, ko ni tagata agaveveli ala kua fetogi ia le kalasia o lotatou Atua ki le mauli fakalaluvale, ti kua lotou fakafiti ki lotatou Pule e tasi mo Aliki ko Sesu-Kilisito.