Loma 8:39 - Tosi Tapu

³⁹ pe ko makeke, pe ko le taualuga, pe ko le loloto, pe ko se tasi ake a nea na fakatupu, e mafai ia loa ke fakamavae ia tatou i se aso mei le alofa o le Atua, leia kua fakasa kia tatou ia Sesu-Kilisito lotatou Aliki.

Loma 8:39 ပူးပေါင်းရင်းမြစ်များ

Pesalemo 64:6

E lotou fakamakeke i lalatou agaveli ; E lotou fakakaukau ni masele, E lotou pati : ko ai e tio loa kia matou ?

Taagapati 20:5

Ko fakatuutuu i le loto o le tagata ko ni vai loloto, Kae e iloa e le tagata atamai le asu o le vai mei ai.

Katiko o Katiko 3:4

Na kau fakasili atu fai ia latou, Ti na kau maua leia e alofa ki ai loku loto ; Na kau kukumi a ia, ti na leaise kau toe tuku ake a ia O kaku ki laku fakaulu a ia ki le fale o loku tinana, Ki le kogafale o leia na fanaui ia au.

Esaia 10:33

Ko leinei, ko le Aliki, le Eteleno o kau tau, E fatifatii ia a laa o laakau i se makeke lasi : Kua tuuti a laa lalasi, Kua tuku ki lalo a laa taualuga.

Esaia 24:21

I le temi lena, e tautea loa e le Eteleno i le lagi le kau tau o aluga, Ti mo sau o le malama nei i le malama nei.

Taniela 4:11

Na liliu loa le laakau lena o lasi mo makeke, ti na malaga loa lona tumutumu o kaku ki le lagi, ti na tio loa kiate ia mei potupotu o le malama nei katoa.

Mateo 24:24

Talie e mafuta loa ni kilisito loi mo ni polofeta loi ; ti e lotou fai loa ni nea fakamanamana lalasi mo ni milakulo ke fakasesei ai, mo ka na feala, latou foki ala kua filifili.

Soane 16:27

talie e alofa le Tamana totonu kia koutou, o tupu na kotou alofa kiate au, ti na kotou tui na kau au mei le Atua.

Soane 17:26

Ti na kau fakasa kia latou lou suafa, ti e kau toe fakasa loa a ia kia latou, o tupu ke nofo ia latou le alofa leia kua ke alofa ai kiate au, ti ke kau nofo ia latou.

Soane 3:16

Talie na alofa lasi ai le Atua ki le malama nei, na soli e ia lona Alo fuatasi, o tupu ko se tasi fua e tui kiate ia ke aua na mate, kae ke maua e ia le mauli lee gato.

Loma 1:7

kia latou fuli i Loma ko alofaaga o le Atua, ala kua kalagai ke maokioki ki le vokasio : Ke soli atu kia koutou le kalasia mo le tokamalie e le Atua, lotatou Tamana, ti mo le Aliki ko Sesu-Kilisito !

Loma 11:33

Oiau ! le loloto o koloa, mo le poto, ti mo le iloa o le Atua ! Ko ai e mafai ke fakamatala ia ana fakamaau, ti ko ai e mafai ke iloa ia ona ala ! Ofaipe le fakasa e le Tosi

Loma 5:8

Kae na fakamaoki e le Atua lona alofa kia tatou, i leia koi tou nonofo ko nea agasala, na mate Kilisito kia tatou.

Loma 6:23

Talie ko le totogi o le agasala, ko le mate ; kae ko le nea alofa soli noa o le Atua, ko le mauli lee gato ia Sesu-Kilisito lotatou Aliki.

Loma 8:1

Koia i le temi nei, e leaise tautea fua e tasi kia latou ala e nonofo ia Sesu-Kilisito.

Loma 8:35

Ko ai ka fakamavae ia loa tatou mei le alofa o Kilisito ? Pe ko le masaki loa, pe ko le mamae, pe ko le fakaveliveli, pe ko le fia kai, pe ko le mativa, pe ko le tutamaki, pe ko le seleta ?

Lua tosi ki le kau Kolinto 11:3

Kae, ofaipe le gata leia na kakai ia a Eva i lana puleaki kaka, e kau i na kua fakasalai okoutou fakakaukau ke kotou maliu kese i le faigaofie leia e mau ia Kilisito.

Lua tosi ki le kau Kolinto 2:11

o tupu ke aua na tuku ke maua e Satana se faigamalie ia tatou, talie e leaise tou fakapouli ki ana fakatuutuu.

Efeso 1:4

Iate ia na filifili tatou e le Atua i mua o le fakatupu o le malama nei, ke tou liliu o maokioki mo lee mele i ona mua ;

Filipe 3:12

E leikiaise kau maua ia foki le fakapale, pe kua kau kaku ki le malie tukupau, kae e kau makape, o faiga ke kau kukumi a ia, talie kua kukumi foki au e Sesu-Kilisito.

Filipe 3:3

Talie ko le kau silikosisio, ko tatou, ala e fai ia ki le Atua latatou atolasio i le Laumalie o le Atua, ti e fakakololia ia Sesu-Kilisito, kae e leaise tuku ia latatou fanaki ki le kanofi.

Filipe 3:8

Ti kua kau tio foki ki nea fuli ofaipe ni nea ke tiaki, o tupu ko le malie tukupau o le iloa o Sesu-Kilisito loku Aliki, leia kua kau fakafiti ai ki nea fuli ; ti e kau tio ki nea ana ofaipe se pela, o tupu ke maua Kilisito ;

Lua tosi ki le kau Tesalonika 2:4

le tagata agatuu leia e malaga i aluga o nea fuli ala e igoa ko Atua, pe ko nea fuli ala e atolasio ki ai ; ti e kaku a ia o nofo ofaipe le Atua i le fale tapu o le Atua, o fakasa a ia ko le Atua.

Uluaki tosi a Soane 4:16

Ti ko tatou, kua tou iloa le alofa leia e maua e le Atua kia tatou, ti kua tou tui ki ai ko le Atua ko le alofa ; ti ko leia e nofo i le alofa, e nofo a ia i le Atua, ti e nofo le Atua iate ia.

Uluaki tosi a Soane 4:19

Kia tatou, e tou alofa kiate ia, talie na uluaki alofa a ia kia tatou.

Apokalipisi 12:9

Ti na ti loa ki fafo le gata lasi, le gata afea, leia na igoa ko Tiapolo mo Satana, leia na kakaai ia le malama nei katoa. Ti na ti loa a ia ki le kele, ti na ti foki ana kau aselo mo ia ki le kele.

Apokalipisi 13:14

Ti na kakaai e ia a kakai o le malama nei ki ana nea fakaofolele ala na soli ke fai e ia i mua o le uluaki manu fekai. Ti na pati a ia ki kakai o le malama nei ke fau se fakatata o le manu leia na lavea i le seleta ti na mauli.

Apokalipisi 19:20

Ti na fakapilisoni loa le manu fekai, mo le polofeta loi, leia na fai ia i mua o le manu a nea fakaofolele ala na sese ai latou ala na maua ia le fakamailoga o le manu fekai ti na su ki lona fakatata. Ti na ti mauli loa laua toka lua ki le moana kaka o le afi mo le sulifa.

Apokalipisi 2:24

Kae kia koutou, kia latou fuli ake ala o Tiatile, latou ala e leaise tali ia le akonaki lena, ti na leaise iloa ia a nea loloto o Satana, ofaipe lalatou fakaigoa latou, e kau pati atu kia koutou : E leaise kau toe teki loa kia koutou se tasi ake kavega ;

Apokalipisi 20:3

Ti na ti loa e ia a ia ki le vanu, ti na tapono loa e ia le matapa o fakamau ki le kalavi, o tupu ke aua na toe kakaai e ia a atu puleaga, o kaku ki le oki katoa o fetuu e afe. I le oki o fetuu ana, e tonu ke toe tatala a ia i se ga temi ikiiki.

Apokalipisi 20:7

Ti ka katoa loa a fetuu e afe, ti e toe tatala loa Satana mei lona pilisoni.